ياسيداتي معاش حد يطلب نشر قصه احسان لان دموعها امس مازالوا في وداني وهي تقولي
احسان....انتي سبب نشر قصتي لما خشيت عليك الخاص وحكيتلك انتي اللي شجعتيني وقلتلي حيتعاطف معاك الرائ العام وحتلقي حل لمشكتلك مشكلتي ياسومه اللي منعرفش لوين بتوصل بيا
سومه....نزلتلك اعتدار والكل يطلب بعرض قصتك والاغلبيه تعاطف معاك
احسان..الاغلبيه التانيه طلعوا ملائكه منبيش ندكر اسماء اللي هانتني في التعليقات لكن نقوللهم
ياخوتي ما انا الا بشر ولو سمعتوا قصتي كلها للنهايه مكانش حكمكم عليا بي هالقسوه
سومه..... وبكت احسان لين وجعتني وانا نقوللكم بنيابه عنها
تمنيتك ياسيدتي انتي اللي اصدرتي الحكم عليها من اول جلسه مستعجلتيش هو القاضي يحكم بعد المدواله القاضي ياسيداتي الفضلات يحكم بعد حمع الادله انتي علي اي اساس بنيتي حكم عليها اصبرتي لين كملت
وتتكلم احسان مابين دموعها ....لكن انا نحملك وزر سؤ الظن بيا
قلتوا الفجي لان علي قولت سيدتي الفاظله سومه محد يعرف الزمان شن داسله وكلنا ولايه والوقت مايفرحش ياسيدتي اللي هنتيني في التعليق انتي راجلك حميك يحقلك تتفخري عليا وانا راجلي ميت بومك حماك لكن انا امي وبوي ناس عرب علي نياتهم علي باب الله امي ياخوتي شاه لله ترعى لله وبوي كبير في السن ومش حمل رعايش رباني وانا فخوره بيه وان شالله ماينزل راسه نقتل روحي ولانخالي حد يقوله بنتك اغتصبوها ياريتكم خالتوني نكمل حرام
وبكت احسان لدرجه انا نفسي والله دمعت عيني ولحمي قشعر وحسيت كم احني نظلموا في الطرف الاخر
وتماسكت احسان وبصوت كله تقه قالت
احسان....وعل عموم انا والله وربي شاهد عليا ان علاقتي بسلافي من اللي تزوجت زي الخوت واللي اتهمتني اني نلبس وانا في العده الشرع قال في حوشي نلبس اي شي المهم بره لا وانا مخلفتش الشرع في لبسي بس هو عل مرتين كان يخش بدون استأدان والشي التاني من اللي متقابلش في سلفها وسلفها ميعرفش وجها ناااادر جطا جدا وكلنا ليبين ونعرفوا بعض يلافنا معتبرينهم خوتنا ياناس خلاص تو كلكم طلعتوا ملاك سلايفكم ميعرفوكمش كلكم طلعتوا
والحق احسان مجفوش دموعها وهيا تقول ...سامحوني ياخوتي انتم كلكم محترمات وانا اللي ...
سومه,.,,,,,اسكتي متكمليش
احسان تبكي وتقول ..ربي ان شالله من عنده ينصفني وان شالله يستر عليكم
استودعتكم الله
سومه...وفصل الخط عليا من احسان ودارتلي حظر وان شالله تسامحنا يارب
وياريت منها نتعلموا في الجدبد منصدروش احكام لين تكمل عنا الرؤيا
وسامحوني انا لاني مقدرتش نقنعها بأنها تكمل مع ان نهايه قصتها اصعب من بدايتها لكن مش من صلاحياتي نكملها وخكي نسكروا ملف #قصه_أحسان
#ابتسام_علي
