#اغتصاب_ارمله
الجزء الرابع
ياسادتي...
قد تظنون أنني لا أشعُر ولا أبالي للأمر وأنا في الحقيقة قد هزُلت من الصمت....
ياسيداتي...
وحدهُ الله من يجعل جراح الفؤاد برداً ، ويرفق بالعيون الباكيات .
.........
نبداء بهده الكلمات حلقه هدا اليوم واللي حتبكي الحجر من مآساتها ولكن
#قدر_الله_وما_شاءفعل
............
سومه.....كلنا نعرفوا ان موافقت احسان علي الزواج هو مصيبة حملها... لكن ياساده الناس متعرفش ان مصيبتها اوعر من ان تحملها جبال وزيدها ان زوجها صار بعد العده مباشره هدا بحد ذاته كان كف قوي للناس اللي محيطه بيهم اهلهم واقاربهم هو صح في زوج السلف من مرت خوه بعد ما يموت لكن اقل شي بعد العام اما عند احسان فكان بعد العده بي 3اسابيع وهدا حرك عليها الاقويل وكلنا ليبين ونعرفوا الكلام اللي ينقال...
سوسن....آحسان كانت هااااديه بطبعها وطيبه مش من الفلاحات وهدا اللي خلا غاده سلفتها تحبها وتعطف عليها
سومه....الله يادنينا من قال القدر يلعب لعبته معهم الاتنين
سوسن....هني الكارثه ياسومه حاولت غاده تمنع زوج مفتاح من آحسان لكن
#تجري_الرياح_بما_لاتشتهي_السفن
...... ..
بعد يومن من موافقه آحسان
غاده....بتخليني واقفه عل باب
آحسان مصدومه ومتحشمه وتلكلك.....ت ت تف ضلي تفضلي
خشت غاده وقفت في نص الحوش وتلفتت بآلم...
غاده.....علاش شن درتلكانا لحد الان مش مصدقه
آحسان نهمرت بالبكي ونزلت علي ركبيها ومغطيا وجها بيديها
غاده تشوفلها......علاش وفقتي اللي محيرني احسان علاش قلتي باهي
احسان تبكي وترددد....غصبن عني والله
غاده بهدوء....كيف غصب وانتي علي قول اللاي وفقتي من اول ماغرض سيدي عليك الموضوع
آحسان ودمعها علي خدها.....سامحني ياوخيتي
غاده بآلم وغصه ....كاني وخيتك راه ماخنتنيش
آحسان....ماتظلمنيش ياوخيتي تربحي
غاده تتقدم وتقيم آحسان من كتافها بيديها وتقولها
غاده....شوفي لعيوني وقوللي بنآخد منك مولا بيتك
احسآن تفك في روحها منها وتلفت في راسها ايمين وايسار ب لا
غاده....قولي انك حطتي عينك علي راجلي وانا اللي آمنتك عليه
آحسان ترددد وتبكي....لا والله لا
غاده بحزن.....قولي انك طمعتي في راجلي وحسدتني فيه
آحسان تعيط....حرام عليك ماتحكميش عليا قبل ماتفهمي....
غاده ....ههه نفهم ونحكم ونظلم ههههه انتي من اي طينه معجونه
آحسان تحرك في راسها وتبكي وتردد.....حرام والله والله مانبي نتزوج مفتاح لكن.........#وسكتت
غاده ودموعها نزلوا فجاه....لكن !!لكن شني
آحسان تشوفلها وتبكي ......
غاده.....علاش مفتاح بدات ياآحسان شن اللي بينكم يآآحسان
آحسان تشوفلها وخافت وخرت بسرعه ولفت وجها
حست غاده بيها تقربت منها وشدتها من كتافها تاني وهزتها بقوه وتقول
غاده....شن اللي بينكم ياآحسان
آحسان تعيط....بعدي بعدي مافيش بنا شي بعدي
وهربت لدارها وسكرتها عليها وهني شكت غاده ان سبب موافقت آحسان وراه سبب
سومه....كيف شخصيه غاده !!!
سوسن....مش كبيره في العمر 40سنه حلوه رزينه كلامها موزون ومدرسه تانوي ومرآه حادقه ومش ساهله ولا من النوعيه اللي توفوتيه عليها
سومه....اها ومفتاح!!
سوسن....عمره 48سنه لكن ملامح الزين واضحه هليه رغم تقدم السن شعره شيب ولحيه شيب من الرجاله اللي واقفه لروحها يبان للناس او الاصح الكل يعرفها بشخصيه قويا واااعر كلمتها محد يتنيها كبير العيله والكبير الله شاد الرزق كله ومن نوعيه اللي يسافر هلبا لان علي كلام احسان عندهم شركه في قبرص لي شن منعرفش
سومه....حتلتهم كويسه يعني
سوسن.....هلبا وهدا اللي خلا الحاج يوافق علي زواج مفتاح باش آحسان ماتطلبش رزق صغارها
..............
حسن خو مفتاح متزوج....قولي شن اللي خالك تفكر تتزوجها
مفتاح....زي ماقالك بوي بنلم صغار خوي
حسن....لكن فرق السن بينكم هلبا مش حرام
ولع مفتاح قاله.....وانت شن دخلك حد شكالك
رجب خوه التاني اللي متزوج....مفتاح كان علي لم صغار خوك تقدر تعصمهم علاش تتزوج آحسان
وتلفتله وشده من رقبته.....اسمها مانسمعاش منك تاني
حسن.....شن غيره ولا شن النظام يامفتاح
رجب نفظ ايدن خوه من رقبته وقال....كانك علي الزواج انا اولا بيها اقلها انا اصغر ومعنديش صغار و...
مكملش كلامه الا وكان مفتاح عطيه بونيه مطيحا بيها....
حسن ناض بسرعه وشد خوه رجل وتلفت لمفتاح وقاله
حسن.....لا هدا الموضوع كبير يافتاح
مفتاح يهدد بيديه....اسمع انت ويها احسان ليا وملكي وعزت جلال الله كلمه تنقال من وراي عليها مش نعديها علي خير
وتلفت لرجب وقال... وانت احسن ليك تمسح صورتخا من خيالك واسمها من ذاكرتك
حسن بهزوه.....وواو حب الشيابين
مفتاح بحده واضحه....تلم روحك احسن ما انا نلمك
خاف رجب وناظ وطلع وراه حسن وكانت سلفتها #هباء اللي معندهاش صغار مرت رجب تسمع في الحوار اللي صاير في المربوعه متع شيابينها بصدفه كانت ماشيه لعزوزتها...
طلعوا وقفت هيا شاده ايدها علي فمها وتبكي بلاصوت
سومه.....ووواه رجلها سمعتها بودنها يبي سلفتها مسكينه احسان الهم لاحقها لاحقها
سوسن....آآآه ياسومه لو تسمعيها تحكي في اللي صاير وقلبهم محروق تقولي كيف بنادمه اهيا قاعده واقفه معاهم بطولها
سومه....الله المستعان
.........
ركبت تجري هباء وطقت علي آحسان ..فتحتلها امها
هباء تبكي بصوت عالي....وين آحسان
سليمه.....خيرك يابنتي
هباء تعيط بعلو حسها.....انا مش غاده الساكته وين بنتك وين
طلعت آحسان علي صوتها وكانت حمات آحسان الوسطيا لمتزوجه عندها طلعت معاها
زهره حماتهم.....خيرك تعيطي شن في
هباء تصيح وتشلل بيديها....قولي لمرت خوك اللي مات وخالنا البلغماء مرته
نصدمت احسان .....
زهره بصوت آعلا.....تحشمي علي وجهك واحترمي نفسك وقولي الله يرحمه
هباء تصيح.....تي كيف تبيني نترحم علي واحد مات وخلا مرته تصتاد في رجالتنا
آحسان تشوفلها مغلوبه علي آمرها وامها مفهيا فيها زي المسبوه معاش عرفت شن تقول
زهره تصيح....انتي مش مربيه لكن في راجلك تو آناديه يلمك
هباء تصيح.....ايوه ايوه طابخينها مع بعض قولوا هكي
زهره.....شن اللي طابخينا ياخيخا انتي
هباء....ايوه تزوجها لرجب منها يلم الرزق ومنها بالك يحصل صغار لكن مفتاح كسر خطتكم وخدها منكم
زهره تقدمتلها وترنها كف تلاتي الابعاد...
زهره....والله انتي مانك مربيه لكن ...
مكملتش كلامها وكانت آحسان غايبه عن الوعي وطاحت من طولها
وهني عيطت امها وزهره وركبوا كلهم وتقدم مفتاح بسرعه ويقيها ويحطها في كرسي محطوط في وسط الحوش
سومه....عارفها حامل
سوسن....وطبعا تخميم وماكله مفيش صارلها هبوط
سومه....رفعها ؟؟
سوسن....اي لما حاولوا يبخوها بالصنه ومافقتش رفعها للمصحه بروحه
سومه.....كيف؟؟
سوسن....نزل بيها وريحهم في طريق سكر نقاله لان عارف ان الدكاتره ممكن يقولوا قدامهم انها حامل
سومه.....واه مبعدها
.......
تو لحد اهني ونعتبروا في مفتاح #الجلاد وآحسان #مظلومه وغاده #ضحيه
وهباء #مجني_عليها
حلقه في عيله سببها الاهمال في #امور_الدين
غاده لتوه تبان صابره لكن بتقعد علي صبرها ولا....!!!!!
هباء شن مصيرها بعد اللي قالتها وشاهده زهره...!!!!
وآحسان لما تفيق شن بيصيرلها مع مفتاح في المصحه...!!!
وياااارب يارحيم نسآلك الستر
#استنوني غضوه مع احداث مؤلمه للغايه
#الكاتبه ابتسام علي..
