اغتصاب ارمله

الاوله

#اغتصاب_ارمله
نبدا دردشي علي بركه الله والصلاه على رسوله صلى الله عليه وسلم
سومه.....اخترتلك اسم #احسان قوللي نبده عن حياتك الشخصيه وياريت تلتزمي معاني بالمصداقيه لان حكايتك مش زي اي حكايه
احسان....مش عارفه منين نبدا ..خايفه...مخنوقه...مهمومه...حايره ...متوتره لاني بنحكي مش عارفه
سومه....خاليك علي سجيتك واحكي وانا نكتب ولا يهمك
احسان....انا بنت من اسره عاااديه جدا جدا بوي كان موظف ربنا انا وخوتي علي القيم والاخلاق وحسن معامله الطرف الاخر...علما حب الغير والتسامح لدرجه ان لما تزوجت القيت عكس ماتربيت
امي ياسومه ربه بيت طيبه وعلي نيتها عمرها متقولك لا وديما تحمد في ربي وصلاتها وسبحتها من يوم ماعرفنها متفارقهاش
احني 2 بنات و3ولاد اختي تزوجت قبلي بسنتين
سومه...موليد كم وخريجه او لا؟؟؟
احسان...م79 قريت لسنه اول جامعه علوم وسيبت لان ظروف عيلتي مش اوي مع اني كنت ممتازه
سومه...اي سنه تزوجتي ؟؟؟
احسان....2010
سومه.....عندك صغار؟؟؟
احسان....بنتين ولد
سومه...مش حنقولك احكيلي علي زوجك لان ميفيدناش في الدرشه لكن نبي نسأل تزوجتي عن حب او تقليد؟؟؟؟
احسان...تقليدي
سومه.....انتي ارمله ...كيف مات زوجك وامتا؟؟؟
احسان مخنوقه....مات بلاوكيميا في الدم من سنتين وشهر
سومه...مش خايفه وانتي تحكي حد يعرفك او يشك فيك وهكي تكوني في خطر؟؟؟
احسان....مادام انتي متعرفيش الا صوتي عن طريق المنسجر حكيتلي محد يعرفها غيري هو وربي سبحانه
سومه....هو شن تبي تسميه في حكايتك؟؟
سكتت احسان وهيا تفكر تواني وقتلي
احسان.....كل اسماء شويا فيه لكن هو كان #للحقاره عنوان #وللنداله قصه #وللنفاق اسطوره
سومه....جلادك من يكون؟؟؟
احسان....#خو راجلي ....#سند ولادي بعد بوهم ...#عم صغاري اللي يتباهوا بيه
سومه...لاحول ولاقوه الا بلله
وبكت احسان وبعد فتره عاودت الاتصال بيها
احسان..اسمعي بنحكي بسرعه ويارت تقدري تكتبي اسرع
سومه...ان شالله تفضلي
أحسان ...مرتبكه مش عارفه كيف نبداء ؟
سومه....نساعدك ولايهمك قوللي انتي ساكن مع شيابينك؟؟
احسان...لالالا لكن في ارض وحده هومقسم انا وسلافي وعزوزتي اللي هيا واخده الحوش الرئيسه والاكبر طبعا ومعاي 2سلافات وحده اكبر مني 11العام وهدي ماشالله بناتها كبار والتانيهواكبر مني بي 4سنين وعندها صغار يقروا وعندي 3حمرات متزوجات ومازالي 2سلاف واحد خاطب بنت عمه والتاني طالب اخر سنه جامعه
سومه.....يعني شبه سكنتكم مع بعض؟؟
احسان....اي هلبا عليتهم لما خشيت عليهم مرتبطين هلبا الجمعه من الصبح في حوش اللاي وساير الوقت لما نكملوا ضمنا السلافات نمشوا لحوش اللاي نهدرزوه سلافاتي ماشالله عليهم عاقلات وركزات ولما واما سلافي عندهم عاده في الليل بعد العشي نتلاقوا علي علاه الشاهي اللي عزوزتي متنحيش فيها لان سيدي يبيها ضروري نتلاقوا عليهم ونهدرزوا ومحترمات بحجابنا وتهدريزنا عام ومرات نضوا ويقعدوا هم مع بوهم وامهم يعني عائله سعيده ويحبوا بعض ويساعدوا في بعض والله في من مرات نضايق الحق عزوزتي مهدرز معاها نرتاح لما تزفى زوجى حلف شيباني
الحاج حسن ...علي اليمين ماهي طالعه من حوشها هدي بنتنا
بوي.....ياحاج لكن بنتي صغيره وال
ويقاطعه سيدي وكلنا نسمعوا فيه.....بنتك بنتي ونوعدك نحافظ عليها زي بناتي و العده تكمل في حوشها تمها
طبعا الحق سلافاتي كانوا مرتاحين وساندوني هباء زوجه الوسطي تحبني وقراااب من بعض هلبا وفعلا ياخوتي ربطت في حوشي لكن منعرفش ان منقابلش يلافي نقابل فيهم يحجابي ويخشوا يلعبوا في صغري وسألوا فيا لوتبي حاجه الحق وانا من حوشي مطلعتش
في يوم لما كان الضي يهرب بال12 ساعه وفي المغرب تمت لمبت الشحن اتصلت بسلافتي وطلبت منها شمع قتلي اسمع تو نبعتلك مع فتحي لمبت الشجن عندي الاحطيات مشحونه كانت امي عندي واختي ومرت خوي بايتين
سومه...كم ليك في العده وقتها؟؟؟
احسان.... مازالي يوم ونكمل الشهرين
خش مفتاح وملي لمبه الشحن وخديتها منا وقالي بالحرف الواحد
مفتاح....خاليها عندك تونشري وحده للحوش
ابتسمت بحسن نيه وكانت نيتي الحمد لله الكل كويس معاي خديتها وشكرته وطلعت اختي قتلي
غاده.....احسان البومبه نطفت علي العشي ؟؟
وانا شفت لمفتاح وقتله
احسان....بنتعبك تجيبلي متع اللاي
قالي مفتاح....ايح عاد انتي تعبك راحه وابتسمتله وفي عيوني امتنان والله العظيم امتنان والله علي ما اقول شهيد
سومه...عادي السلف والله يخدمك اكتر من خوك لان الاخ بعيد هدا الواااقع الليبي فعلا كملي
احسان .....وفعلا جابهالي وركبها وشكرته وطلع وبدي كل يوم يتسبل باش يخش وانا عااادي مدرتش النيه السوداء بكل وسلافتي تقولي انا نقوله ونوصي فيه بالك تبي حاجه ومتحشمه
سومه...متقوليليش هو اللي لعب بيك؟؟؟
احسان تبكي بحرقه وجعتني ......
احسان بين دموعها...ياسومه وياخوتي مش هكي بس
سومه.....لحمي شوك وحسني رعشت
احسان والعبره خانقتها تقول .....
أحسان....يوم ليا شهرين و17ليوم في العده مازلت صارت للعيله حاله وفاه مشوا كلهم وانا قعدت نطيب للولاد وشاده الصغار وروحوا سلافي من الجنازه تغدوا وةقعمزتلهم علي العله مع شيباني لان متعودين لما اللاي تغيب اللي موجوده تشد عليها وتاي يوم مع المغرب طق سلفي مفتاح يبي مفاتيح السياره متع المرحوم كانت معروضه للبيع فتحله ولادي من غير علمي صغير ولدي ميعرفش وانا مقابله مقعمزه في الصاله وكنت كيف كملت حوستي ومتوقعتش حد يجيني لباسه كيموني وقصير وهو خش يلعب في بنتي منتبهليش طلعت وبسرعه رجعت نجري لكن كان شافي خلاص ومن الحشمه معاش قدرت نطلع وهو طلع وروح بعد مامدله ولادي المفتاح طلع وانامتحشمه عل الاخير مرقدتش ليلتها وخفت من اللي صار وصليت واستغفرت ربي لين خداني النوم ورقدت تالت يومكانالفرق وطبعا كلهم مشوا من الضحى لان قريبهم وانا منمشيش لاني مازلت في العده مشيت اول يوم شويا مع شيبانيه وخلاص
المهم مع العصر نزلوا الصغار يلعبوا لوطه مع صغار عمهم وانا رادا بالي من البلكونه ومره مره نطبس نشوف فيهم طق الباب نحسابه الصغار طلعت طبعا كان الجو نو شهر 8 عز عو النوز معاش حد يجيني هلبا لبسه تي شرت كيموني وشورت لصق والله والله توقعتهم صغاري
وكانت الكارته
سومه....شويا شوسا معليشي انتي حكيتي تو احكي بالتفصيل
احسان تبكي......
سومه...معليشي اسفه بس لان السؤال اهني طرح نفسه هكي فجاه خش اعتدي عليك او كان ناوي الاغتصاب اصلا ؟؟؟؟؟
احسان تفكرت الحادته بدت تبكي وجعتني
احسان ...انا ملاحطتش عليه قبل ان هو عينه مني او حسيت ان ناويلي علي نيه .؟؟؟
سومه....ولما فتحتي الباب ؟؟؟د
احسان ....عيطتت وقتله اسفه نحساب الصغار وارتبكت لكن هو بسرعه ما
سومه....ما شني ؟؟؟
احسان ....كنت بسكر الباب لكن هو اسرع مني خش وبسرعه
مفتاح ....محلاك
احسان خافت ومشت تبتجري كان اسرع منها وشدها
مفتاح....من فتره وانا
احسان....مفتاح انا مرت خوك خيرك
وكان وقع الكلمه عليه قويا شافلي وطلع يجر وخبط الباب وطحت احسان علي ركبيها تبكي وخايفه ومصدومه
احسان...كنت بنتصل ياخوتي باختي او امي لكن خفت حسيت نفسي بنكبر الموضوع فكرت نكلم حماتي ونقولها قلت مش حتصدقني وروحوا العيله وركبوا صغاري ومع الساعه 10 ركبتلي سلفتي غاده
سومه...اللى زوجها مفتاح؟
احسان ...اي وخشت وكانوا عيوني منفخات من البكاء من حسن نيتها قتلي بالحرف الواحد
غاده....خلاص ياسرك من البكاء الله يرحمه ويغفرله تو اللهي في صغارك وحوشك ومعاش تبكمي علللي راح ربي يحفظك ليهم
شفتلها ياخوتي وقلبي مغصوص ولاشعوزريا يااااخوتي تبطتها وبكيت وهيا علي نيتها تبكي معاي ياسومه ووووه عليا وووه تحسبني نبكي علي سلفها متحسابنيش نبكي علي اللي داره رجلها
سومه...وواه موقف صعب الصراحه
احسان .....تصدقوا لونقوللكم مبتش تروح واتصلت براجلها وقتله بنبات
وانا مصدومه والله الله لما قالها
مفتاح.....باتي باتي ولا يهمك الصغار رقدو
غادف....اسمع جيبلي رتاج مرات تفيق في الليل تنوض تبكي
مفتاح ....ان شالله
وتواني وكان عندنا وانا في الدار خااايفه وهونسمع فيه يقول لوتبوا حاجه اتصلي
توقعته حاسس بالدنب لكن ما خفي كان ........
وهيا بايته قتلها والحوار بالحراف الواحد
احسان..اسمعي مازالي في العده شهرين وايام وبعدين بنمشي لحوشنا
غاده....عينك من بيخاليك
احسان ..انا فكرت وقررت خلاص انا وليه وبروحي والدنا
وتقطاعني بحسن نيه ياخووووتي وهدا اللي كسرني
غاده...من بيخاليك او بيخالي حد يوطي عليك والله انا ومفتاح اول ناس والله انتي وخيه ومفتاح والله ميرضى فيك دقت الشوكه
وهني بكيت ياخوتي لين هيا اتصلت باللاي وقتلها تعالي وفعلا جت اللاي وسلفتي التانيه وخشلي سيدي ويصبروا فيا علي اساس اني نبكي علي المرحوم
سومه....لاحول ولاقوه الا بالله لكن الحق اهل زوجك ناس يعروفوا القدر
احسان ...اه ياسومه اه يعرفوه بالوافي وتعالي نحكيلك
سومه...احكي
احسان ....بعد 5 ايام جي يوم خميس وانا معنديش علم انهما بيكمشوا للعزي علي اساس بيسوا لان خميس
سومه......شن يكون العزي باش يمشوا 3يام ويولوا الخميس ؟؟؟؟
احسان .....راجل عمته شيباني متكبر لكن واجب
سومه....ولمل مشوا سهروا الخميس انتي كيف معندكش علم
احسان ......تو تجيك الدوه وتحيري شن تردي عليا
سومه...يستر الله
احسان طبعا انا وصغاري رقدتهم ويومها من سؤ حظي مشفتش حد كانت عندي امي ومرت خالي وكنتها وروحوا عادي وبعتت للاي لكن قالت يغسلوا في بسطاط
واللي يوجعك انهم بعتوا مع بنت سلفتي الكبيره انهم طالعين يسهروا باش نسكر البيبان لكن متخافيش سلافك الشباب ومفتاح قاعدين ...
وبنت سلفي لقاها مفتاح وسألها قتله ردعليها بري تو انا راكب نقولها لاني نبي ورق منها ومشت بحسن نيه\سومه...طبعا كان زي ماقلتي عيله وحده محد يشك او يعطي خوانه
احسان.....مشوا وانا رقدت صغاري ودوشت غادي وفتحت التلفزيون وفجاه سمعت.......
سومه شن سمعتي ؟؟؟؟
ونهمرت بالبكي احسان وفصل الخط منها ....والصراحه تحشمت نعاودلها
شن اللي سمعاته احسان ؟؟؟؟
وشن اللي بتنصدم بيه وبي غير حياتها غير الاغتصاب؟؟؟؟؟
سلفتها شن اللي بيهدها ؟؟؟؟
وعزوزتها وشيبانيها وين موقعهم من الاعرب؟؟؟؟ — ‏مع ‏ملاك مالك مندر‏.‏