لو البُعد يجي على قد الاشواق كان شوقي تعدى بعدك وجابّك.

البارت ٦٤

هيام كانت بتمشي ووقفها صوته:هيام
لفت عليه هيام بدون ماتتكلم
بدر استغرب:كيفك اليوم ان شاء الله احسن؟؟
هيام:الحمدالله احسن
بدر استغرب اسلوبها:وشفيك؟؟ فيه احد مضايقك احد قايل لك شي؟؟
هيام هزت راسها بلا:لا تبي شي تاخرت على البنات؟؟؟
بدر استغرب:لا انتبهيلك واذا تبين شي كلميني
هيام هزت راسها ومشت تركب
بدر راح السياره وركب جنب مطلق وهو معقد حواجبه
مطلق لف عليه:وشفيك؟؟
بدر للحين معقد حواجبه:لا ابد سلامتك
مطلق فتح الواتس وضحك
بدر لف عليه:وش فيك؟؟
مطلق ببتسامة:اوووههه ماعرفتك
بدر استغرب:وشفيه علمني ولف على صقر الي يطق الدريشة وفتحها وش فيك توك طلعت
صقر بفرح:كذا ماتعلمني اعرف من خواتي ياتيس
بدر تنرفز:وش اخلصو علي
صقر فتح الباب ونزله وضمه:مبروك يابو عبدالرحمن ماعلمتنى انه عبدالرحمن جاي بطريق
بدر بحاله عدم استيعاب من جهه هيام وتصرفاتها ومن جهه صقر وكلامه
بدر عقد حواجبه:وش تقول انت من عبدالرحمن
صقر طلع جواله:القروب البنات يقولون لاتاخذون بكلام هيام اذا ضايقكم شكلها هرمونات الحمل
بدر انصدم:كيف اصبر عد عد وش قالو
مطلق ضحك:شكله ماعلمته كانت بتسوي له مفاجاة واحنا خربناها
بدر بدا يعصب:بتشرحون زي الناس انتم ولا اروح افهم انا بنفسي؟؟
صقر ابتسم:لا لا بنشرح نجد تقول لا تزعلون اذا تضايقتو من كلام هيام لانه شكلها هرمونات الحمل توها تشتغل
بدر رفع جواله وكان بيتصل عليها بس مسك نفسه يوم عرف انها تسوق وما يبيها تلتهي وتنهد ومد المفتاح لمطلق: رح انت لشغلك انا مانب رايح ومشى عنهم وهو يفكر بالموضوع
مطلق لف على صقر:وراه تضايق تتوقع صار بدون مايدري وهي خبت عليه عشانه بدري؟؟
صقر ناظره بحده:كيف عشانه بدري اكيد بتسوي له مفاجاة واحنا خربنا عليهم
مطلق ضربه بخفيف:يلا يلا خلنا نروح دواماتنا واذا رجعنا نفهم وش صاير
صقر ضرب راسه:يوه نسيت رجعت من نص الطريق عشان ابارك يلا مع السلامة وراح لسيارته وراح مطلق بسياره بدر
عند بدر دخل وكانت الجده جهير جالسه على الارض بجلستها الخاصة الي حاطها لها الجد هزاع تقدم لها وحب راسها وجلس جنبها
الجده جهير:هو يمه بدر مارحت الدوام؟؟
بدر هز راسه بضيق:لا يمه جهير اخذ اجازه
الجده جهير فزت:لايكون تعبان تعال قرب المسك لا يكون داخلك برد
بدر ابتسم بخفوت:لا يمه جهير مانب تعبان بس مالي خلك اليوم اداوم
الجده جهير ناظرته بحنيه:تعال يايمه مدامك قلت يمه يعني شايل بقلبك كثير تعال قرب حط راسك على رجلي نفس ماكنت صغير
بدر قرب وانسدح وحط راسه على فخذها وابتسمت وصارت تمسح على راسه وتسمي وتقرا المعوذات
بدر تنهد بضيق
الجده جهير:وش فيك يمه من مضايقك كذا مهموم وتعبان ومالك خلق شي وش صاير متهاوش مع هيام
بدر غمض يوم جاء اسمها
الجده جهير تمسح على راسه:عادي يمه هذي سنه الحياة هذي الحياة الزوجية لازم فيها مطبات مو كل مره هنا وحلا لازم يكون فيها المر والقاسي اليوم تتهاوشون بكره تتراضون كذا الحياة يمه لاتشيل هم على شي فاني ولا تزعل وتتهاوش دايم ترا بنات ذا الجيل مايحبون كذا بكره تخليك وتروح الدولة الاجنبية حقتها
بدر ابتسم:لا لاتخافين ماتخليني هيام مانب سامح لها اصلا
الجده جهير ابتسمت:يمه منك تحبها هل كثر؟؟
بدر تنهد:احبها يمه احبها
احساس بدر يوم قالها بصوت عالي غير مو نفس اذا قالها بينه وبين نفسه كانه توه يستوعب انه صدق يحبها وصرح بصوت عالي لاول مره وقدام مين قدام جدته يعني كان يتوقع يصرح قدام صقر ولا احد من العيال مو قدام جدته الي عادي تقول اي كلمه لهيام قبله
الجده جهير ابتسمت:الله يخليكم لبعض ولا يفرقكم يا يمه
بدر رفع راسه لسماء:امين ورفع راسه عن رجلها يلا ياجده تبين شي بروح ارتاح بغرفتي شوي
الجده جهير ابتسمت:لا يمه سلامتك رح ارتاح
بدر ابتسم وحب راسها وراح غرفته
بدر اول مادخل الغرفة رفع جواله ودق على لمار
لمار ردت:هلا
بدر:لمار الحين وش الموضوع الي قالت عنه نجد بالواتس حقنا
لمار:اييه بدر اذا رجعت علمتك الحين مشغوله شوي
بدر تنهد:تمام متى بترجعين؟؟
لمار لفت على هيام:هيم بدر يسال متى بنرجع
هيام قاعده تاكل لانه وصلو المطعم يفطرون اول بعدها يتسوقون:مدري
لمار رجعت لبدر:تقول مدري
بدر بحده:عطيني اياها
لمار مدت الجوال بخوف:بدر يبيك
هيام نفضت يدها وابتسمت واخذت الجوال ووقفت:عن اذنكم ومشت وردت هلا؟؟
بدر هدا يوم سمع صوتها:هلا متى بترجعين؟؟
هيام استغربت:توني قلت مدري لمار وسمعتها ترد عليك وش فيك؟؟
بدر :هيام وش فيك وش صاير ؟؟
هيام تنهدت:مافيني شي انت الي وش فيك كل شوي سائل؟؟
بدر كان بيتكلم بس سمع صوت من عندها
:الحلو لحاله؟؟
هيام لفت وضحكة:لا تبي تجلس؟؟
بدر عصب:هيام من ذا الي عندك
هيام ردت:بدر شوي واكلمك وقفلت
بدر جن جنونه وركض للمجلس ياخذ سياره احد العيال ولقى تركي و مطر وغيث يلعبون
بدر معصب:عطني مفتاحك وارسل لوحده من خواتك ترسل لوكيشن الي هم فيه
تركي عقد حواجبه:وش فيه وش صاير
بدر :تركي اخلص علي بسرعة ارسل واخذ المفتاح من تركي وراحو معاه العيال عشان يفهمون
تركي رسل لفلك ترسل الوكيشن ورسلت ومده لبدر واخذه وهو مايشوف قدامه
عند البنات بالمطعم
لمار انصدمت:من ذا الي مع هيام؟؟
البنات كلهم رفعو راسهم يشوفونه
سيرين خافت:يمه لايكون متحرش خلنا نروح نشوف ووقفو كلهم
هيام واقفه تسولف مع الشخص الي جاها:وش ذا الصدفه مرتين اشوفك هنا
ماوريسيو ضحك: وش اسوي القدر يجمعنا
هيام ضحكة ولفت على البنات الي جو طايرين
ماوريسيو رفع يده لسماء:او او لم افعل شي لها اهداً
ضحكة هيام ولفت عليهم:بنات هذا ماوريسيو صديق الطفولة لا تاخذون بكلامه ترا غبي
ماوريسيو حط يده على قبله ومثل انه يتالم: تراك جرحتيني صديق الطفولة فقط؟؟ ولف عليهم ببتسامة كنت الكراش حقها بعد
هيام ضربته:يا كذاب انت الي كنت بتموت عشان اكلمك
ماوريسيو تنهد: ما اقدر اكذب بذا
دارين بمكر:يعني كنت حبيبها؟؟
ماوريسيو قال بضحك وحسن نيه:اجل وما حس الا انه طايح من البقس الي جاه
وصرخو البنات
هيام انصدمت تشوف بدر فوق ماوريسيو ويضربه والعيال يحاولون يفكونهم بس بدر مايشوف قدامه
هيام صارت تفك مع العيال:بدر بعد عنه بدر وتسحبه وهو يبعد يدها ودفها بالغلط وضرب جبينها بطاوله وشهقو البنات
نجد صرخت:هيام
بدر استوعب انه دفها ووقف راح لها وبعد البنات من عندها:هيام اسف اسف والله مو قصدي ماشفتك
هيام حاطه يدها على جبينها وتدمع:ماوريسيو
بدر غمض بكره كيف تفكر فيه هي بذي الحاله :راح بحريقه
هيام شالت يدها ونزل الدم من جبينها وسيرين ركضت تجيب مناديل وحطته على جبين هيام
ماوريسيو قرب منها:هيام هل انتي بخير؟؟
بدر كان بيقوم يكمل عليه بس حس بيدها تسحبه
هيام ابتسمت:اجل انا بخير انت بخير؟؟
ماوريسيو بضحك:لم اعد الفتى الذي يتالم وتنقذينه انا رجل الان
نجد بس هي الي فاهمه الحوار لانهم كانو جالسين يتكلمون بالبرتغالي
هيام ابتسمت:انا اسفه على الي سواه بدر ماكان يعرفك
بدر عصب انها تعتذر عنه:لا تعتذرين عني لو سمحتي
هيام ناظرت بدر:اعتذر انت اجل
بدر مصدوم:مانب معتذر ماسويت شي غلط هو خسيس وجاي يسوي حركات
ماوريسيو ابتسم:لا لاحد يعتذر انا اسف لانه انا الي جيت بوقت غلط القاك لاحقا مع السلامة
هيام ابتسمت:مع السلامة ولفت على بدر بحده وش سويت انت؟؟
بدر مصدوم:انا الي وش سويت انتي الي وش تسوين قدام الخلق والخالق؟؟
هيام وقفت لانه جلسوها على كرسي ولفت على البنات:انتم روحو مع العيال تسوقو انا برجع البيت ومشت ولحقها بدر ومسكها مع معصمها
هيام لفت عليه:وش تبي ياخي اتركني اتركني
بدر معصب وبخوف عليها:وش وش ابي امشي معاي
هيام نفضت يدها:مانب رايحه معاك اي مكان ياخي خلني
بدر سحبها وسحب مفتاح سيارة مطلق ورمه على تركي وتركي رمى مفتاح سيارته وسحبها لسياره تركي وركبها جنبه وسكر الباب وركب مع جهة السائق
هيام رجعت راسها لانه قاعد يجتاحها صداع من الضربة
بدر شغل جواله وساق فيها لين الموقع قبل مايوصلون اخذ لهم اكل وعلبة اسعافات اولية ونزل وفتح بابها
هيام ناظرته:ابي البيت
بدر ساكت وسحبها معاه ونزلها كان بيتها الي جو فيه هم وصقر يوم الملف
هيام طلعت المفتاح وفتحت الباب ودخلو وسكر الباب وراه
هيام شالت عبايتها وجلست وهي مغمضه
بدر جلس جنبها:هيام عطيني اعقم جرحك
هيام ناظرته:اي واحد؟؟
بدر غمض عيونه لانه فهمها انه جرح جبينها وجرح قلبها تقدم لها وصار يعقم جبينها كان جرح سطحي وخلص وحط الاكل قدامها:كلي
هيام غمضت عيونها وراسها على الكنب:قل لجدك يلغي العرس
بدر لف عليها:وش مشكله صغيره بتسبب بلغى العرس لا والله اكيد
هيام مغمضه:بدر مع ابي عرس ولا ابي اقعد هنا زياده تعبت ابي ارجع لحياتي المستقلة مابي ذا الي صار ينعاد ينضرب احد عشاني كلمته
بدر وقف بعصبيه:ماضربته انا من الباب لطاقه هو تحرش فيك
هيام ناظرته وعقدت حواجبها:كيف تحرش فيني تسمع نفسك انت؟؟
بدر:ايه قال لك الحلو لحاله هذا وش يعني؟؟
هيام مسكت راسها:ياربيه ياربيه بدر تسمع كلامك يعني لو طلع صدق متحرش تحسب بستناك لين ماتجي تضربه؟؟
بدر صار يروح ويجي من العصبية:هيام لاتقولين كذا بتستنيني بتستنيني ويدك ماتجي اي متحرش يجيك بتستنيني انا اتوطى ببطونهم اما يدك ماتنمد على احد مايستاهل

تفاعلو حبايبي