ဒါကို လူတွေ ပိုသိလာတဲ့အချိန်မှာတော့ အစ်ကို့ကို ကျောင်းမှာ မြင်ရတာက တဖြည်းဖြည်း ရှားသထက် ရှားလာတယ်။
အရင်က လုံးလုံး သတိမထားမိဘူးဆိုတာကလည်း အစ်ကိုက တမင် ရည်ရွယ်ပြီး ဖုံးကွယ်လိမ်ညာထားလို့ မဟုတ်ပဲ ၊
သူတို့ကသာ အစ်ကို့အကြောင်းကို အဆုံးစွန်အထိ စိတ်ဝင်စားမှု မရှိခဲ့လို့ပါပဲ။
နောက်ပြီး အစ်ကိုဆန်းယော့ ကျောင်းမတက်တဲ့ ရက်တွေများလာတယ်ဆိုတာ သူ့ဘာသာသူ အလုပ်မအားလို့ပဲ ဖြစ်ဖြစ် ၊ အချိန်မရလို့ပဲ ဖြစ်ဖြစ်။
ကိုယ်ရေးကိုယ်တာကိစ္စကြောင့်လည်း ဖြစ်နိုင်ပေမယ့် ၊
တထွေထွေ ၊ တမှိုင်မှိုင်နဲ့ အီဟန်ကတော့ သူ့ကြောင့်ရယ်လို့ တွေးမိရင်လည်း တွေးမိနေလိမ့်မယ် ..။
• • •
၁၇ နှစ်သား ဟန်ဒုံမင်ရဲ့ တွေးခေါ်နိုင်မှု အစွမ်းကုန်နဲ့ ဦးနှောက်ကို အသုံးပြုရရင် ၊
အစ်ကိုက အီဟန့်ကို ငြင်းလိုက်ပြီ ဖြစ်တဲ့အတွက်။
အီဟန်က သူ့ဘေးမှာ လာထိုင်နေပြီ ဖြစ်တဲ့အတွက်။သူနဲ့ အီဟန်ကြားမှာ အရင်ကထက် နီးစပ်လာနိုင်ပြီလို့ အထင်မှားပြီး တွေးမိခါနီး ဆဲဆဲလေးမှာပဲ ..။
အီဟန်ရဲ့ ပြောင်းလဲမှုဟာ နီးစပ်ဖို့ နေနေသာသာ သူနဲ့ ပိုဝေးရာကို အရှိန်ပြင်းပြင်း လွင့်ထွက်သွားသလို ခံစားရစေတယ်။
ဒီရက်ပိုင်းမှာ အီဟန်က အရင်လိုတောင် ဟန်မဆောင်နိုင်တော့ပဲ ဆရာ့ ရှေ့မှာတင် မထီမဲ့မြင်ပုံစံနဲ့ စာသင်ခန်း အပြင်ဘက်ကို အမြဲလိုလို ထိုင်ငေးတတ်နေပြီ။
တခြားလူတစ်ယောက်လို ငြိမ်သွားတဲ့ အီဟန်ကို ကြည့်ရင်း ဘယ်လိုမှ အလိုမကျနိုင်တာလည်း ထယ်ဆန်းရဲ့ ကုမရတဲ့ စိတ္တဇတစ်မျိုးလို့ ထင်တာပါပဲ။
ပိုဆိုးတဲ့ တစ်ချက်ကတော့ ဆရာ သတိထားမိသွားလို့ အဆူခံရတိုင်းမှာ ..၊
သူ့ရဲ့ တုံ့ပြန်ချက်က ဘယ်သူ ဘာပြောပြော ခေါင်းတညိတ်ညိတ်နဲ့ ဘယ်အပြစ်ကိုမဆို ကြည်ကြည်ဖြူဖြူ ခံယူနိုင်ပါတယ်ဆိုတဲ့ အပြုံးမျိုး ဖြစ်နေတာပဲ။
YOU ARE READING
𝖤𝖷 - 𝖨𝖳 [ 공푸르즈 ]
Fanfiction' 𝘩𝘦 𝘸𝘢𝘴 𝘯𝘦𝘷𝘦𝘳 𝘳𝘦𝘢𝘥𝘺 𝘧𝘰𝘳 𝘩𝘪𝘮 𝘵𝘰 𝘭𝘦𝘢𝘷𝘦 .. ' [ 𝗀𝗈𝗇𝗀𝖿𝗈𝗎𝗋𝗓 𝖿𝖺𝗇𝖿𝗂𝖼𝗍𝗂𝗈𝗇 ]
• 에피소드 - 5 •
Start from the beginning