رتبة و ظفيرة

الحَلقة 26⚜️

....
يَاسمين
اول مرة تصير البوسة قريبة لهالدرجة باوعتلة بصَدمة
أرشد : طرگاعة گومي گومي
- تغار من جمالي حتى الكحلة ماسحها ؟ لان احلى منك
- والله ؟ يولي چنچ اللُعبة هم تحچين

- اني الُلعبة و انتَ شنو ؟
- اني ما الي شبيه يولي عُملة نادرة
تخوصرتلة و رفعت حاجبي هوَ ضحك بصوت عالي و تقدم علية

يَاسمين: هواي شايف نفسك سيدي
ارشد : أخ ، بالله عيدي مال سَيدي
رمشت بشكل متكرر و صغرت عيوني
- سَـــيدي

ارشد: هساع يالله إنضميت للسلك العسكري
يولي مو وريتي وَر لـ سيدچ

ضحكت ضحكة طويلة لزم زَندي بقوة
- هاي ضحكة سحر لا تتعلميها تا ما أكصو لسانچ
- و شبيها سحر ؟ احسن وحدة بهالبيت بيهم
- ابتعدي منها يولي انتِ هينا بس اني الچ تركيهم ما يتأمنون
- تعاملني مثل بنتها

ارشد : هـه ، يولي سَحر مو عوايدها هالحنية
- شعلية المهم زينة وياي
مِشـة شوية و أردف بأبيات شِعر
و حُسنُ ضنكِ بالأفعىٰ مُكابَـرةٌ
فـالطبع يغلُبها و العرقُ دساسُ

- معقولة هيج سحر حية ؟ لا
- خففي علاقتج بيها يولي للضرورة
اخذ ملابس و طلع ضليت افكر بس هي والله معاملتها الي تجنن
هي و ارشد اكثر اثنين احبهم هنا

بدل و طلع بالليل اجة جايب كُتب الانكليزي ويا شمرهن على الچرباية
- شنو نيتچ يولي تعيدين الثالث ؟
- لا
- گومي أقري وصيري مثل تكچ ميهزها اكبر شارب

يَاسمين : أني بس شواربك هَزتني
ضحك بصوت عالي حيل و تقرب حُضني وطبع بوسة بشعري
ارشد : قرچ ما ينگدرلج

- ضــايجة يعني ترى صدك ضايجة
تركني و راح يغير ملابسة و يخلي جهازة على الشحن .. اممم لــيـش ؟؟
- يعني واحد ضايج تگلة ليش ؟
ما تطلعنة گحط !

ارشد : ماگدر يولي الطلعة وياچ صعبة يلچحوچ
- منو ؟؟
- سَرسرية وياي بالشُغل
- عليك الله سولفلي الضامهن
ضرب خشمي بأصبعة بخفة ايدة و أردف
- من تكبرين