غزالة العلي

part 11

#غزالـة العَلـي

للكاتبه: فَـاطـمة آل يعقـوب 💕.

انستا: fnwn.11
تيك: vyj.2

تصويتاتكم بناتات شبابات🙈.
( اظغطوا على النجمه الي جوه يُعتبر تصويت )

...

" فاطمة "

مرت الايام والاشهر والسنين ودخلنا ب 2021

وريم من وفاة اختها وهي متغيرة... متغيرة شخصيتها جذرياا شمعة وانطفت بهت حبها للحياة بهتت بهجتها بهتت ضحكتها الحلوه وملامحها المنعشه

صارت كل ما نشوفها سماعتها بأذنها وكاعده بزاويه المكان ومتحجي وي احد ولا احد يحجي وياها

بالرغم من انُ علاقتها وي بنات عمي قبل جانت مو كلش قويه هسه حتى انقطعتتت لان ابدا ماتنطي مجال لاحد وتخاف تتعلق بأحد

دائما انتبه لابن عمي 'علي' الشخص الانطوائي بشخصيته الملتزم دينيا واخلاقيا الي هو الوحيد مايسولف ويحجي ويتشاقه وي بنات عمي ويحجي وياهن بحدود واحترام الي حرفيا حاله حال نفسه والي يشوفه يحذر الحجي وياه لان تحسونا هو اكثر من انُ تحجون ويا

انتبه لنضراته الها لسؤاله الدائم عنها لمواقفه الحلوه وياها لاختياره انُ يتبهذل من اهله بس علمود لا يطخون ريم

جنت انتبه بوضوحح لشده اعجابه بيها وطريقه حمايته الها جانت ريم الوحيده الي يركبها بسيارته من بنات عمي ويدافعلها كدام الكل بدون خوف ولا تردد واذا ريم موجوده تشوفون ابتسامته اما اذا ريم ماكو !!، فـ يرجع لعلي الانطوائي البارد

بس وي الشباب يضحك ويتشاقه ويحجي اما اذا تتقربله وحده من بنات عمي يغير شخصيته وياها 180 درجه ويصير بارد بالتعامل

بأستثناء ريم..

فاطمه: ماما والله ماريد اروحح هسه مالكيتي غير علي؟

منى : يمه هسه كايتلج روحي اطلبي زواج؟ بس اسئلي عن مكان ابوجج اتصل ومايرد وابوج وابو علي طلعوا سوا ورجع بس ابو

فاطمه: متكليلي علي شمعرفه؟ غير طلع وي ابو جا طلع وياا

منى: ولج روحي اسئلي مابيه اكومم اروح لبيتهم

انجبرت اروح واحاجي اكثر واحد ماينطيني وجهه من ولد والي هوَ 'علي' ما اجذبكم اني جنت معجبه بشخصيته الصعبه فعلاا واتمنى احجي ويا بفد يوم بس هو صعبب وابدا مينطي مجال وجنت متأكده راح يفشلنيي

رحت لبيتهم ولكيت ولد عمي ملتمين كلهم يلعبون دومنا وصياحهم واصل لاخر البيت

ف دكيت باب الاستقبال وعم الصمت بالمكان مستغربين شكو اني داخله عليهم!

فاطمه: احمم علي

جاوب بكل برود وملامحه بيها استغراب

علي: نعم؟