#غزالة العَلـي
للكاتبه: فَـاطـمة آل يعقـوب💕
انستا: fnwn.11
تيك: vyj.2
...
"نور"
واليوم حاب اكللكم ننتقل من محافظتنا "العماره" الى " البصره "
شعوري بوقتها جان فرح على حُزن لان صعب احد يعوف بيته ومكانه المتعود علي اصدقائه مدرسته ذكرياته بهذي المحافظه !!!
بنفس الوقت لا اني منتضرتني حياة جديده ومُستقبل جديد شبابي وحياتي كُلها هناك راح تبدي
اعتلت الابتسامه على وجوهم وكأنما شوي ويسون حفل كل اخواني بأستثناء كم واحد..
واغلبهم كانوا مقررين يبدون مشاريعهم الي فتح جدي بيها سلسله بالبصره وكل واحد من عمامي تكفل بمكان بيهم
وهم بيوت وسيارات جديده واماكن عمل جديده يعني بأختصار حياتنا الجديده كلها هناك راح تبدي
خلص الغده والتعزيل وهلسوالف وبدينا بكعده الچاي وسوالفنا وتخطيطاتنا الي راح نسويها بحياتنا الجديده و و و.....
....
"علي"
كاعد بالحديقه والحديقه ترابها صاير طين بسبب المطر لذلك اللزم عوده واضل اكتب وارسم بيها واحجي وي نفسي...
عرفت اخيرا ليش صارلهم فتره يبسبسون ويحجون بسكته طلع هيج شي بس؟ ماجنت متوقع عبالي شي اكبر من انُ ننتقل من بيوتنا ونروح لغير محافظه
افتقدت رُقيه وحده من بنات عمي مقرب منها لان بيتنا جان حايط وي حايط على بيتهم فـ كل وقتنا جان سوا عكس باقي بنات عمي بيوتهم ابعد ومنلتقي غير بالشهر مره
رحت للبيت لكيتها تلعب وي البنات صحتلها وياي بالحديقه نلعب وحدنا
علي: رقيه تعالي خلي نلعب برا
رقيه: مو راح تمطر الدنيا محلوه هنا يم الصوبه احلى
علي: تعالي ويايي، سحبتها من ايدها واخذتها للساحه
كعدنا نلعب واحنا نضحك ومتونسين
...
" ريم "
جنت حيل ضايجه لوحدي وبيدي لعبتي واني كل بنات عمي مو مقربه منهن بس فطومه وما جايه لان مريضه ومحد وياي؟
ضجت وطلعت برا شفت ولد كاعد وحاضن رجله ويلعب بالتراب بالعوده...
اعرفه علي ابن عمي وصديقي بالمدرسه الي دائما يدافعلي من الولد
تقربت منه اريد اكمزه مثل ما يسوي بيه ولعبتي بيدي ، ما احس إلا احد سحبني من ورا ودفعني بالكاع !
الكاع جانت متمدره مي بسبب مطر الصبح الي توقف من كم ساعه وتبللن ملابسي..
أنت تقرأ
غزالة العلي
Romanceـ مُتميزه بكل شيء ، كأنها قطعة جوهره نزلت لي كـ هديه من الله ـ احقا؟ ، هل تعتبرني هكذا؟ ـ بصراحة لا اعتبرك هكذا ، بلى انا اعتبرك اكثر من هذا ـ اذا ماذا عنك؟ أأنت الوحيد الذي احببتني؟ لقد احببتك ولكن بيني وبين نفسي اخفيت حبي لك لنفسي ، اكتفيت وانا...
