ذكري بلون الدم

الفصل الثالث

في اليوم التالي استيقظت ميران علي الساعه السادسه صباحا  علي صوت المنبه فقامت واطفئت المنبه و مددت جسمها ثم تحركت ناحيه الحمام غسلت وجهها واخذت شاور سريع ولبست ملابس رياضيه واخذت هاتفها وسماعات الاذن معها حتي تسمع الموسيقي وهي تجري بعد مده من الجري عادت لشقتها وجهزت قهوتها حتي تستطيع التركيز في عملها شربت قهوتها وغيرت ملابسها وبعد ذلك نزلت وركبت سيارتها وذهبت الي عملها ركنت سيارتها عندما وصلت ودخلت الي الداخل بملامح جامده وجدت فجأه من يقفز علي ظهرها ويقول
"صباح الخير لاحلي ميرو "
انزلتها ميران من علي ظهرها وقالت بهدوء : " صباح النور "
ردت عليها نيره : " انا ومازن مستنينك لما تيجي عشان البسبورات وصلت مع رافت باشا دلوقت "
ردت عليها ميران باستغراب : " مستنيني ؟ انتو هنا من امتي"
مطت نيره شفتيها وقالت : " من حوالي نص ساعه"
ضحكت ميران بسخريه وقالت: " وده من امتي النشاط ده "
ردت نيره بلامبالاه : " ده مش نشاط ولا حاجه بس بعد ما انبارح ما مشينا من عندك او بالمعني الاصح طردتينا مازن عشان يطيب خاطري وكده قالي هيعزمني علي فطار قبل ما نروح الشغل فخلصنا بدري فجينا الشغل بدري "
اومأت لها ميران وقالت: " طيب فين مازن"
ردت عليها نيره: " في المكتب بتاعه "
ردت عليها ميران : " تمام تعالي نناديه عشان نروح نستلم البسبورات من رأفت باشا ونشوف لو في اي تغيرات"
ذهبوا هما الاثنين ونادوا علي مازن ثم ذهبوا الي مكتب رأفت باشا دق مازن الباب فأذن لهم رافت بالدخول دخلوا الثلاثه فشاور لهم ليجلسوا فجلسوا امامه ثم بدأ بالكلام
"طبعا انتوا عارفين البسبورات جات صح "
اوماو الثلاثه فأخرج من الدرج الثلاث بسبورات وعطي لكل واحد منهم البسبور الخاص به فتح مازن البسبور الخاص به وقال
" جونسن والله اسم حلو " ثم سأل ميران ونيره وقال : " وانتوا اساميكم ايه"
ردت عليه نيره بابتسامه : " اسمي ماريا "
فنظروا الاثنان لميران حتي يعرفوا اسمها فقالت ميران بملل
" اسمي لورا " نظرت لها نيره وكتفت يديها وقالت
" اي ده اسمها احلي من اسمي"
قلبت ميران عينيها و ونظرت لرافت باشا الذي قال بجديه
" اظن الملف الي اخدتوه في كل التفاصيل "
اومأت ميران براسها وقالت
" ايوه يفندم "
رد عليها رافت وقال : " تمام في حاجه كمان لازم تخدوها معاها " فتح الدرج واخرج ورقه وقدمها ليهم ثم اكمل كلامه
" ده تخطيط المبني من جوا عشان يسهل عليكم الامور "
نظروا الثلاثه له باستغراب وقالت له ميران
" تخطيط المبني ؟؟ احنا لسه معملناش حاجه وكل المعلومات دي موجوده "
رد عليها رأفت وقال : " كان في اشخاص قبلكم هناك فعشان كده الحاجات كلها جاهزه وكمان انتوا هتسافروا النهارده الفجر "
رد نيره ومازن بصدمه : " النهارده الفجر "
افاقت نيره من الصدمه وقالت
" انتوا مستعجلين كده ليه "
رد عليها رافت بجديه وقال : " المهمه دي مهمه جدا وزي مقلت المره الي فاتت الفلاشه دي لو اتفتحت وحد شاف الي فيها هيتأذي ناس كتير عشان كده لازم ننجز المهمه دي بأسرع وقت ممكن عشان نتلافي الخطر"
اومأت نيره براسها وقالت : " تمام "
اكمل رأفت وقال: " يبقي كده كل حاجه جاهزه اتفضل انكم تجهزوا الشنط بتاعتكم  عشان تسافروا"
اومأو الثلاثه ثم قاموا وخرجوا من المكتب  بدأت نيره في الكلام وقالت
" اي الهبل ده ازاي يعني ننجهز في كام ساعه" ثم نظرت لميران وقالت
" انتي مالك ساكته كده ليه ومتكلمتيش جوا"
قالت ميران بعد صمت : " انا مش مستريحه للمهمه دي"
نظر لها نيره ومازن باستغراب وقالوا : " ليه؟"
ردت عليهم : " انتوا مش ملاحظين ان كل حاجه سلسله حتي تخطيط المبني الي منتعب ونخطط عشان نعرفه موجود "
ردت نيره : " يمكن يا ميران زي ما رأفت باشا قال كان في عملاء قبلنا كانوا هناك"
ردت ميران : " طب ما كانو هما الي يجيبوا الفلاشه ليه يتعبوا ويجيبوا التخطيط وكل ده وفي الاخر نجيب احنا الفلاشه"
حك مازن راسه وقال : " بصراحه انا كنت مستغرب انا كمان بس مقدمناش حاجه دي مهمه ولازم نعملها سواء كان كل التجهيزات كلها متحضره او لا "
هزت نيره راسها وقالت : " ايوه احنا هنعمل الي علينا وخلاص "
ردت عليها ميران : " تمام يلا ننجهز الشنط والحاجات الي هنستعملها هناك "
ذهبوا الثلاثه الي قسم الاسلحه حتي يأخذوا ما يحتاجونه اخذت ميران مسدس من النوع (HK usp) مع سكاكين حاده والحافظه خاصتهم وايضا الذخيره للمسدس
اما نيره اخذت مسدس من النوع (p226)و معه ذخيرته وايضا سكينه حاده اما مازن اخذ مسدس من النوع( حلوان 920)ومع ذخيرته ايضا وبعض السكاكين الحاده .
ميران كانت تتأكد من زخيره المسدس واذا كان سليم ثم وضعته في الشنطه المخصصه للمعدات وقالت لهم
"خلصتوا ولا لسه" ردوا عليها
"ايوه خلصنا " وضعوا كل منهم المعدات في الشنط الخاصه بهم وخرجوا بها ذهبوا الي الجراج اخرج مازن وميران المفاتيح حتي يفتحوا السيارات وقال مازن
" انا هوصل نيره في طريقي "
اومأت لهم ميران وقالت لهم : " تمام هنبقي نتقابل عند المطار و متتأخروش "
هزوا راسهم موافقين ثم ركبت نيره مع مازن وذهبوا اما ميران وضعت حقيبه الاسلحه بالكرسي الذي بجانبها ووضعت حزام الامان وذهبت
____________________________________________________________
في سياره مازن
نيره سانده راسها علي الكرسي وتنظر امامها فنظر لها مازن وقال
" مالك؟"
ردت عليه : " مش عارفه حاسه ان المهمه دي هيحصل فيها حاجه "
رد عليها : " ليه بتقولي ده "
ردت عليه : " كلام ميران قلقني هو ممكن تكون المهمه فيها خطر عشان كده باينه لينا انا سلسله وكده"
تنهد مازن وقال : " صراحه مش عارف بس مفيش مهمه بتكون سهله فا بأذن الله تكون مهمه مش خطيره وتعدي علي خير "
ردت عليه نيره وقالت: " ان شاء الله "
وصل مازن الي بيت نيره فوقف السياره ففكت نيره حزام الامان وفتحت باب السياره ونزلت وقالت له
" تعبتك معايا بس مردوده في الافراح ان شاء الله "
ضحك مازن وقال : " تعبك راحه يا نيرو "
ابتسمت له نيره وثم ذهبت حتي وقفت امام باب البيت وثم لفت ولوحت له لوح لها مازن فدخلت نيره الي الداخل عندما اطمئن انها دخلت قام بتشغيل السياره وذهب الي بيته وصل الي بيته ونزل من السياره وسلم علي امه وابيه وذهب الي غرفته وبدأ بتجهيز حقيبته التي سوف يسافر بها.
____________________________________________________________
عند ميران
وصلت ميران الي شقتها وكانت تقوم  بتوضيب حقيبتها وهي تخرج الثياب من الدولاب وقعت صوره منه اخذتها ونظرت لها وجدت انها صوره عائلتها وكانت هذه اخر صوره اخذتها معهم قبل ان يتوفوا وضعت ميران الثياب التي بيدها علي السرير ثم جلست علي السرير وظلت تنظر لهذه الصوره وتمسح علي وجه ابيها فابتسمت ابتسامه حزينه وقالت
"وحشتوني اوي " قبلت الصوره ثم وضعتها مره اخري في مكانها ورجعت توضب مره اخري في حقيبتها حتي انتهت من توضيبها اقفلت سوسته الحقيبه وقررت ان تأخذ شاور بعد مده قصيره خرجت من الحمام ولبست ملابس مريحه وجدت هاتفها يرن نظرت له وجدتها نيره  تتصل عليها فيديو كول فتحت المكالمه ووضعته امامها ونظرت الي الهاتف وجدت غرفه نيره مبعثره ويوجد الكثير من الثياب علي الارض والسرير فقالت لها ميران
" اي الي انتي عملاه ده"
ردت عليها نيره بنبره اقرب الي البكاء : " ميران انا مش عارفه احط ايه من الهدوم في الشنطه احط النبيتي ده و ولا البيبي بلو "
زفرت ميران الهواء بملل  وقالت : " نيره حطي اي حاجه احنا مش رايحين فسحه يا ماما  احنا رايحين مهمه "
ردت عليها نيره : " مانا عارفه اننا رايحين زفت بس مستحيل احضر المهمه من غير ما انسق هدومي"
نادت ميران عليها فردت نيره عليها فقالت ميران
"قوليلي يا نيره مين الي قالك تدخلي مخابرات تاني "
ردت نيره بابتسامه : " محدش قالي صراحه لما لقيتك انتي ومازن عايزين تتدخلوا فقلت ادخل معاكم مانا مش هكون لوحدي "
ردت عليها ميران : " يشيخه انا استاهل ميت جزمه ان انا كنت سبب من انك تتدخلي مخابرات دي "
ردت عليها نيره : " كده يا ميران خلاص مش عايزه مساعدتك " جاءت حتي تقفل المكالمه فقالت لها ميران
" خلاص يا ست قموصه خدي الي لونه بيبي بلو بيكون حلو عليكي وكمان خدي الي لونه زيتي الي محطوط علي السرير برضوا بيكون حلو عليكي هو كمان "
ابتسمت نيره بسعاده وقالت : " بجد بيكونوا حلوين عليا"
اومات ميران براسها فقالت لها نيره : " تمام هخدهم شكرا يا صحبتي هروح بقي احطهم في الشنطه " ثم بعثت لها قبله واقفلت المكالمه
ميران عند اقفال المكالمه نظرت الي الساعه وجدت ان تبقي علي السفر حوالي  ست ساعات فقررت ان تنام قليلا نامت علي السرير بعد انا ظبطت علي هاتفها المنبه حتي تستيقظ
___________________________________________________________
في ايطاليا