" شيخ نسر لا تنسى تلبس لون أسود
حتى لا يبين بي شي "رد علي نسر بنفس نبرة الصوت
" لا توصي حريص شيخ أزاد "توجه النسر للبيت من دخل استقبله تجمع البنات سألنة عن الي صار لكن هو تجاهل أسألتهن وصعد الدرج بسرعة فتح باب غرفتة
ولفت نظرة نجمة الي مطشرة اوراقها و اقلامها عالأرض و ترسم رفعت راسها من سمعت صوت الباب أبتسمت بوجه نسر الي تقدم أتجاهَ
قرفص گدامها و اردف بأكثر نبرة هادئه يملكها
" يمتى گعدت مشاكستي؟ "
ضحكت نجمة من كلمت مشاكستي وردت علي
" ما صار هواي تقريباً قبل نص ساعة "" ليش اتصلتي محتاجة شي؟؟ "
" مو گتلي أذكرك تبدل ضماد أيدي،أنا دزيتلك رسالة أذكرك ومن شفتك ما فتحتها رمشت عليك
حتى لا تگول غلست "بعثر شعرها وگف راح للغرفة يطلعلة ملابس هي تبعته من شافتة يدور بالكنتور عرفت يريد يبدل رجعت گعدت على القنفة تسمعة شيگول
" صار عندي شغلة بوية أخذي الشاش و المعقم و
روحي لشمس تغيرة ألج "ردت علي بصوت عالي تسأل
" ما راح تگلي شنو صار بالگعدة؟! "طلع من الغرفة لابس أسود صفنت نجمة علي
تقدم بأتجاها وگف قريب منها لدرجة حست بأنفاسة الحارة تلفح وجهة انتبه عليها صافنة بعيونة رفع أيدة يمسح على خدها برقة وعض شفايفة واردف
"وين وصلتي نجمتي ؟! "سألها بخبث وبالأخير غمزلها وأردف أسمها بتلاعب من عرف هو السبب بصفنتها
هي من عرفت كشفها خجلت و ردت علي بارتباك" م ماا ماكوا شي ، ما گلت شنو صار بالگعدة!؟ "
غيرت الموضوع بسرعة من عرفت كشفها
أبتسم النسر بخفة ورد عليها
" أنتظري من ارجع أگلج شصار هسة لازم أنزل تأخرت على شيخ ازاد "
YOU ARE READING
النسر و المشاكسة ( متوقفة مؤقتاً )
Humorفتاة عنيدة و متمردة تحب المغامرة أبن عمها يكون الشيخ بعد جده يجبرها على الألتزام بكل ما يقول و يجب عليها أتباع أوامره ولأنها مشاكسة وتعشق المغامرة تقوم ب التمرد على كل ما يقول تابعوا معي لنتعرف على مصير هذه الفتاة ستكون الكتابة باللهجة العراقية