Writer/tena
تـــيــنــه 🐺🫴
{وتَحْسَبُونَهُ هيِّناً وهُوَ عِنْدَ اللهِ عَظِيمٌ}
ـلا تقلق إن اللّـه رقيب وسميع
سيحاسبهم ؏ چرمهم .
______________________________________________
ركزت ؏ الرصاصة ورچف كُل جسمي من المكتوب بيها ،چان مكتوب بيها بـ خط فارسي "الحوت القاتل "
ضليت واگفه بـ مكاني مستغـربه شنو حوت؟
شنو قاتل؟
اصلاً هاي شلون أجت هنا !
مافهمت مِنها شي بس حسيت بَـ رعب تخيلت اكو اشخاص وياي بالسطح وࢪاح يكتلوني، من الخوف شمرتها ؏ سطح جوارينه ونزلت أركض بـكُل سرعتي لـ دِياب
لگيته نايم عفته ورجعت الغرفتـي ،اتمددت ؏ سريري أرجف ....
منو الحوت القاتل !!
رجعت ذاكرتـي ليوم العركة بـ الكُليه
نفس الاسم سمعناه آنه ومَسار !
معقوووله آنه الجنت مقصوده
زين اسأل أُمي؟
ما لگيت حل غير اسأل أُمي، بس بعدين تذكرت هيَ بيا حال !
من التفكير والخوف ماگدرت انام بقيت اتگلب للصبح .
شفت الساعه وگمت بدلت وطلعت أجه السايق وصعدت لكُليتي ، الطريق كله افكر أريد بس أوصل واحجي لـ مَسار ؏ الاقل شخص يعرف بالموضوع أحسن من ما ابقى افكر وحدي .
دخلت للكُليه شفتها من بعيد تمشي سرعت خطواتي الها ،اجت ناحيتي مُبتسمة
مَسار ;- صباحوووو يعععسل
جريت إيدها وتمشينه ؏ صفحة : مَسور لحگيني .
مَسار ;- شكوووو !
گعدنه ؏ مصطبه گدامنه وحجيتلها كُلشي، تجسدت ملامح صدمه ؏ وجهه وگالت : يااااا ُأمييي منوووو هالحوتتت ؟ .
چاوبتها بَـ نرفزه
رُبان ;- يعننني لووو اععرفه اجي أسالج ؟
صفنت شويه وگالت بضحكه : ههه، ولج يمكن مشموره بـ الغلط .
رُبان ;- ولجججج مَسار ـلا تخبليني والأضوية شطفاهن ؟
مَسار ;- يا أُمي العذراء ولج ما ادري سكتي خوفتيني .
صفنت شويه ورجعت تحجي بـ غباء : تتوقعين آنه هم يجي يوم و يجيني قرش قاتل؟
ضربت گصتي آنه وين وهيه وين عفتها وگمت امشي، اجت وراي تحجي بـ هدوء : اشاقه شبيج بربري ـلا تفكرين بيهّ هواي .
انداريت عليها : مَسار تعبت والله من جهه ذِيب وأُمي وهسه هذه !
لزمت أيدية وابتسمت أبتسامة تحاول تطمني : كُلشي ينحل لابد يجي يوم وتخلص .
رُبان ;- آمين،الله يسمع منج .
أنت تقرأ
توأم دياب
Mystery / Thrillerهَـل تـود معَـرفتنا؟ _أجل، مَن أنتم؟ مَـن نَـحن؟ نحـن التوائم في بطَـنٌ واحده ومشيمـةٌ واحده ! خلقنا الله "أنــا واخـي" بنفس الطريقة ذاتها . لكـن يوجد اختلاف بـ أرواحنا فـ أخي اختارهُ الله "ملاكٌ رحَـيم" وأنـا اخترت نَـفسي "شيطانٌ رَجيـم" فمن نحـ...
