الهرمس الأخنس ٭فصليه٭

الهيام الثامن

سل سيفه الزمن هل من منازل صاح
اعزل ماخفت والزمن قاتلته
صح مالحته ابد لكن
ملاني جروح بس عندي

المهم ماعفته قاتلته
بسك ياضمير الصار بيه هواي
بسك هالعمر مايوم جملته

{الهرمس الأخنس}
بقلم ؁ نور مصطفى

كناوي _ يبو ناي انه احترمك ورايك دوم ماشي بديواني وانه بالله مايهمني حجي الوادم اليطلع

بس بتك تهج وترد لديرتها بلايه عقاب بلايه اي شي تفتحلها بيتك ومستر على السالفه

وجايه مفرعه شنهي بويه نسكتلك

رايش _ لا يخوي وصويحبي شنهي تسكت بس انه بتي ماغلطت راحت تكمل دراستها عد عمتها وين الهجه بالسالفه؟
موصح ياخوان

الجموع: صحيح

رايش _ انه شايف وسامع اليهج يهج من هله وكرابته لونه مسوي مكاسير بس انه بنتي سباعيه وبت ديره وربات عرب
جامعه عفه البدو و شرفهم ومشت تتعلم مابيها شي الواحد يتعلمه حرف حرفين يفيد نفسه وينفع اهله بيهم

كناوي _ نجي وياك يبو ناي والمفرعه بالسلف؟ شنهي من تالي انديح بناتنه مفرعات بحجه درسن وتعلمن التشلتح

رايش _ شنهوو انته شايف بنتي حتى تكول مفرعه ومشلتحه الفرق بينها وبين بنات الديره الخمار ماشادته واذا على هاي سهله ماتطلع بلايه خمار

كناوي _ إن هيج الكلام مالنا حك نحجي يبو ناي

رايش _ وانه حكاني يبو ضاوي موش انه اليرضه العيبه لا بنتي ولا بنات الوادم

كناوي _ صادك

حنين _ مننوو ممنووو جاي اركض وكف كبالي ميرزا؟ شبيككك خوفتني عبالي حرامي

ميرزا _ نصي صوتج لا الوادم تفز

حنين _ رجعت ورا تريد تكتلني؟ جرني بحضنه غمضت عيوني شاورني

ميرزا _ مشتاگلج يا عزيزه گلبي

حنين ـ حضنته وشهكت من يوم يومك قاسي ومتبين مشاعرك ليش ضربتني هااا ليشش

ميرزا _ تعصبت منج تعصبت من كلولي فز ي ميرزا اختك هجت
تعصبت من تهاوشت وي ولد الديره من عابوني بختي تعصبت من الخطاطيب مادكو بعد بابنه وضلن خواتج تعصبت من لكوج بيت عمتي وكلتي ماريدكم تعصبت منج يحنين كلبي لهسه شايل عليج بس انه حنيتي الماتلزمني منج تضلين اختي

حنين ـ لا اراديا كمت ابجي وياه والله مجنت عبالي هيج تكبر السالفه مجنت واعيه على نفسي ردت بس اثبت نفسي مغلطانه ولازم ادرس اني اسفه اذيتك اني اسفه عفتكم ورحت ومالتفتت مره وراي

ميرزا _ انتي القاسيه حنين انتي الكلبج حجاره انه موش مثلج مو مثلج

حنين _ بقه حاضني ويبجي  ميرزا