وعد الصبا ( تحت سماء الكواسر )

البارت 8

صوت صرختهه خطف كلبي رجليه صارن خيوط طفرت مخروعه اشوفهه الكاهه وامفه يم شباك المطبخ المطل عله الحديقه وهيه تسب بمدري منو

شاكو بيج شي اندارت خاله ايده عله كلبهه وتبتسم بوجه مخطوف لا حبيبتي بس هاي بزون اخذت كلبي طفرت عليه فجاتا

عزه عبالي بيج شي والله كلبي وكع لا اني ماكد بعد اكمل يوم مصارلي هنايه والف مره اخترعت والله اذا ابقه اسبوع نهايتي للشماعيه ضحكت وكالت ليش شاكو سالفه طويله بعدين اكلج بيهه ضحكت ورجعت للغرفه دخلت شايله صينيه ريوك
بيهه اشكال

اكلي خيه هذا رجلج وداا ولو حيل اتضايقت منه شوكت ماشوفه اعاتبه مو تزعلين

ابتسمت بينج وبينه مادخل ضفرت شعري وخليته وره ضهري عيونهه تحجي الانبهار بس بطريقه حلو مو حسد

هذا شعرج لو صابغته

لا شعري

ما شاء الله يخبل ونوب ويه عيونج الخضر جنج فرنسيه

هههههههه فرنسيه مره وحده

يااا والله يرحلج فدوه امهات عطوب الصفر والعباس تموتيت نوب جنه مبروم بالحراره

هههه اي بس حيل ماذيني

اي لان طويل وثخين بس وداعتج الزلم تحب الشعر الطويل غمزتلي

بتسمت مدنكه حلفتني الا اكل واني معتدتي مسدوده اكلت شوي كتلهه اريد انلم شالا الصينيه وسدت الباب دك تليفوني امي حبيبتي مشتاقتلج شلونج حصرتني العبره بس لزمت نفسي خايف عله امي كل ساع وكالت شلونج خو ما حاسه بوحده وتعاتب ليش مخابرتهه كتله هستونه وصلنه بتلايف الدنيه همه كالت الليل كوله منمت بس ادعيلج سولفنه شوي ونهيت الاتصال لفيت راسي ونمت ذبيت نفسي ميته بالعاده من يتغير مكاني ماكدر انام بس من الطريق فزيت شبعانه نوم اباوع صايره العصر فزيت عزه هلكد نمت طلعت لكيتهه دتنوم بابنهه باوعت مبتسمه هااا كعداج شلع كلبي هستوه نام وهوه يناشغ
لا اني فزيت ليش خليتيني هلكد نمت عزه تعبانه من النوم ههههههه

ههههههه غسلي وجهج وتعاي بين ما اودي همام ودته واجت خلتلي غده استحيت كل ساع تصبلي كالت منتضرتج علغده اذا متاكلين ماكل اكلنه وسالتني عن الحادث الرعبني سلولفتلهه وهيه ميته ضحك

ههههههههه ماتخيلته هيج ولج هوه زلمه رزن

لعد حضي سواه خبل لو ما ستر الله جان هسه بالنحف اني هههههه

لا اسم الله عليج شدراا انتي جبانه هشكل

عزع مسلحين بنص الليل طالعين وبطريق صحراوي لا اكو ناس تفزعلنه وتساعدنه لا فلك نموت ومحد يدري بينه

هههههههه تعلميني بالطريق من اجيت متت خوف موت احمر

انتي شلون اجيتي لهنا