وعد الصبا ( تحت سماء الكواسر )

البارت 14

اطلع ماخليك والله

ولج بويه خلني اخليلج هذا الصخام لا تخزيني بين الخلگ

اطلع اني اخلب

رفع حاجبه متوكده اجل ان صاحت فيج موش تبدي بواجيج

دار وجهه يرد.يطلع والله تسويهه وترزلني ركض وكفت كدامه

اوكف ب بس خل اگلك اا ااا

شكوش رافع حاجبه بمكر

هاا اا اي ض ضهري ماكدر اوصله

ردي لمجنج هساع ارد
راح قفل الباب واجه
يالله خلني اخلص واطلع شليتي حالي

فتحت السحاب وطلعت بس ضهري ولزمته من كدام الموقف كله عله بعضه مراكب بمكان عام ونازعه ملابسي وجسار يدهنلي شنو الفشله لا ونوب كل ساع شايفني معرينه امداني

لا ارادا  اتقلص  وايده عله ضهري تمشي اسمع نفسه العالي لحد ممتدت ايده  تمشي عله خصري  نزيت مبتعده عنه واتنفس سريع حركته ونضراته اللعوبه  بعيده عن شكل  الراكز جان بعده بملابسه الجان بيهن بالكعده
مبدلهن حيل انيق طالع بس نفسي متتقبله وبعدني اذكر رزالته ونضراته الي باستحقار عبالك متقصده اشوف الناس شعري واني اصلا كارهته

بلع ريك متوتر مسح ايده بكلنسه طلعه من جيبه
احم انه طالع لبره يوم التخلصين خليه ينشف عشر دقايق البسي ودگي علي خوش لا تطلعين  اكد علبه

طلع كملت وانتضرته ينشف لبست وخابرته كال ابقي شويه واجه طلعت وراستا دخلنه للدكتوره رجعت شافت جسمي هزت راسهه بالقبول

هذا النوع جيد الج استمري تخلين منه كل يوم مدت اسبوع وكل جسمج مو تخلين مكان ماتحطيله ميفيد وهذا علاج تشربينه

دكتوره اول مره يصير عدي هشكل واحتاج دهن خارجي

لان كل موسم تعرفين نفسج وتاخذين علاجج قبل لاتبدي عندج الاعراض هذي المره هملتيهه

صحيح مامه توكف عله راسي واشرب علاجي نسيت

خلصنه وتشكر منهه وطلعنه اكو بنيه ولا شالت عينهه منه عابت شكد صلفه ومتستحي كلت بكلبي لو تعاشرينه جان شردتي منه همهن بس الشكل  الطريق هدواء محد حجه نزلني وطلع اتلكوني البنات يسالن شرحتلهن كولشي

اطيااف .اجل انتي تعرفين روحج الوش ماكلتي نجيبلج الدوه

نسيت والله ماجه عله بالي
احجي بكلبي هوه اخوجن ينحمل نساني حته نفسي من وره رزايله

كمل يوم عادي بس شويه ارتاحيت بالليل نزلت لفاتن اطلب مساعدتهه تدهلي ضهري ساعدتني وطلعت كملت دهن الباقي لحد منشف لبست وتمدتت سمعت جسار دخل مهتميت بعدني شايله عليه نمت ومدريت ثاني يوم كلعاده اكعد مالكاا نزلت تريكت ويه اطياف بس اني وياهه نكعد متاخرين ب9الباقين كلهم ويه الصلاه يكعدون  كمنه كل وحده لشغلهه وخلصت  ايام نفس الروتين  بليله رجع جسار من وقت استغربت تواجده بهذا الوقت