|| ضغن الهرماس ||

"Part 45"

-ضحكت بخجل وهمست
::-بـكيفج بعـد

آفـروز: هسه هاهي بعـد رجعه الولد؟!

-هـزت راسها بـ اي واشرت بـ ايدها علـى الباب وكالت
::-راح انام انــي

آفـروز: هسه شبيج خجلانة منـي قابل انـي يـوشع

-دارت وجها تريد تطلع وتصيـح عليه
::-انجبـي آفـروز انجبـي

-ضحكت وصحت وراها
::-أحبــج غزالة

-ما جاوبتني واسمع بـس صوت دبجها علـى الـدرج،
اخـذ ماعـون فواكهه للميــرزا وصعدت للغرفة جان سابح وكاعـد علـى طرف الجرباية وكدامه مجموعه اوراق

-خليت الماعـون قريب مـنه وحجيت ويا
::-عمتـي جـوري دزتهـن الك

-باوع علـى الماعـون ورجـع باوعلـي وجاوبنـي بـ ابتسامة هادئة
::-عاشت ايدها وايــدج

-تمشيت لجهه الثانية نمت بـ مكاني وانطيته ظهـري، اتصلت علـى هارون ما جاوبنــي، غلقت تلفوني وخليته جوة طرف المخدة وبعـد فتـرة غفيت

-حسيـت علـى صوت تلفوني بس مابيه حيـل افتح عيوني واجاوبة، غلست عليه لمـا خلصت الدگة ورجع اجه اتصال ثانــي وهم ما جاوبت، بـ المرة الثالثة حسيت علـى الميــرزا ندسني مـن كتفـي بخفه وكال
::-روزي تلفونج

-حركت وجهي منزعجة وغلست عليه، ورجــع اتصل مرة رابعه، والميــرزا سحبه مـن جوة مخدتـي وكال
::-"أســدي الأليـف" اكعدي يابه هذا أسـدج

-فتحت عيــوني ومديت ايدي اخذت التلفون مـنه وجاوبتـة
::-هـااا هارون؟!

هارون: وينـج صار ساعه اتصل

آفـروز: نايمة نااااااايمة

هارون: هههههههه اخخخ حسيتي بشعوري هسه

آفـروز: لا ما عنـدي احساس شتريد؟!

هارون: مشتاقلج سحارة گلبـي

-عرفته دايرجعلي سوالف الصبح السويتها بي وبقيت احجي ويا شـوية بعدها غلقتة وشمرت التلفون على جهه حاولت انام بـس ماكدرت

-الميــرزا علـى نفس كعـدته يشتغل وانـي بقيت اباوعله، سألنـي بـدون ما يباوعلي
::-چــاا انــه شگاتبة علـى رقمـي؟!

-سحبت تلفوني بـهدوء ورفعت البطانية ضميت وجهـي ردت اغيرة، ماحسيت غير انسحبت البطانية مـني واخـذ التلفون مـن ايـدي، طفرت عليه واحجــي ويا
::-أصـفاد بروح امك لاااااا

الميــرزا: تحجين شكاتبة لو انــه اشوف

-ما جاوبتة وحاولت اخـذ التلفون مـن ايده بس ماكدرت ولأن التلفون جان مفتـوح كـدر يشوف شكاتبة عليه وباوعلي موسع عيونه، ضربته ع كتفه بقـوة ونترت بـي
::-هسه شبييييييك واذا كتبت عليك الفگـــور؟!