الجميلة والسايكوباثِ ( الجزء الثاني )

دامِس ( 2 )

واخيرا اقتنع وهدني ..

ركضت للمطبخ قبل لا يغير رأيه .. رحت وطكيت بيض وخليت لبلبي من مال البارحة وخليت اجبان .. وعسل وكيمر وزيتون وسويت جاي مهيل ..

واصوات المطر والرعيد ..

ورحت صحتهم .. رحت اتمشى وافر بأيدي وعاوجة حلكي

ابيجيل : يلةةةةة كومو نقلو الأكل مو كلة أني يلةةةة .. انتو كاعدين وأني متت برد وتعب

باوعت على دامِس وشفتة خازرني .. نسيت وحجيت بالجمع باوعت علي خازرني والكل حاضرتهم ضحكة ..

حاولت الوز الموضوع وكلت بعصبية عالاساس ما انطي وقت يتعصب ..

ابيجيل : يلةةةةةةة حررا شاهينا فهداا يلةةةة كوموووو بساععع حتى الأكل برددد ..

ورحت بست دامِس وكعدت بصفة .. وهوة لسة على خزرتة
كلت بخوف ..

ابيجيل : مو راح يوكف گلبي دامِس

ضحك ضحكة قوية وأني هم ضحكت علمود الطف الجو وباسني ورحنا على الطاولة ..

الولد ينقلون الأكل ويتنمرون على اكلي

ابيجيل : إذا ما عاجبكم لا تاكلون .. كوموووو يلةةة

الحر : شنسوي من جوعنا راح ناكل

ابيجيل : باوعت عليهم بطرف عيني .. بدو ياكلون وبساع ضلو يتغزلون بية وبطبخي

الشاهين : ابوس هاي الايدينات الحلوة على هالطبخ

أكل الحر من العسل وكال ..

الحر : شنيي هاييي بوياييي بويةةة .. عاصرين ابيجيلة

باوع لدامس وكال ..

الحر : خلص العسل الي جبنا وابيجيل عصرت روحها .. مو صح ابيجيلة ؟

ابيجيل : ضحكت وضلينة ناكل .. ودامس يلف بالگم ويوكلني .. لحد ما اتخمت وعطت

- يبويييييييييييييي كافييييييي .. يمةةةةةة بعد ما اكدر اتنفسسسس يبوييييي

دامِس : اكلي ولججج .. ضالة بس عضامم ولجج

ابيجيل : راح تسمني وتسويني هايشة ونوب تكول .. سمينة سمينةةةة ما أحب السماننن

ضحكو وكال ..

دامِس : هسة أنتي سمنانة ومجربة إذا متنمر او لا ؟؟

ابيجيل : لاا بس أعرف

دامِس : لججج بوية .. هوة الجمال والحب بس للمربربة .. شني الضعيفة ضالة بس عضام

الحر : أي والله .. حتة من تجي وتحضنهن عبالك حاضن هيكل عضمي

ابيجيل : مالكم دخللل أني عاجبني ضعفي

دامِس : هييي عضومة

ابيجيل : عفتة وكمت ضايجة ..اجبار يوكلني صمونة كاملة ويريد ثنين بس ما اكدر .. كمت رحت غسلت وبطني موتتني رحت شمرت روحي على القنفة وبطني موتتني ألم ..