Giduwaan sa Kapalaran

C40. Nagkasugat

C40. Nagkasugat

Ni off ko ug sayo kay nakahunahuna ko nga mohapit sa mall aron mamalit ug gamit para ni baby. Mikalit lang ug santop sa akong hunahuna unya nagcrave pod ko ug chicken. Maghunahuna pa lang gani ko sa chicken joy sa Jollibee kay magtubod na ang akong laway. Good thing naay branch ang Jollibee sa mall nga akong adtuan.

Mikaon ko daan usa ko magsuroy-suroy sa mall kay maayo ng busog. Gitawagan na nako si Aiden daan kay wala raba siya sa opisina paglakaw nako kay duna siyay gitambongan nga business conference. Wala ra ko niya kuti-kutiha kay naa man ang driver naghulat ra nako sa parking area.

Gusto unta ko makigtagbo ni Brandon apan matod niya dili siya available kay duna pa siyay sulbaron nga problema sa usa sa ilang mga negosyo. Mokontak lang kuno siya nako kung libre na siya. Daghan ko ug gustong isugilon ni Brandon ug sayod ko aduna siyay daghang pangutana ngari nako. Dili man ko obligado nga mosubay niya sa nahitabo sa akong kinabuhi apan nahunahuna pod nako nga angay pod siyang masayod tungod kay dako baya siya ug natampo nga nahiluna ko dinhi sa Singapore.

Paingon kong mosulod sa usa ka boutique sa mga pambata nga gamit dihang maoy misugat sa akong panan-aw ang usa ka pamilyar nga bayhon sa lalaki. Mikalit ug butok ang akong dughan. Mura kog kandila nga giugbok sa akong gibarogan ug nagkatinutokay ming duha dihang kalit siyang miatubang ug nagkasugat ang among panan-aw. Dili mahubit ang akong gibati. Ug sa akong kataranta, mitalikod ko ug paspas nga milakaw.

Wala koy lingi-lingi nga mipalayo sa nahingangha nga Zev. Oo, si Zev ang nilalang nga akong gikahibagat sa boutique. Paspas kaayo ko nga naglakaw since maglisod man ko ug dagan kay dako na baya ang akong tiyan. Mura kog kriminal nga dakponon sa balaod sa akong gibuha. Nahunong lang ko dihang naay migunit sa akong kamot nga nakapasamot ug kulba sa akong dughan. Maayo gani kay pagyanghag nako si Aiden diay kini.

"Hey, slow down! Why are you in a hurry?"

"Uhmm... I-I need to go to the bathroom." Matod ko while milili sa luyo ni Aiden. Aron masiguro kon gisundan ba ko ni Zev. Wala nako siya makita.

"The bathroom is on the other side." Matod pa ni Aiden.

"Ah never mind. I'll just go home. Why are you here anyway?"

"I had dinner with a client."

Samtang naglakaw mi ni Aiden paingon sa parking nagpunay ko ug lingi. Gianinaw ang palibot kon wala ba gyud si Zev. Sa byahe nagpunay ug balik-balik sa akong hunahuna ang eksena sa mall kaganina. Nakurat sab siya klaro kaayo sa iyang panagway. I've noticed a flashed of excitement sa iyang tinan-awan apan kalit kining nahanaw dihang mipuntirya ang iyang mata sa akong nagbugdo nga tiyan. Was he disappointed? Unsa kaha ang iyang gibati pagkakita niya nako? Ug unsa sad kahay iyang gihunahuna upon seeing me pregnant? Daghang mga pangutana ang naghamok sa akong hunahuna hangtod na sa akong pagkatulog. Nag alindasay ko ug wa gyud makahinanok ug tarong maong wala ko moreport sa trabaho pagkaugma.

"O, naunsa man ka nga galuya ka man?" Suna ni Tita Celeste dihang namahaw mi.

"Kapoy lang akong lawas tita maong moabsent usa ko karon."

"Ayaw ug kumpyansa. Mas maayo nga magpacheck up ka aron masuta nato kon nganong ingon ana imong gibati."

"Dili na kinahanglan tita. Ako lang ning ipahuway."

"You should not report to work na gyud unta. Tutal aduna namay assistant si Aiden, makahimo na siya nga wala ka."

"Laayan pod ko ug dili ko motrabaho, tita."

"Unya ug mastress lang pod ka, makadaot na sa imong gisabak."

"Okey ra lagi ko tita. Kuan lang... Kagahapon man gud nakit-an nako si Zev sa mall."