Giduwaan sa Kapalaran

C38. Kapamilya

C38. Kapamilya

Human ko makagawas sa ospital, gidala ko ni Tita Celeste sa ilang mansyon ug didto ma gipapuyo. Dili siya mosugot nga mobalik ko sa akong gipuy-an nga condo kay wala kunoy makaatiman nako. Wala na lang sad ko mosupak tungod kay kapamilya man gyud nako siya. Nindot kaayo sa pamati nga karon aduna na koy matawag nga pamilya.

Gisuginlan ko ni Tita Celeste kon nganong magkabuwag sila sa akong inahan. Sayo nga namatay ang ilang amahan mao nga naminyo pag-usab ang ilang inahan. Nanganak kini ug naitsapwera na sila. Ilabi na mga lain ug batasan ang bag-o ini nga bana. Waka sila isipa nga pamilya. Dihang waka na makaagwanta si Tita Celeste, mikagiw siya uban ang saad nga balikon ra niya si mama kon mahiluna na siya. Maguwang siya ug tulo katuig ni mama. Matod niya dili niya pwedeng dad-on si mama sa itang pagpanimpad sa syudad tungod kay wala pa kini kasigurohan.

Mitakdo gayud kining iyang sugilanon sa gisulti ni mama kaniadto. Matod oa ni mama nga dihang miniya ang iyang maguwang nagpabilin siya sa poder sa ilang inahan nga ahaw sa pag-amuma ug pagmahal. Nahimo siyang katabang sa iyang kaugalingong pamilya. Ang iyang mga igsuon nag-isip niya nga ilang maid ug dili maguwang. Naningkamot siya nga makatungha sa kolehiyo isip working scholar. Ug dinhi niya naila-ila si papa Rafael. Nagkarelasyon sila sa daklit nga panahon ug kay lagi uhaw siya sa pagpangga, mituo siya sa mga pasalig sa akong amahan. Apan dihang nabuntis siya wala na siya panubagi niini kay lagi dili kuno andam.

Dihang nasayran sa iyang pamilya nga mabdos siya ug way laki nga manubag niini, gipalayas si mama. Gipangita niya ang iyang maguwang nga mao si Tita Celeste apan wala gayod niya kini hipalgi. Mao to nga naningkamot si mama nga mabuhi ming duha. Gisubay nako kang Tita Celeste ang kutob sa akong mahinumduman nga detalye uban ni mama.

"Pasayloa ko nga wala ko mobalik dayon..." Ang pong ni Tita Celeste samtang magbakho.

"Ayaw na paghilak, Tita. Milabay na kadto ug wala na si mama. Sayod ko nga kon hain man siya karon, nagmalipayon na siya kay nagkatagbo na ta."

"Apan uwahi na ang tanan, Ingrid. I should have returned. Unta buhi pa si Alma karon."

"Things happen for a reason, Tita. Dili man nato hingsabtan kon ngano apan angay nato kining dawaton."

"Kung unta mibalik pa ko aron kuhaon siya... But God knows how much I tried."

It turned out nga nakapangamo si Tita Celeste ug usa ka adunahan kaayong pamilya. Gipaeskuyla siya sa iyang amo human sa usa ka tuig nga pagpanerbisyo. Gusto unta niyang kuhaon si mama apan mibalhin ug puyo sa Manila ang iyang amo ug dayon mi migrate kini sa Singapore. Gidala usab siya hinungdan nga wala na siya kahigayon ug pauli. Dihang nakahuman na siya ug tungha sa kolehiyo ug nakabaton na ug maayong trabaho, mipauli siya sa Pilipinas apan uwahi na ang tanan. Wala na sa ilang gipuy-an ang iyang inahan ug matud pa sa mga marites nga silingan, nanglayas kuno kini tungod sa kadaghang utang. Walay nakatudlo niya kon hain ma kini mamuyo karon. Nahugno siya niadtong higayona apan wala na siyay nahimo pa. Mibalik siya sa Singapore ug matag higayon nga makabakasyon sa trabaho kay mopauli siya sa Pilipinas aron pangitaon ang iyang pamilya apan kanunay siyang pakyas. Hangtod nga naminyo siya ug usa ka adunahan nga Singaporean national. Ug tungod kay sapian naman siya, naghire siya ug private investigators apan wala gyuy lead kung hain na ang iyang pamilya.

Sa adlaw nga gihunongan na niya ang pagpaimbestiga, mao usab kini ang higayon nga gidala ko ni sir Aiden sa ilaha.

"Enough na Tita. Dili na nato mabalik pa ang mga nangagi. Ang importante nagkahimamatay na ta."

"But it would have been happier kon uban nato ang imong inahan." She sighed. Klaro kaayo sa iyang panagway nga gianugnan gyud siya nga wala sila mag-abot ni mama.