نيران الحرب في داخلي

بارت ٨

حسين : خلصت من اجازتي ٥ ايام و باقي بس باجر

ويوم السابع لازم ارجع للانبار طبعا هاي الايام بس

نوم واكل لان بالانبار الوضع موزين باي لحضه يدخل

داعش كلنه مستعدين لاي هجوم و ماكو نوم قليل

يعني اذا تنام ٣ ساعات باليوم هذا كلش زين غير عن

الأكل يعني عادي يكون بكاسه كلش زغيره مركه

وصمونه ومو دائما الصمونه لينه و أكثر المرات 

يابسه بس مع ذالك من التعب والجوع مانعترض

ناكل وخلص المهم كمت من فراشي وغسلت ونزلت

جوه الدنيا عصر لكيت امي وابوي بالصاله كاعدين

سلمت عليهم وكعدت وسألني ابوي

ابو حسين : يي بويه أمته تخلص اجازتك

حسين : عكب باجر ان شاء الله التحق

ابو حسين : تروح وترجع بالسلامة وليدي

حسين: الله يسلمك بويه

ام حسين : ماكتلك يمه ابن خالتك احلام بعد اسبوع

مشيته

حسين بابتسامه عرف امه شنو تقصد : بيه الخير يمه

ام حسين بتوتر  : ااا زين يعني ماتريد اشوفلك

حليوه منا منا

حسين بضحكه: لايمه لاتشوفيلي

ام حسين : راح اعوفك هل فتره بس ياحسين و

العباس إذا ماانت ختاريت اني اغصبك وازوجك

كافي يايمه كبرت وأريد اشوف عيالك

حسين : الله كريم يمه

جابتلي زوجه كرار الجاي وكعدت اشرب و جتي

علئ بالي ام دميعه ام خشه حمره هههه

كاعد اتصفح بالفيس و لان تعرفت علئ هواي شباب

بالدوام واكو بيهم ويانه من الأنبار دازيلي طلبات

صداقه وافقت عليهم وكاعد اتصفح و شفت صفحه

وحده من البنات كتابه مزخرفه ماعرف ليش ركزت

عل صفحه و عيونه ذكرتني بام دميعه نفس العيون

الكبار و ولونهم المميز بقيت اباوعله بتركيز

وماحس إله كرار ضربني علئ ضهري نتبهت إله كالي

كرار : مو كلت الله بالخير وين بالك

حسين حك ركبته : كاله عادي اتصفح وماانتبهت الك

يمكن صوتك ناصي ماسمعت

ومشت علئ كرار ووره كم يوم خلصت اجازتي