حسيت وقتها اني ندمت اني فضفضت لعماد بس ما الومه هو ما عاش الي عشته ما عاش انه ينحط بين الف بنت وما يتحرك فقلبه شيء
و بمجرد ما يشوف " الشنبات " تهيج حواسه . شعور المثلية مستحيل يعرف اي شخص الا اذا عاشة .
شعور مو مثل الحب او الأخوة او حتى شعور بالمرض مثل ما الكل يقول .
تخيل انك توصل لمرحلة فعمرك وتقول ليه انا ما انجذب للبنات ؟ ليه انا ما ادقق بتفاصيل بنت لما تمر من قدامي ؟
ليش قلبي يغرم بشاب معا ان البنات حولي ؟ ليش لما اصحابي يتكلمون عن بنات ما انسجم و اتحمس معاهم ؟
ليش لما اتخيل اني امسك يد شخص بطريقة رومنسية تكون يد شاب مو بنت ؟
ليش اتبادل نظرات اعجاب لشاب بالسوق بدل ما الحق بنت مثل الباقين ؟ ليش انا كذا ؟
ايش المختلف فيني عن الباقين ؟ تكره نفسك تبدأ امورك ترتبك و ما تعرف هذي نزوة و شهوة او هذا شيء داخلك .
المشاعر تولد معا الشخص من اول نفس يتنفسه بعد ما يطلع من جوف امه وما يغيرها اي انسان بالدنيا لان مشاعر الانسان مثل خلايا جسمه .
تبقى داخله وما يتحكم فيها ... هي اللي تتحكم فيه .دخلت اغسل وجهي بعد نقاشي معا عماد .
وقفت بالحمام اتامل زاويته . هنا انا جلست اول يوم دخلت فيه هالغرفة .
هنا جلست وقعدت اصيح بحضن ثامر و ماسك بيدي مكينة الحلاقة .ابريل - 2009
اول يوم دخلت في الغرفة كنت لوحدي . ابوي كان يوقع اوراق لدخولي .
تأملت فالمكان حسيت انه قذر حسيت انه اقذر مكان على وجهة الأرض كيف بتحمل اعيش و اتعالج بهالغرفة !
فالليل من نفس الليلة زارني ثامر و كانت حالته مزرية .
تركي : اول مره اشوفك ما تحلق دقنك و تخليه يطول لهدرجة .
ثامر : ما لي نفس بشيء .
تركي : انا بخير . و بطلع لك قريب .
ثامر : تركي عشاني ابكي .
ثامر : ابكي ؟ ليش عاد ؟
ثامر : مو معقول حبيبي كاتم بنفسك كل هذا ادري بالي داخلك ومحد يلومك بس مزحك و ضحكك و ابتسامتك كلها دليل انك تكابر و تبكي من داخلك ، النفسية اهم شيء فالعلاج .
تركي : انا بخير !
ثامر : لا موبخير و انا اليوم بنام هنا .
تركي : كيف ؟. ما بسمحون لك .
ثامر يقرب مني : مافي اي انسان قلت لك بالدنيا يقدر يبعدني عنك .
تركي : بس ثامر .....
ثامر : لا بس ولا شيء اليوم انا بنام معاك هنا . مستحيل اخليك تنام هنا لحالك فاول يوم .
" يقرب و يترك بوسة على خدي "
تركي : ايش هذا الي بايدك ؟
ثامر : ليش تتهرب ؟ عطيتك بوسة !
تركي : ثامر مره مو وقتة .
ثامر : طيب . و دامك سألت عن الي بيدي لازم اقول لك شيء . كلمت ابوك اليوم .
تركي : مو شيء غريب انت ياما - تطق حنك - معا ابوي بس عن ايش ؟
ثامر : ......
تركي : شفيك ؟
ثامر : حبيبي انت عارف ان من خطط علاجك .....
تركي : كمل شفيك ؟
ثامر : انت بتستخدم ... الكيماوي .
تركي : " سّكت لثواني " ... اي اعرف .
ثامر : تركي حبيبي فضفض طلع الي بصدرك لا تكتم .
تركي : خلاص ثامر اسكت . ايش الي بيدك طيب ؟
ثامر : الي بالكيس مكينة حلاقة .
تركي : ليش ؟
ثامر : حبيبي ... ابيك تشيل شعرك .
تركي : نعم؟
ثامر : صدقني بّكون اهون لك من انك تشوفه كل يوم يطيح .
تركي : لا مو حالقه . انسى .
ثامر : اترجاك .. و الله هالشيء صعب علي اكثر من هو صعب عليك .
تركي : انسى !
ثامر : تركي ما ابي اشوفك تتألم اكثر . بكون اهون لك تتعالج بالكيماوي و انت حالقه اكثر من انه يطيحه لك .
تركي بانفعال : و اشيل شعري و بكرا حواجبي تطيح و جسمي يصير عظم و حضرتك تبعد عني و لا تطالع فيني .
ثامر : مجنون انت ؟ قلت لك الموت لحاله يفرق بيني و بينك . لو تضل سنين فهالغرفة ببقى معاك .
تركي : اللحين تقول هالكلام لكن بكرا تغيره .
ثامر : بلا تفكير غبي انت كل شيء بالنسبة لي انا بدونك اضيع .
سحبت الكيس من يد ثامر بقوة .
تركي : انا بسوي الي قلت عنه مو عشان شيء بس اثبت لك بعد ما اشيل كل شعري ما بطالع فيني حتى .
ثامر : تركي حبيبي ......
بعدت ثامر عن طريقي و دخلت للحمام .
طالعت بنفسي بالمرايا طالعت بشعري قد ايش حبيته .
شعر الانسان مهما كان ناعم خشن طويل او قصير دايم احسه هويه لشخص . صحتي تروح و حريتي و دراستي و حتى شعري الي ما يتقارن بكل هذا كثير علي احتفظ فيه ؟ .
شغلت المكينه و ضليت اشيله من كل زاويه و بديت ابكي معا كل خصلة اشوفها تطيح .
وقف ثامر على الباب كاتم على نفسه و يطالع فيني .
ما قدرت اوقف طحت و سرت ابكي و اطلع كل الي بصدري .
تركي: ببدأ اتغير يبدأ شكلي يتعفن و الناس تبعد عني و اخرها اموت ولا استفدت شيء .
قرب مني ثامر وحضني و زاد علي حالتي .
ثامر : بسم الله عليك لا تقول كذا حبيبي .. ابكي و ريح صدرك .كمل لي ثامر باقي الشعر الي ما قدرت اشيله و وصلني لسرير .
دق الباب يشيك الدكتور علي فتخبى ثامر بسرعه فالحمام .
الدكتور : اهلن و سهلا فيك . ان شاء الله ازمه وتعدي بسرعة عليك و ترجع لأهلك .
تركي : .....
الدكتور : اي حاجة تحتاجها بس اتصل على رقم صفر و الممرضة تكون عندك في اقل من دقيقة .
تركي : شكراً .
الدكتور : يلا نام و ريح وبكرا لنا لقاء .ناديت ثامر عشان يرجع بس ما رد علي
قمت للحمام و حاولت افتحه ولقيته مسكر
تركي : ثامر اطلع راح الدكتور .
ثامر : .....
كنت اسمع صوت المويا مفتوحة بس .
تركي : ثامر شفيك ؟ اطلع !!
ثامر : دقيقة.
تركي : فيك شيء ؟
ثامر : طالع الحين .
مرت دقيقة و شوي و توقف صوت المويا و انفتح قفل الباب ... و طلع ثامر
تركي بصدمة : ايش سويت ؟؟؟
ثامر يبتسم : شرايك ؟ كذا كلنا محلقين شعورنا على الزيرو .
طالعت بثامر و بلا شعور صرت ابكي على صدره
ثامر يضحك : ترا حلقته بس عشان اغير ستايلي .
تركي : ثامر احبك ...
ثامر : و انا احبك و معاك فكل حاله تمر فيها و دامك حلقت حتى انا حلقت .
رجعنا لسرير وجلس ثامر السرير يتأمل فيني .
ثامر : هات يدك .
مديت يدي له ومسكها .
ثامر يبتسم : طالع جميل و انت على - الزيرو - ، كان من زمان شايل شعرك .
تركي : شكلي غبي .
ثامر : لا تقول كذا انا اشوفك جميل و هذا اهم شيء .
تركي : - تسلك - لي .
ثامر: ما كنت تقول اهم شيء رأيك فيني ؟ صح ؟
تركي : صح . بتنام عندي جد ؟
ثامر : ايه طبعاً يصير اترك حبيبي فاول يوم ؟
تركي : أحبك .
ثامر ينسدح جنبي و يحضني : و انا اموت فيك .
نمت يومها كاني طفل ضاع من أمه طول اليوم و رجع لحضنها اخر الليل .
نمت وانا متأكد اني بقوم و استقبل حياة جديدة .. شروط جديدة .. ناس جدد .طلعت من الحمام على صوت دق الباب ، فتحت الباب و كان عماد قدامي
YOU ARE READING
مكان غير صالح للحُـب
Romanceهو شاب عربي مثلي ، يعاني من نهاية العالم امام عينيه ولا يملك الان سوى الذكريات التي حُرم ان يعيشها في بلده