شمس: افرح بتفاعلكم وتصويتكم وشكرا لكم من القلب.
سامري:من طلع حسن من البيت وأَني مامرتاحة ابد قلبي ديلعب خلصت شغل البيت وكعدت كلت خل نسولف أني وماما شوية بلكي اتله.
سامري:رحت والكه أمي حالها أَسوء مني صافنه لأبعد الحدود حتى محست عليه من أجيت يمه.
أمي:صافنه وافكر بحسن وميت فكرة تمر على بالي بحيث قلبي فجأة وجعني حيل وخليت ايدي على صدري صحت سامري سامري وينج وينج ييمه
سامري:هااا هاااا يمه أجيت هااا شكو شبيج ؟حبيبتي
أمي:بسُرعة بنيتي عباتي أَنطيني اياه قلبي يوجعني حسن بي شي أَني متاكدة وكمت ألوج مكعدت.
سامري:أييي يمه حتى أَني حاسه بشعور محلو لانهُ شفت كابوس يخوف بعد صلاة الفجر بحيث كعدت من النوم ريكي ناشف وكوه شلت نفسي من الفراش
أمي:شنو الكابوس ولج يمه وضربت بأَيدي على صدري شبي حسن ؟؟
سامري:يمه كلت مجرد حلم وبس ميحتاج أحجي ألج.
أمي:دحجي يثولة وج كوه مصبره على نفسي بالبيت وكاعدة 😟.
سامري:يمه حلمت حسن راح بالحلم وهو يمشي صحت وراه هوواي ومباوعلي
اَبد حد مانشف ريكي من الصياح وجان لابس أبيض.
أمي: للليش محجيتي قبل لا يطلع لازم اروح أشوف شبي مابي أااخ يقلبي
سامري:هو مجرد حلم هاج يمه عبايتج وطلعت تحاجي أَبوي وهي تركض لبيت
جدي.
أمي:لبست عبايتي ورحت لحجي كاظم اَركض ودموع بعيني عشرة عشرة وكوه شايله حيلي.
أبوي:ساعة 12:30دقيقة اِتصل عليه
حسن ورفضته دك مرة لخ ورفضته
وأني كاعد بالمضيف يم أَبوي أستغفرالله😡
أبوي:شنو هالازعاج هذا شرايد بعدين غلقت موبايلي لانهُ جان أكو خطار عدنه.
أمي:دكيت الباب مال بيت عمو بكر
جم مرة وجان يفتحلي الباب أبنه سالم دخلت بلا سلام مستعجلة واصيح.
سالم:هلا بمرت أَخوي تفضلي زارتنا البركة تفاجئت بدخوله وهي مبهذلة
وتبجي.
أمي:وووين حجي كاظم بسرعة صيحليا
اركض مو وقت السلام فدوة خويه.
سالم:للليش اكو شي مرت أَخوي كوليلي
الاولاد بيهم شي ؟؟😟
أمي:عفته ودخلت دكيت باب المضيف عليهم وكمت أصيح حجي كاظم حجي فد شوية أطلع من رخصتك
أبوي:من رخصتكم شوية وارجع اشوف
ام احمد خاف محتاجه شي خطية.
('هاي شبيه تخبلت تصيح وصوته شعلوه فشلتني'دااكول بقلبي)
الخطار:على راحتك حجي ؟؟؟
أبوي:هاااا هاي شجابج لهنا خو مصاير شي فشلتيني كبال العالم متستحين بعد شكبرج تصيرين وعايفه سامري بوحده بالبيت فوكاه.
YOU ARE READING
هتكُ الروح
General Fictionعندما اِغتصبني في سواد الليل بوحشية عانيت أَشد المعاناة بين قيود التقاليد و العادات وبين أَخي الذي يُريد روحي بدافعِ الثأر لشرف العائلة. ماهو مصيري ياتُرى !!
