محمد :انا جعان😭😭😭💔
ايلاف وهي حاضناهو: حمودى استنى شوية بقوم بفتش لينا اكل
محمد: م قادر😭😭احنا لي م زي ناس مصعب هم دايما تلاجتهم مليانة 😭💔
ايلاف بقت تبكى بعدم حيلة، اخوها لما شافها بتبكى قال ليها: ايلاف خلاص انا ولا جعان حاستنى💔💔
ايلاف قشت دموعها وقالت فى نفسها:ضرورى ابقي قوية عشان خاطر اخوى" غصبت نفسها على انها تبتسم وقالت ليه: ارح نمشي للجيران ونشوف لْـۆ عندهم حاجة نفطر بيها
محمد وعيونو مدمعة: بس هم دايما بطردونا 💔
ايلاف وهى ماسكة نفسها م̷ـــِْن البكا: المرة دى م حيطردونها ،،
لبست عبايتها الوحيدة، كانت مشرطة وواضح عليه انو قديم، لَـگِنْ تسوي شنو وهي حق الاكل م عندها؟
مسكت اخوها الصغير من يدو ومشو للجيران وكالعادة استقبلوهم بقفلان الباب فى وشهم💔 الا فى واحدة ممكن نقول انها حنونة مقارنة بباقي الجارات؟ ادتها خيار واحد وتلات حبات طماطم، اتنين سليمات وواحدة بايظة، ايلاف حمدت ربها على الادتها،، ومشت للبيت قطعت الطمام والخيار، وشالت م̷ـــِْن العيش الكان يابس وبلتو بموية الطماطم وادتو لاخوها وبقا ياكل وهى اكتفت بانو تعاين فيهو وتتحسر على حالهم،،
__________________
*بجانب آخر*
فى قصر كبييير وواسع يتواجد فيه عدد هائل م̷ـــِْن الخدام،، كان بيعيش فى القصر دا عائلة صغير مكونة م̷ـــِْن أب اسمو عادل راجل اربعينى وسيم (عندو شركة خاصة بيهو لتصدير السيارات واستيرادها)
وأُم اسمها آمال ،،، آمال امرءة فائقت الجمال عمرها 38 سنة ،،
زولاية عملية لأبعد حد (بتشتغل فى بنك)
وبتهم اسمها تسابيح( امها وابوها بينفذو ليها طلباتها كلها ومدينها حريتها فى لبسها واختيار اصدقائها، بس م مهتمين فيها، اى واحد بيسعي لشغلو وقروشو،،،
وقروشهم الكتيرة دى كانت سبب فى انو بتهم تطلع مفترية ،عمرها 17 بتقرا فى تانية ثانوى )
تسابيح: بابيي
عادل وهو شغال بتلفونو : ايواا
تسابيح وهي داسة ورقة الاختبار ورا ضهرها عشان تفاجئو: الاسبوع الفات ادونا اختبار فى الانقلش وانا جبت 98% وظهّرت ليه الورقة
عادل وهو لسه شغال بتلفونو: جميل حانزل ليكى قروش فى حسابك هدية منى
تسابيح والابتسامة بادية تتلاشي م̷ـــِْن وشها: بابا انا ما وريتك عشان تدينى قروش، وريتك عشان تفرح
عادل جاهو اتصال: الوو ايوا، ، ڼـعمًـْ بالزبط، ههه ايوااا الاجتماع دا لْـۆ نجح حنربح، ، ان شااء الله والله حتكون حاجة عظيمة، و قام مشا للبلكونة المقابلاه عشان يكمل مكالمتو وخل تسابيح واقفة مكانها 💔 تسابيح بقت تبكى وقالت بصوت مخنوق: انا ليه م قاعدة القي الاهتمام م̷ـــِْن امى وابوى زي باقي صحباتى لييه!!💔
آمال نزلت من سيارتها و سلّمت مفتاح سيارتها للحارس عشان يبركنو ،، تسابيح عرفت انو امها جات م̷ـــِْن صوت كعبها العالي ،، قشت دموعها سريع سريع ، ورسمت ابتسامة على وشها، امها دخلت للصالة وطلعت نظارتها الشمسية.، وقالت:توتو مالك صاحية زي الوقت دا
تسابيح: انتظرتك عشان اقول ليكى انى جبت 98%فى امتحان الانقلش
آمال: شدّي حيلك المرة الجاية ضرورى تقفلي وتجي اولة الفصل
تسابيح:ناقصنى درجتين بس ي امى 💔
آمال:الدرجتين ديل زاتها بتفرق انتى السنة الجاية خاشة تالتة ضرورى تشدي حيلك لانو العلمى ما ساهل
تسابيح: بس انا عاوزة اقرا ادبي 💔
آمال: لالالا عايزة الناس بعدين تقول بت آمال بليدة وخشت ادبي؟!! ، لالا تقري علمى
تسابيح: لكن ..💔
آمال: انتهينا ومشت خلتها، ،
__________________
*نتعرف على بطلتنا*
(بطلتنا اسمها ايلاف، عمرها 17سنة ،عندها اخو واحد اصغر منها عمرو 6 سنوات ،، حمل البيت كلو عليها لانو ابوهم اتوفي فى حادث قبل 5 سنوات وامها جاها شلل بسبب صدمة وفاة راجلها، ،،
حالتهم المادية صعبة جدااا، اهل ابوها كانو كويسين معاهم بس بعد وفاتو انقطعو عنهم رسمي وبقو م بيسالو عنهم،، وشهم التانى ظهر💔
وبالنسبة لاهل امها فأصلا ما كانو رضيانين بزواجهم عشان كدة م قاعدين يسالو عنهم)
__________________
🫧 *تجاوزت أسوأ اللحظات بمفردي بينما كان الجميع يصدق أنني بخير 💔💔."*🫧
يتبع..
