[Unicode]'ကြင်ယာတော်ကင်မ်က ညာဏ်များလွန်းတယ်...သူ့ကိုသတိထားပြီးနေပါ'
သတိလစ်ကာအိပ်ပျော်နေသော ကြင်ယာတော်ကင်မ်အားကြည့်နေရင်း မယ်တော်ပြောခဲ့ဖူးတဲ့စကားကိုပြန်ကြားယောင်လိုက်မိသည်။ အနောက်ဘက်ဥယျာဉ်မှာဖြစ်ပျက်သွားတဲ့ကိစ္စကြောင့် ကြင်ယာတော်ကင်မ်ကိုသနားဂရုဏာသက်ကြောင်း နန်းတွင်းထဲ တီးတိုးတီးတိုးသဖန်းပိုးလုပ်နေသံများကို အထိန်းတော်ကြီးအင်မှတဆင့်သူကြားသိပြီးသား။
"ဘယ်အချိန်မှသတိပြန်ရမှာလဲ..."
"ပုံမှန်ဆိုဒီအချိန် သတိရသင့်ပါပြီအရှင်"
အရှင်ဂျွန်ရဲ့အမေးကိုဖြေလိုက်သည့်သမားတော်ရဲ့စကားကြောင့် ကွက်ခနဲပျက်သွားကြသည့်အပျိုတော်နှစ်ယောက်ရဲ့မျက်နှာ။
"မိန်းကလေးဂို ကိုယ်တော့်ကိုမျှော်နေတော့မှာမို့ သတိရတဲ့အထိစောင့်မပေးနိုင်တော့တာစိတ်မကောင်းဖြစ်မိတယ်...မင်းတို့မယ်မယ်နိုးလာရင် ကိုယ်တော့်ဆီကိုသတင်းပို့ပါ"
အရှင်ဂျွန်ရဲ့စကားသံက တည်ငြိမ်နေသလို မျက်နှာထားကလဲ ထပ်တူအေးစက်နေသည်။ ကြင်ယာတော်အလောင်းအလျာအဖြစ် လျာထားသည့်မိန်းမတစ်ယောက်အတွက်နဲ့ မိဖုရားတစ်ပါးကိုလျစ်လျူရှုသည်တဲ့လား။ သူများတကာပြောဆိုနေသလို သူတို့မယ်မယ်ဖုရားဟာ အစွန့်ပစ်ခံ အယောင်ပြမိဖုရားတစ်ပါးဖြစ်နေခဲ့ပြီလား။
အရှင်ကသွားခါနီးမှ မယ်မယ်အားတစ်ချက်ပြန်ကြည့်လျက်။
"နန်းမတော်ရဲ့ပြစ်ဒဏ်ကိစ္စ လောလောဆယ် ကြင်ယာတော်ကင်မ်ကိုပေးမသိနဲ့"
"ဟုတ်ကဲ့ပါအရှင်"
အရှင်ဂျွန်နဲ့အတူသမားတော်တို့ထွက်သွားကြတော့ နန်းဆောင်ဟာတိတ်ဆိတ်သွားရသည်။ ခွင့်ရက်နဲ့အိမ်ပြန်သွားခဲ့တဲ့သူတို့အထိန်းတော်သာရှိရင် ကိစ္စများကိုကောင်းကောင်းဖြေရှင်းနိုင်လိမ့်မည်။
"မယ်မယ်ဖုရား ထလို့ရပါပြီ"
ခုတင်နားအောက်ခြေရင်း၌ ပုဆစ်ဒူးတုပ်ထိုင်လိုက်ကြသည့်အပျိုတော်နှစ်ယောက်။လှဲအိပ်နေသည့် ကြင်ယာတော်ကင်မ်ရဲ့မျက်လုံးနှစ်ဖက်ဟာ ညင်သာစွာပွင့်လာသည်။
![](https://img.wattpad.com/cover/342435720-288-k118433.jpg)
YOU ARE READING
The Love Sleeping Under The Moonlight
Fanfiction[𝚄𝚗𝚒+𝚉𝚊𝚠] ရန်သူ့ဓားလက်နက်အောက်မှာကျရှုံးရခြင်းထက် ရန်သူ့ချစ်ခြင်းမေတ္တာအောက်မှာကျရှုံးရခြင်းဟာ ရှက်ဖွယ်ကောင်းသောကျရှုံးမှုတစ်ခု။ ရန္သူ႔ဓားလက္နက္ေအာက္မွာက်ရႈံးရျခင္းထက္ ရန္သူ႔ခ်စ္ျခင္းေမတၱာေအာက္မွာက်ရႈံးရျခင္းဟာ ရွက္ဖြယ္ေကာင္းေသာက်ရႈံးမႈတစ္...