روح في بحر الظلام

الحلقة السابعة عشر

:هاااا
منى:يلا لعد غير نروح... كلتهه ومشيت بهمة وهم واكفين صافنين مشيت كم خطوة وماحسيتة وراي التفتت لكيتة واكف ابمكانة متفاجأ من تصرفي وطارق مغطي وجهه بأيدة ومتخصر بالاخرى وداير ضهرة ويضحك

:ياااا زياد متمشي شبيك حيلزموونة

:وووييين وووين رايحة تهفين عبالك باتمان تعاي لا اجيج

طارق صفك ادي ثنينهم وغم زياد

:اوووهههممدااك هي هاي المكطع روحك عليييهه هااي الساحلتك من كراعينك

راد يضربة زياد.. بس فلت راح يهرول ويحجي...
:خل اخاابر الحجي اشوفة شمالة يطلك

تقدمت امشي لزياد فتح الباب صعدت وهو صعد يمي يضحك

:كافي زياد شبيك هسة احنا وينة وين الضحك
:لا تخافين يعيون زياد هسة نفلت ونخلص من هالشكولات بس اني وياج اعووضج عن كلهم وحق الله

بجيت خايفة ومتوترة گلبي ما مرتاح حاس بالخطر حطيت عيني بعينة اريد اشبع منه كنت اودع عزيز روحي من غير ما  احس
:ليش ليش مناي ليش تبجين هسة نطلع
:وين راح نروح زياد وين نعيش، اني ما مرتاحة ما اگدر اعوفك وخايفة واني وياك ما اعرف شديصير كلبي يوجعني

:معليج مجهز كولشي لا تخافين شبيج، شغيرج عليه مناي

:زياد يا ما اخاف تعال شوف كلبي راح يوكف

:شو بلا خل اشوف

: ياااء شتشوف

:كلبج

:عزززااا لا يا ماتستحي امشي رجعني يلا امشي

يحجي گوة لازم ضحكتة... اني درت وجهي ع الجامة

:خل اشوف طارق شسوة وية ابو. ارتاحي انتي نتأخر يلا نطلع

نزل وعافني اباوع عليهم من الجامة يسولفون بجدية،وطارق يأشرلة وكل شوية عاظ على اصبعة مدري شنو يريد من زياد بس زياد رافض ويهز راسة لا ويحجي

فترة على هاي الحالة لحد ما طلع الضوء  ولون السماء بدا يتوهج اجو همة اني الخوف زاد عندي ومثل موجات الالم صارت ابطني وتزداد بمرور الوقت

صعدو وزياد التفت علية كال وهو يعدل الغترة لف وجهه وراسة طلع بس عيونة

:راح نخلص بس لفي روحج زين وغطي وجهج

طارق :يخلص هو يخلص ابو........ ماكملهه كال استغفر الله وسكت

حرك السيارة ساكتين بس التوتر يقرا الف وصلنة الكراج البصرة ودع طارق بالسيارة ووصا على نفسة، وتكلمو بخصوص شهاب انو طارق مايعرف بموضوع الهرب وبس وصلنة

طارق:العباس عليك كون تحتاج شي وماتكلي زويد ترا اخيك انا

:فدوة لكلبك حبيبي ماقصرت