متعوسة 💔

حلقة 1

يقولو ان الحياة القاسية تصبح سهله و عاديه بالنسبة لشخص ليتقبلها ، حتى لو فطورة و غداه و عشاه على المشاكل و السب و الضرب و الإيهانات.

يقولو الشخص ليسكت على الناس ليشوفوه ضعيف يكبر راسهم و يركبو على ظهرك .

هنا نذهب لعالم اخر ، عالم متعوسة يا ترى كيف سوف يكون مشوارها ، هل طويل أم قصير ، جميل أم قاسي ، هيا معاً فالحياة ليست جميلة دون مغامره.

كان في منزل على دورين تعيش فيه مُنيرة ،

زوجها متوفي من لما كانوا بناتها صغار ، و كان عندها زوز بنات ، الكبيره اسمها نيامر كانت تدرس في الكلية طب و عمرها 22 عام طيبة و حنونه و تُحب الخير .

و ابنتها الأخرى اسمها ليزا مراهقه تعشق المسلسلات و تعتقد ان الحياة كما تشاهدها في المسلسلات .

كان لمُنيره اخ وحيد و اصغر منها كان يعيش معاها و اسمه احمد

و كان مرتبط بالجميلة و الرائعة و الطيبة عنود ، التي كانت تشتغل في بوتيك .

كانت مُنيره مقعمزة في الصالة و واضح عليها انها مضايقه و منزعجه
يدخل أحمد و في يده مستندات يرميها امامها على الطاولة .
أحمد بإنفعال و انزعاج :- الشركة حتفلس و القرض لخديناه مبلغه كبير و المصرف حالياً يطالب بإرجاع المبلغ كيف نديروا .
مُنيره :- ما تخافش حنشوف حل ، اني مُنيره ما تنساش.
أحمد بتنرفز:- عارف انك مُنيره منا سعديه ، اووفف قوليلي شن بتديري
لو تبيعي ذهبك مش حتقدري تجمعي حقه لو تبيعي هالڤيلاً .
مُنيره بغضب و انفعال وقفت :- صكر فمك
اني لا يمكن نبيع هالڤيلا انت فاهم
منا على خاطر شنو نشقى و نتعب كل هالسنين
كله على خاطر باش هالفيلا ما ضيعش مني .
أحمد خلاها و خش لداره مضايق .
مُنيره :- كل شي مش على بعضه هكا فجاءه كل شي انقلب فوق راسي .

جت الخدامه
مُرجانه :- عفواً مدام و لكن مدام حنان جت .
مُنيره تلفتت
منيرة دخلت مبتسمه و هي تسلم على مُنيره :- والله اشتاحشتك يا مُنيره.
مُنيره :- و اني اكثر يا قلبي
عطلتي في سفرتك هالمره .
جلوس الاثنين مقابلين بعض
منيرة :- مرجانه ديري فنجانين قهوى صاده.
حنان و هي مبتسمه :- مشيت لفرنسا و تدهور غادي لين شبعت و مشيت لإبريطانيا و تدهورت في كل مولات لندن و جبت لك هدياك انتِ و بناتك ما تخافيش.
مُنيره :- الله
ربي يفرحك ديما .
حنان :- صاحبتك و خابزتك ، قوليلي رمانه خيرها زعلانه ؟ منو مزعلها.
مُنيره ابتسمت و ضحكت :- لا لا اني بخير و كويسه لكن الاسبوع لفات قضيتها اجتماع ورى اجتماع تعبت .
حنان :- لا ماما خففي على روحك منا .
مُنيره :- ان شاء الله بناخذ الاسبوع هذا كله عطله اصلاً .
حنان :- احسن ، خير و خير ، اسمعي اني عندي صاحبتي لمره حكيت لك عليها
اسمها نعيمة من عيلة العثمان .
منيرة :- ايه .
حنان :- عندها والدها تزوج من تلاته سنين و ما حصلش صغار ، تبي تزوجه لوحده تانيه على امل يحصل عيل ، لكن شرطت قالت تبيها ملكة جمال ، و كلمتني باش نقولك انتِ بنتك نيامر مناسبه .