لم تبقي هناك معاناة ألا وتلقيتها منك __ الجزء الثاني

الفصل العشرين

كانت تستمع له بجفاء شديد لتسحب يديها من بين يديه هامسا
= انا مش هخليك تستغل ابني عشان ارجعلك .. وانت مش هتاخد مني فرصة تانية.

تلاشت ابتسامته لترى فريدة خيبة أمله التي حلت على ملامحه لتبتلع ريقها وليقول قصي
= لا، لا يا فريدة انا عمري ما كنت هستغل ابننا ابدا، كل الى انا عايزه اننا نرجع تاني ونكون عيلة لبعض.. فريدة انا مش عايز ابني يتربي بعيد عني ولا عايزك تكوني بعيدة عني، انتي متعرفيش انا عايش الأيام دي إزاي من غيرك.

تنفست بهدوء وهي تتطلع بالأرض ثم به قائلة بجمود وجفاء تام كأن كلامه لا يؤثر بها
= انا مش همنعك عن طفلك ابدا.. انت باباه وهتفضل معاه دايما، لكن انا مقدرش اوعدك بفرصة تانية وارجع اتعب تاني معاك.

ادمعت عيناه ليتمسك بيدها ثم قبلهما برفق قائلا بتمسك بها فلا يؤد ان يعيش دونها ويتمني ان تسامحه يوما
= اوعدك انك مش هتتعبي تاني بس تديني فرصة واحدة.. فريدة متكونيش قاسية اوي كده انا غلطت وبحاول اصلح غلطي بس انتي حتي مش قابله محاولاتي.

سحبت يدها مجددا من يده لتزفر انفاسها بتعب وتزيح خصلاتها خلف أذنيها هامسا بجمود وهي تنظر له بغضب
= قاسية!! ..رغم كل الى عملته وانا الى قاسية! ... انت ايدك دي اتمدت عليا ولمستني غصب عني، انت دمرتني وفي الاخر طلعت انا الى قاسيه.

اكملت بحدة شديدة وهي تتطلع به بغضب حارق وبأخيها
= انت عملت فيا كل ده، وعايزني اسامحك وانسي وارجعلك كمان ولا كأن اي حاجة حصلت... انا ليا حق في كل كلمة بقولها، مش همنعك عن ابنك، عايز تطمن عليه براحتك برضو مش همنعك لكن متستناش مني اكتر من كده.

حاول قصي اهدائها ليقترب منها سليم ليضع يده فوق كتفها متنفسا بهدوء هامسا
= طيب يا حبيبتي ممكن تهدي دلوقت ..ده لا الوقت ولا المكان المناسب الي ينفع ينتكلم فيه بالشكل ده ...كل الي في الموضوع ان قصي قلقان عليكي وكان عايز يطمن عليكي وعلى إبنه مش اكتر، حاولي تفهميه!.

ابتعدت عنه محركه رأسها بالإيجاب ثم احدقت النظر بـ قصي وتوشك دموعها على السقوط لتهمس لأخيها بنبرة حزن خرجت منها ونظراتها ايضا
= انت مكنش ليك الحق انك تعمل كده من غير ما تعرفني.. سليم انت إزاي بعد كل الى عمله فيا سامحته وعايز تصلح ما بينا!.

هتف سليم محاوطا كتفيها بذراعه وعينها وضح لها حزنه لأجلها وأنه لا يفعل شيئا غير لأجلها
= طيب اهدي، وممكن نتكلم بعدين في الموضوع ده!.

أرادت فريدة الذهاب ليمنعها سليم ممسكا بذراعها قائلا بجمود
= انا سامحته عشانك، لأني شوفت هو قد اي ندمان وعايز يصلح غلطته ويخليكي تسامحيه.. فريدة انا مش هطلب منك تسامحيه ده قرارك لكن على الأقل متأخديش قرار دلوقت، اهدي الأول وخلينا ندخل نطمن عليكم وبعدين نتكلم في الموضوع ده!.