--
شفت تغيرر ع ملامحه بإبتسامه كُلشش لطيفه تحس مِلك فد شي ثمين أو ح يملك هالشي جانت فرحته واضحه عليه ياترى شنو سبب هالفرحه .!!؟
مَر هاليوم ع خير وفرح وابتسامه عَده ع خير جان يوم كُلشش ححلو بعيداً عن التوتر 😂
بعد يومين هم جانت مُناسبه والتقينا بيومها بس كالعادة الخجل يسيطر عليك ومتكدر تسوي أي شي او تبين غير انوا تسلم ونظرات بينكم من بعيد وبَس مدريي ليش بس الخجل اقوى منك يكون بهالوقت 🥲😂💔
مَر شهر تقريباً أو أكثر مااتذكر بالضبط جنت كاعده بأمان الله بفَد مكان إجتي مرة خالي نفسها الي جان يحجي وياها بذاك اليوم تقربت يمي وابتسمت بوجهي فجأة خجلت ومافهمت شنو الموضوع 😭😂💕
كلتلي اكو ناس سألوني عليج وسولفولي اجتي علامات استفهام براسي بدون وعي كلتلها منو 🥲.!!؟
ابتسمت وضربتني ع كتفي علكيف كلتلي تغشمين نفسج حَبيبتي 😂
كلتلي يي بابلو شبيج تسوين نفسج متعرفين رديت عليها بس لا بذاك اليوم الي جنتوا واكفين تسولفون سويه كلتلي ها ملعونه هلكد مركزه ؟ هنا اني جَد توترت وماعرف أرد بعد 😭😂😂😂🤍
كلتلي يي هي وسولفلي شكد يحبج ورايدج واني اشوفه الولد كولشش مناسب ومَبي فد شي عيب أو غلط مَناقصه شي شو من كُل الجوانب صلوات مَبي اي غلط او عيب اني بدون وعي ولاتفكير كلتلهه الله كريم داحاول أفكر بالموضوع كلتلي شبيج ملامحج تغيرت ماردت أبين انوا اني عندي مشاعر اتجاهه وبلشت أحبه بس نفس الوقت ابتسامتي وملامحي فضحوني 😭😭💙
حجت ويايه كلام كولشش لطيف وقنعتني وخلت حُبه يزيد بداخلي وانوا اختياري جان صح وما ممكن يكون غلط بفد يوم من الايام وقتها ما جنت اتذكر غير حنيته واهتمامه الي جان طول الوقت مَيعوفني أبد 🥺♥️🫰
خلت ابنها يَمي وراحت بقيت أفكر بكلامها والموضوع والعلاقة ونهاية العلاقه شنو ممكن تكون وشلون !؟
بقيت أفكر بهالموضوع وشارده وماعرف منين ينفتح وشلون وليش وشنو النهايه الي راح تكون واتحملها بفرحها أو بحزنها !!
مَرت فترة أيام واني أفكر بالموضوع اخذت قرار نهائي !!!!!
ورحت أصلي صلاة إستخاره ربي اذا جان شي سيئ إبعده وخليني اكرها واذا شي زين إلي أتمنى تقربه أكثر إلي وتفرح كلبي 🥺❤️
حسيت إحساس كُلشش يجنن بلحظتها وحسيت خلص ربي العالمين كتبلي هالشي وهالطريق وهو أعرف بعباده وبحكمته 🫶
رحت فتحت جهازي ودزيتله
- بابلو اني احبك واني ...... بقيت احجي كولشي بداخلي واعبر بلا ماحس ع نفسي شنو دا اكتب واحجي مابيها أضم مشاعري بهاللحظه أكثر من هيج حجيت كولشي بداخلي بمسج مختصر 🦋☹️
حسيت شكد فرح من داخله وعرف مشاعري وانوا بادلته هالحب الي مقدمه إلي والمشاعر
حسيت بكمية الفرح الي اجتي لگلبه بهاللحظه ...
حسابي الانستقرام بهاليوم متعطل نوعاً ما ومايفتح أي مسج عرف هالشي وراح سوالي حساب جديد ونطاني إياه سويته نفس يوزره وخلينا صور تطقيم وبايو وصار يجنن واكيد حبيته أكثر من حسابي القديم الي أحبه🥹💔
مَر كم يوم وبلشت استوعب انوا صرت أحبه كُل يوم أكثر وصرت اگوله احبك كُل ما أحسه ضايج وجانت هالكلمه عنده تنسي تعب الدنيا ڪُلهها وكولشي ممكن يكون صاير عنده بلش حبنا يقوه يوم بعد يوم عدت فتره كم شهر وجانت علاقتنا كُل يوم أحلى وتقوى بحُبنا وتمسكنا ببعض
اجه يوم وقررنا نطلع لفد مكان عام ونلتقي طلعنا وجان تحديداً بنفس يوم عيد ميلاده يوم 2021/12/20 من التوتر والخجل والارتباك الي عندي وقتها لمن شفته نسيت حتى اعايده 😭😭😂💙
وجان كاعد مقابيلي وأفوت من يمه وماعرفه حد ماهو اجه وراي لمن ردت اطلع عبالي ماموجود وأيست بحيث يمشي ورايه واني هم مامنتبهه عليه ولاادري 😭😂💔💔
أبد ما مبين عليه توتر وخوف وخجل وهالمشاعر مو صحيح 😭😂😂😂.؟ يي أكيد ما مبين الحمدلله 🌚🥲🥲
مَر الوقت بسرعه واحنا سويه ماحسينا ع شي رغم المشاعر جانت خوف ع توتر ع خجل ع فرحه متعرف شنو الشعور ولاتكدر تعبره أو تحجي شي وانتَ طالع ويه اقرب شخص ع گلبك ولأول مره
جان الجو كُلشش بارد ومن الارتباك بقيت أبتسم طول الوقت وماعرف شنو احجي أو افتح موضوع 😶
جَـد جان أحلى يوم بذيج السنه من مشاعر من ابتسامه من شفت الحُب بعيونه والحنيه والاهتمام تحس نفسك تملك أحلى شي بالدنيا وراح تكون أسعد إنسان اذا جان هيج شخص بحياتك صادق بمشاعره وإحساسه ويكون اهتمامه وحنيته فوك كُلشي ممكن احلى احساس وشعور ممكن يكون بحياتك الي بحياته هيج شخص يحمد ربي العالمين طول الوقت ويتشكره ع هالنعمه
ربي يديم كل شخصين سويه يحبون بعض
بـ نيه صافيه وگلب أبيض 🥺♥️.
مَرت شهرين واحنا منقطعين عن التواصل والاتصال رجعت وبلشت أجي اتواصل وياه بس جان مايرد ع مسجاتي واتصالاتي تفكيري واحساسي جان يكولي أكو شي ☹️💔 وفعلاً اكتشفت انوا اكو شي صايرر 😓
ياترى شنو هالشي الي صاير حتى ينقطع طول هالفتره ومايرد عليه ...!!!!!!؟؟؟ 💔
