حب بعد معاناة

الجزء الثامن

ملك :أزيكم وحشتنى يمحمد
محمد وزينب : هو انتى
ملك : ايوه انا اى قولت اجى أطمن على فرح وحشتنى
محمد : عشان فرح برضو
ملك : أيوه
زينب : طب هطلع انا
محمد : ماشى
ملك بغيره : هى كانت معاك فين
محمد ببرود : ملكيش دعوه
ملك بغيره : أنت بتحبها صح على فكره هى مش من مستوانا
محمد : ملكش دعوه واطلعى يلا اوضتك
ملك : تمم باااي
محمد : باااي

______________________

مع بدايه يوم جديد

فرح صحيت من النوم خدت شاور وغيرت هدومها لبست بنطلون بوى فريند لونه زيتى وبلوزه بيضه كت

خلصت لبس ومسكت تلفونها تشوف لو عمر رد عليها
لقيتو باعت رساله طويله "فرح عارف انك بتكرهينى ويمكن عمرك مهتعرفى تسامحيني بس انا عايزك تسمعيني وبعدين قررى انا عمرى محبيت ولا هحب حد زيك لو هتيجى هستناكى النهارده بليل الساعه ٩ عند............ هكون منتظرك حتى لو مش جايه "
قرت فرح الرساله ومش عارفه تعمل اى تروح وتسمعه ولا تطنش قطع تفكيرها ملك وهى بتخبط على الباب
ملك : فروحه انتى صاحيه
فرح : أهلا جيتى امتى
ملك حضنتها وهى بتعيط : وحشتينى اوي بجد ووحشنى كلامنا سوا يفروحه انا قولت اجى اشوفك وحشتينى اوي
فرح بحب : وانتى أكتر يروحى
ملك : يلا ننزل تحت عشان نفطر
نزلوا تحت المطعم عشان الفطار وقعدوا مع محمد وزينب ومازن
مازن بخوف علر فرح : عامله اى بقيتى كويسه
فرح : اه الحمد لله
محمد : ليه اى اللى حصل
مازن : أصل..
فرح قاطعته وقالت : مفيش حاجه
مازن بصلها واستغرب من تصرفها

دخل عمر وشهد المطعم واول لما شهد شافت فرح مسكت ايد عمر عشان تغيظها وقعدت فى الطرابيزه اللى جمبها
عمر فتح تلفونو ومستنى رد من فرح لكنها مرضتش
شهد : فيه حاجه ياحبيبى
عمر : كلى وانتى ساكته
شهد اتغاظت اوى بس سكتت وقدرتش تنطق كلمه عشان عارفه عمر وعصبيته

فرح : جماعه انا زهقانه اوي عايزه اروح مكان مختلف كدا
ملك : اه وانا كمان
محمد : فرح هتروحى فين تاني احنا خرجنا كتير
ملك وهى بتخضن فرح : لا نتفسح انا اول مره اجى فرنسا
مازن : أحنا هنرجع مصر كفايه كدا
ملك : هو انا لحقت
زينب : وانا والله عايزه ارجع
فرح : ليه كدا خلينا انا كريستينا و آدم هيوحشونى اوي
محمد : وانا والله حبيتهم اوي ناس طيبه
مازن : أنا حجزت تذاكر هنمشى
ملك : امتى
زينب : والله وانا عايزه امشى
محمد وهو بيبص لزينب : كويس عشان لما نمشى محضر مفاجأه
فرح بضحك : اوعاا الولد الروش
ملك كانت مضايقه اوي بس ساكته لان خالتها وعدتها إنها هتخليها تتجوزه
فرح : مازن هنمشى امتى يعنى
مازن : النهارده الساعه ١٠ بليل
فرح : أهه تمم
فرح كانت مش عارفه تعمل اى عمر كان عايز يكلمها الساعه ٩ ياترا هتلحق ولا لا
___________________________

على الساعه 5 المغرب

عمر قرر يرن على ماممته ويحكيلها سبب كل اللى حصل قبل فرح عشان تنصحه

إتصل عليها

عمر : ألو يماما
سلمى : ألو ياحبيبى وحشتنى اوى كل دا متسألش على أمك حبيبتك
عمر : معلش يماما كنت متلغبط شويه وعايز أكلمك
سلمى : أتكلم ياحبيبى
عمر : أنا شفت فرح يماما
سلمى : بجد وهى عامله اى
عمر : انا بعتلها وقولتلها تستناني فى .... الساعه ٩ هقولها سبب كل المشاكل واعرف منها الحقيقه بس قررت اقولك انتى الاول
سلمى بحب : أخيرا ياحبيبى قول بقا عايزه اعرف سبب المصايب
عمر بحزن : بعد متجوزنا بفتره رقم غريب بعتلى صور لفرح وهى مع واحد تانى كانو صور كتير يا ماما
سلمى يغضب : أنت مجنون يعنى حاجه زى دى تخليك تعمل معاها كدا
عمر بدموع وانهيار : مش دى المشكله فى صور كانت لفرح وهى لابسه لبس مش كويس خالص ومتصوره مع راجل معرفوش وانا روحت عند راجل يشوف لو الصور دى حقيقيه ولا متفبركه وقالى إنها حقيقيه وانا لما عرفت كدا أتعصبت جدا ازاى تخونى
سلمى بغضب : كان لازم تصارحها وتوريها افرض الراجل دا كدب عليك فرح دى زى بنتى ولايمكن تعمل كدا
عمر : منا عشان كدا هواجها النهارده
سلمى : أنا قلبى مش مستريح يبنى للحكايه
عمر : سبيها ع الله
سلمى : ماشى يبنى مع السلامه
عمر : م السلامه ي أمى
قفل عمر الخط وبدأ يبكى لان دى مش الحقيقه كامله فى سبب تانى ورا كل دا لكنه مقدرش يقوله لأمه خاف ليحصلها حاجه

قبل سنه :-

فى قصر عمر

فرح : عمر حبيبى انا جهزت الأكل تعالى يلا
عمر بحب : حاضر يروحى أنا هلبس وجاى وراكى

فرح نزلت تحت وقعدت على السفره
سلمى بحب : مشاء الله قمر نازل
فرح بحب : شكرا يماما
شهد بتريقه: هه قال قمر قال
سلمى : ملكيش دعوه يا شهد خليكى فحالك 

فوق عند عمر

كان ف الحمام وعمال يتعاطى مخدرات كان مدمن وكان مخبى عن الكل ف الوقت دا جتله الصوره بتاعت فرح مقدرش يستحمل نزل على تحت بغضب : أنتى يافرح يازفته
فرح بخوف : فيه اى ياحبيبى مالك
عمر مسكها من شعرها وفضل يضرب فيها
فرح بصراخ : أاااا يمجنون فيه اى
سلمى بصراخ : يبنى سيبها
عمر بغضب : والله لمسيكى كل يوم بعلقه
خلص ضرب فيها ومشى راح الشغل وفرح كانت خايفه جدا مش مصدقه هيا عملت اى عشان يعمل كل دا

عوده للحاضر:-

عمر مع نفسه بدموع : إنت حيوان ومدمن ازاى تعمل كدا كل دا بسبب المخدرات والزفت

عمر بعد مفرح سابته وبطل يتعاطا مخدرات واتعالج عشان يرجعلها
_______

عند فرح كانت هيا والبنات بيجهزوا الشنط عشان السفر
ملك بقرف : اووف يربى انا ملحقتش اتفسح
فرح : الساعه بقت كام
زينب : ٨ ونص
فرح يتوتر : بجد

يتبع......