يتيمة في احضان الاحزان

15

سلام زيناات نشالله تكونوا لباس 

تبدين مثل ملاك ~متعب ~قضى حياته يخلق حلولا لاحزان الاخرين ولكن لم يجد اي حل لحزنه

منال=ليوم كملنا بكري معا لعشرة روحت ونا فرحانة لدار بيسك  قررنا نحلوا مشكلة نونوانا وفطيمة

قررنا تولي صحبتنا ونحموها من ذوك لمتوحشين لي يقراو معاها نعرف شحال يعنيلها فطيمة شي هذا لانوا 

معنات طفلة هذي تفكرها في خوها وشي لي فات عليها  خو فطيمة الله يرحموا من كان صغير فيه تشويه على مستوى وجهوا 

شي لي خلاه منبوذ في صغروا وكانوا يتنمروا عليه  ويضحكوا عليه فلمتوسطة شي لي وصلوا ا

انوا ينتحر  لهكا فطيمة متحبش اي شخص متنمر ومتحملهمش المتنمرين اصلا 

___نتمى تفهموا انوا كي تضحك على انسان ولاتعلق على شكلوا شي هذا راح ياذيه ياسر ولا دينا يرضا ولا ربنا يرضا بشي هذا

 احذروا من كلماتكم ومتضحكوش على خلق ربي لانوا يمكن كلمة طيبة داوي روح وتكون سبب في اجر عضيم من عند ربي ليك __

  روحت لدار و فتحت لباب بلمفتاح دخلت لدار سمعت لحس ونا مستغربة اااههه ياحقا عمتي كريمة 

رااهي هنا نسيتهاا طول اصلا راني متوحشتها ومتوحشة قصرتها 

 رحت بش نشوفها  ونا فرحانة لي مزالت هنا نسمع فلحس وصوتها يعلى هيا وبابا قلقت ورحت

مشيت بلعقل بش نتنصت عليها هيا وبابا شبيهم يتعايطوا حتى  نسمعهم يتعايطوا وياريتني ماسمعت

=======================================

لم اكن يوم شخصا مؤذيا  بتاتا حتى عندما احرقوا روحي 

=====================================

كريمة =محمد منصباح ونا نهدر معاك ياتروح تعاود تزوج ولا تشوف وش ندير

محمد =ياااختي افهمي منيش حاب زيدي شوفي راني كبرت وعينيا راحوا ولمرض وزيد مرتي 

فضيلة مكملتش حتا 6شهر في قبرها ربي اخطيني ومتعاوديش لكلام هذا 

كريمة =بعيااط تاااوليت اعمى وطفلة لملقطا لي جبتها وربيتها ولاو ناس يصدقوا عليها 

ونتا ماك قادر لا تعيشها لتعيش روحك شووف حاالتك كي ولات امحمد  تزوج وجيب لي تهزك 

وتهزها عاجباتك حالتها لي راهي فيها طفلة  تمشي فيك من يدك وتخرجن وتطيبلك 

وتغسلك وهي مافتتش حتى14سنة عااجبااتك لحالة هذي ااه قلي حتى طفلة تحشم كي تبعثها