يتيمة في احضان الاحزان

5

سلام حبيباتي مغسي على تفاعلكم  وهذا حمسني بش نحطلكم لبارت هذا ليوم

في دار كريمة =منال كنت قاعدة وعينيها منفخين  مهيش قادرة تاكل ولا تشرب قلبها عند يماها حبيبتها 

وكريمة وبناتها كامل راقدين ناضتلها بنت كريمة ونطقت قتلها ياخيتي راهي قريب ل12تاع ليل يزي منواح مش مليح 

سمعوا باب تحل وجا داخل محمد تلاحت فيه منال وهي تبكي وتهدربشهقة  بابا طمني عليها تعيش مقدرتش

نطق محمد=و قلها ياله وجدي روحك و خلينا روحوا لها ماماك ناضت وقتلي جيبهالي 

خزرت فيه منال كان وجهوا شاحب وعينيه حمورة وشعروا مش معدل خزرت فيه حست بتعب تاعوا اول مرة تشوف بابها هكا 

مسحت دموعها وناضت تزرب بش تروح معاه اول مدخلت عند يمها فضيلة وشفتها تخلعت من لحالة لي فيها وشفتها بعينين 

مليانين دموع  وراحتلها بخطوات ثقال  ودموعها يطيحوا هزت يدها فضيلة بمعنى اجاي عندي راحتلها وبدات تبكي تبسمت 

كي شافت محمد مدخل قالب كيك صغيور وفيه شمعة تلفتتلوا منال ودموعها في عينيها =باباتي حبيبي 

تعرف بلي نحبكم ومنتمنى كان راحتكم وتبقوا معيا  هز راسوا بتعب وقلها هيا تمناي وطفي شمعتك 

غمضت عينيها واول امنية تمناتها انها ترجع يما ها فضيلة لباس  نطقت فضيلة وقتلها شوفي كادوا جبتهولك 

جبدتلها ساعة تحفونة تهبل ولبستهالها وعينيها مليانين دموع بعدها قتلها حبيبتي ياله روحي يوصلك باباك  لدار عمتك 

وغدوة اروحي اوكي حبيبتي  هزت منال راسها وباستها قتلها حاضر يالغالية نتي ارجعيلي لباس برك 

خزرتها فضيلة وعينيها مليانين دموع ونطقت قتلها نشالله ياروحي  هيا باي واتهلي في باباك مليح وقلوا يتعشى ويرقد

تبسمت منال على مامها  وخرجت وهي في راسها مامتي  وحتى هي مريضة وتوصي فيا على باباتي هههه كون يعرف

وش قاتلي يقلي نا منيش بيبي صغير هههه  باباتي لغالي هي روحوا قاتلي فضيلة عشيه وقلوا يرقد قلق وقلها يااراني كبيير 

وهي مزالت توصي ضحكت منال ونطقت قاتلوا هيااا برك بابا تبسم ومشا هو ويها لدارهم تعشاوا ورقدوا  وناضوا صباح بكري 

بش يروحوا يطلوا على فضيلة دخلت منال وكريمة ومحمد نطقت فضيلة وقتلهم خلوني معا كريمة شوي  خرجوا محمد ومنال 

نسفت منال ونطقت بابا ماما تحب كريمة كثر منا شوف كفاه طردتنا ضحك محمد وقلها لا حتحكي معها هدرت كبار وحنا ملزمش 

نسمعوا ضحكت منال وقاتلوا انا صغيورة صح نتا يابابا كبير وماما خرجاتك عقد حواجبوا وناض وقلها يااه صح ني داخل تيسمت 

منال على باباها وقعدت جا داخل يسمع في فضيلة وصي في كريمة على منال ومحمد وتقلها لوكان دااربي امانتوا بعدي زوجيه دخل 

وهوا مقلق وقال شكون قال بلي بش تروحي ونا حنتزوج خرجت كريمة وخلتهم براحتهم شافت في منال اول مرة تشوف ناحيت طفلة 

هذي بنضرة شفقة خطر من قبل كانت نضرتها ليها نضرت احتقار بيسك هي جات بنت حرام وخوها تكفلها ورباها كنت رافضة

فكرة تاع تبنيها اول نهار ولكن تستعرف معا لوقت تعلقوا بيها كاامل وحبوها كريمةفي نفسها= ملقري كنت منحبهاش لبنية هذي 

مي  غايضتني يااسر كي تعرف نتمنى تكون بخير ونقدر نفذ وصية فضيلة  لي وصاتهالي

منال= نحس في روحي حتطلع صحيح ماما طمنتني عليها مي دموعي مقدرتش نحبسهم حاسة روحي وحدي صحيح ثاني عمري 

صغير اما قاعدا نحس في روحي ضايعا اول مرة نشوفها هكا وزيد حالة باباتااعبة ياسر سيرتوا عينيه فاضحينوا اول مرة نشوفوا

 يبكي بااين بلي شي هذا بش يكون صعيب علينا في زوج كل منقول اقواي على جال امك وباباك بش يفرحوا ونرجعوا كما كنا 

نلقا روحي نبكي ومش قاادرة تعلمت كلش فدنيا هذي غير اني نعيش بلا بيهم هوما  روحي وحياتي ومنتخيلش حياتي نهار بلا بيهم

________  كمل باارت ليوووم شرايكم فييه  لبنات  يادرى عجبكم ولالالا وصوتوولي  بلييز___________

__________________وقولولي رايكم فلاحدااث تاع ليووم___________________