#القادرة
♡8&7♡
#بقلم_مرفت_السيد
قبل أي كلام بالليل هنزل جزئين كمان😚😌🌹💕
وصلت سارة ونصر ولمياء واطفالهم للبيت ولكن
لسة بيدخلوا شقتهم اتفاجئوا باتتين من اخوات نصر بيخبطوا على بوابة البيت بعنف
اتفزعت سارة ولمياء، ونصر من طريقة خبطهم على الباب
نصر نزلهم بسرعة و فتح وزعقلهم: في إيه ياض منك ليه بتهبدوا على الباب ليه كدة
واحد. منهم اسمه ياسر: معلش بس انت تليفونك. كان مقفول وروحنا لحماك قالنا اسم المستشفى على ماوصلنا كنتو خرجتوا
نصر: وليه كل دة حصل إيه انطقوا
رد اخوه التاني علي: اصل بصراحة يعني قول انت ياياسر
نصر: ماتفهموني الله ياخدكم
ياسر: ساميه مراتك يامعلم
: مالها انطق
_البقاء لله
نصر بصدمة: ازاي وامتى وحصل إيه
_بيصحوها الصبح لقوها مش بترد هدى خاولت تكلمك مردتش كلمتنا احنا جبنالها الدكتور قال انها ماتت
نصر: دي كانت زي الفل
واتعصب: ازاي كدة لوحدها
ودمعت عيناه وقال بحزن: لاحول ولاقوة الابالله انا لله وإنا إليه راجعون
علي: وحد الله يامعلم اجلها وعمرها كدة هي في المستشفى وعاوزينك. عشان الإجراءات
نصر: ياللا بينا
واتصل نصر بسارة وهو بالطريق وحكالها الي حصل
قالتله: قلبي معاك يانصر روح اعملها عزاوخليك جنب اولادك اليومين دول ومتقلقش علينا
اغلق نصر الخط وذهب لالقاء نظرة اخيرة على سامية وانهى الإجراءات وتم دفنها وعمل عزاء
وبعد انتهاء العزا دخل نصر شقته هو وسامية ودمعت عيناه من الحزن عليها وكان ينام بغرفتهما وكان مطمئن ان الاولاد عند هدى
وبعد انتهاء 3 ايام العزاء دخل نصر شقة سامية ليجد ابناءه الخمسةمن سامية يبكون على امهم ويشعرون بالجوع فهم بالنهاية مازالوا اطفال اكبرهم يبلغ 15 سنة
سأل ابنه احمد: انتو مش عند. هدى ليه
احمد: قالتلتنا روحوا شقتكم بقى اتعودوا تناموا هناك
نصر بعصبية: هو كان بيت ابوها
اتعشيتوا ياولاد
احابوا: لا وجعانين يابابا
شعر بالغضب فنادى على هدى فلم تجبه
فطلع على شقتها وفتح الباب لقاها بتاكل وهي وعياله منها اول ماشافته قامت وقفت بخضة: معلم اصل انا مشغولة طول اليوم بالعزا والعيال مااكلوش
نصر بعصبية: وعيال سامية رامياهم يالي معندكيش دم ولا احساس
قام ابنه صالح وقاله ببراءةالاطفال: والله يابابا قولتلها هاتي اخواتي ياكلو معانا قالت ابوهم ياخدهم للمحروسة الجديدة تشيل همهم
لكزته امه وقالا: لا يامعلم انا....
صفعها نصر على وجهها ومن شدة الضربة نزفت اسنانها
وقال لاولاده: انزلوا وخدوا الاكل دة معاكم لاخواتكم تحت بشقة سامية وطبطبوا عليهم واكلوهم ومن هنا ورايح مش هاتسيبوهم لوحدهم فاهمين
ردوا ابناءه الثلاثة من هدى: حاضر يابابا
هدى كانت ترتعد من الخوف وهو يقترب منها ببطء وهي بتبتعد حتى التصق ظعرها بالحائط
فنظر اليها بغضب وهو يتأمل جلبابها الملون وقال: انتي عاملة فرح ولا دمعة نزلت من عنيكي ونفسك مفتوحة ولابسة ملون حتى لو في بيتك ولادك يقولو ايه بتقسيهم على اخواتهم ياجاحدة مش سامية دي كانت حبيبتك
وجذبها من شعرها وجلس والقاها تحت اقدامه:وقال: انا بقى قاعدلك لو هاتفكري اني هاسيبك تبهدلي عيالي تبقي غبية ومش، بس كدة هجيبلك سارة هنا وانتي لسة متعرفيش سارة دي مش هتعرفي تعمليلها غسيل مخ زي المرحومة دي تبلعك ولازم تفهمي انك. هنا عشان الاولاد وبس تخدميهم التمانية وعاوز اسمع انك قصرتي
قومي يابت انزلي تحت روقي البيت ونيمي العيال ومن هنا ورايح طبيخك وغسيلك للتمانية
ردت بصوت مهزوز وهي تبكي: بس دة حرام يامعلم
: ان كان عاجبك مش عاجبك بالسلامة وتمشي بطولك ولاعيل هاتاخديه
_يعني لو هامشي هتحرمني من عيالي
: دول ولاد نصر يابت وانتي عارفه ان مفيش حد هايقدر يساعدك تاخديهم وانتي فاهمة اقدر اعمل إيه كويس
_طب حتى
قاطعها: هاتعيشي ولاتغوري خلصي
_هاعيش يامعلم
: ياللا على تحت
نهضت بألم فقالها: بسرررعة
فهرولت ونزلت السلالم في ثانية
بقلم مرفت السيد
اغلق نصر الباب وامسك الهاتف وكلب سارة فاحابته لمياء بانها ارضعت الاولاد وبصعوبة خلدا للنوم فنامت هي من الارهاق
نصر: لما تصحى خليها تكلمني سلام
ونزل نصر بهدوء فوجد هدى تطعم الاطفال
فقال بصوت عالي: انا نازل وشوية وراجع يااولاد متتعبوش امكم ولو حد. اتشاقى هاعاقبه وتاكلوا وتناموا على طول
فقامت اصغر بناته اسمها ريماس وقالت: بابا هاتلي حاجة حلوة
فابتسم نصر واحتضنها وقال: حاجة حلوة ليكم. كلكم بس لو هدى مااشتكتش منكم
نظرت اليه هدى ولم تعقب
نزل نصر واتجه لمنزل اهل سامية فوجدهم يبكون ويستقبلون التعازي من بعض الجيران
فرحبوا به فقال لوالدها: دلوقتي ياحاج بصراحة انا خايف على الولاد. من. هدى
قالت الام: انا كمان
الاب: والحل يابني
ردت اخت سامية الصغرى وهي ارملة لاتنجب واسمها سمر وقالت: احنا كنا هناخد الولاد بس انت رافض
نصر: ولاد. نصر ميخرجوش من بيتهم انا عاوزكم انتو تيجوا تعيشوا مع الاولاد خصوصا يعني مع احترامي احنا مش غرب حالكم. عالقد وانا ولادي تربية عز
الام: بس يابني نيجي كلنا وننقل عندك بيت سامية الله يرحمها ماينفعش ياحبيبي
نصر وهو ينظر لسمر باعجاب: سمر بس
الاب: بس دة مايصحش
نصر: اسمعوني للاخر جحا اولى بلحم توره
الخالة اولى بتربية ولاد. اختها خصوصا ان الولاد بيحبوها
الان: بس يعني دول 5 ومينفغش سمر تدخل بيت اختها وهي مش فيه وكلام الناس
نصر: اديني فرصة اكمل ياحاجة
انا هاتجوز سمر
الاب: إيه ازاي
نصر وهو يغادر: فكروا ومستني الرد
وغادر نصر لبيت سارة دخل بهدوء قبل الاطفال
وصحى سارة برفق
فقامت متعصبة: في إيه عاوزة انام
فحضنها وقبل رأسها: وحشتيني
: نصر البقاء لله
الدوام لله طمنيني عليكي
: احنا بخير طمني انت عملت ايه
هحكيلك كل حاجة
وقص عليها نصر كل ماحدث وهو خايف من ردة فعلها
سكتت شوية وقالتله: انت اتسرعت انا ماوافقتش اجي اعيش هناك وماتفقناش على كدة دة اولا ثانيا بقى ياترى بقى هاتتجوزها عشان الولاد بس ولا عجباك يانصر
نصر: مش هكدب عليكي انا مش باتجوز واحدة الا لما تكون عجباني بتقس الوقت خدامة لعيالي واضمن معاملتها ليهم دي روحها فيهم
سارة بهدوء: وانا مفيش ضرة تيجي عليا يانصر
: يعني إيه
_يعني لأ انت راجل مزواج نسوانجي
: سارة افهمي انا قلبي معاكي وهانفذلك اي طلب يرضيكي بس عيالي ياسارة دول 5 وهدى دي صنف نم.. رود خبيث... ة ماامنش على الولاد. معاها
بقلم مرفت السيد
وجلس تحت اقدام سارة وهو يقبلها ويقول: انتي عارفة انتي إيه بالنسبالي انا باعشق تراب رجليكي بس دليني
نظرت له بحدة وهي تشعر بالغضب والشفقة وقالا: هاتجهزلي شقة هناك زي ماانت قولت لما يحيلي مزاج اجي اقعد فيها ومعنديش مانع تتجوزها بس بشرط
نصر بلهفة وهو يقبل يديها:
وانا موافق
: مش لما تعرفه
اوامرك
: هتشتريلي محل افتحه بيوتي سنتر باسمي
موافق شاوري بس
: للدرجادي البت عجباك
وحيات ولادي ماعجباني الا عشان ولاد اختها عارفة اعتبريها خدامة
سارة بعصبية: وياترى هاتبات فين بعد. كدة يانصر
تعالي معايا هناك لحد. بعد الاربعين وانا هابات في حضنك كل ليلة لحدما اتجوزها ونرجع زي ماكنا
: ماشي بس بعد اسبوع كدة تكون جهزتلي الشقة واكون خفيت من تعب الولادة
انا الي مزعلني اني مش هقدر اعمل سبوع لولادنا
: ابقى فرق عجلين لله بدل البهرجة والسبوع مايصحش بالظروف دي
حاضر
: تعالى
فاقترب منها وهو يقبلها فاوقفته: مش وقته تعالى ياراجل اعملي مساج لرقبتي مش عارفة انام منها ولما انام ابقى ارجع لولادك عشان تشوف هدى بتعاملهم ازاي
بقلم مرفت السيد
فقالها وهو يقوم بتدليك رقبتها: حاضر بس انتي وحشاني
خلي عندك دم
: ماشي
وبعد مانامت هم نصر بالانصراف فوجد غرفة لمياء مفتوحة فاقترب منها و.....
🤔🤔🤔🤔🤌🧐
يتبع
#القادرة
#بقلم_مرفت_السيد
#M_s
