احلام محطمه بقيود الزواج

البارت السادس عشر

مساء الخير....

لاتنسون التصويت/متابعه الحساب/تعليق بين الفقرات

#احلام_محطمه_بقيود_الزواج
#بارت16

ـــــــــــــــــــــــــ
انا اهجر الأراضي التي لا ترحب بي
وان كلفتني عزه النفس انا اعيش بلا اراضي
ــــــــــــــــــــــ

مرت كم يوم حسيت خلاص بعد ماكدر اتحمل اكثر
طلعت من المطبخ واني نار وهوه كاعد بلصاله كلت

شذر: بسامم تلفونكك

بسام: شنو شبيج

شذر: نطيني تلفونك

بسام: ليش تردي

شذر: بسام من الاخير انته تخوني واني متاكده هم

باوعلي بخزر وكال

بسام: انتي شجاي تحجين هاا

شذر: لا تخزررر ماتخوفنييي

عطت بيه وهوه عيونه صارن بكصته كال من بين سنانه وهوه يكز عليهن بعصبيه كال

بسام: شذرر لا طلعين اعصابي عليج وامد ايدي عليج وانتي مصار كم يوم مسويه عمليه

شذر: لا والله كثر خيرك بساممم احجي انته تخوني

بسام: لا مخاينج

شذر: لعد نطيني تلفونك

بسام: احنه نضل هيج ماعندج ثقه بيه

شذر: اي بعد الي صار والي سويته ماعندي ثقه بيك

بسام: تلفون اذا مديتي ايدج عليه اكسرها والله

شذر: بساممم لا تخبلنني انته تخوني وتكول مخاينج لعد والي شفته بعيوني ها شنو مراسلاتك انته وياها بحيث تغارر عليكك منيي بسام وانته كيف الها وتبررر الهااا غيرتهااا وفوك كل هاذا ماتنام يمي بلغرفه احجي شنو كل هاذا هاا

بسام: علاقه ونتهت

شذر: بسس خايني انته وياها وفكاها ماحاذف المحادثه محتفض بيها

بسام: ولججج شنوو محتفض بيها اصلا مو بالي لج والله صار فوك ال4اشهر من تركتها جانت مجرد نزوهه

شذر: هه نزوه مو وباجر عكبه هم تخوني وتكول نزوه وخلصهاا عليه نزوات بسام تعبت منك ومن سوالفك كرهت العيشه وياك عوفني بحالي عتقني مو ماخليت شي بيه باوعلي باوع الحالي شوف اني نفسي شذر الي اخذتني من بيت ابوي باوع شلون ضعفانه باوع بحيث الي يشوفني يكول طفله حوراء صارت اطول مني واضخم باوع شوف انته تقبل بهاذا حالي دينه واصل الروسنه وانته مامهتم حاير بنزواتك حتى ماتسئل شمحتاجين كل همك نزواتك وصاحباتك

بسام: كافييي كافيي راح اموت اني اني مليت وتعبت يوميه مشاكلج وانتي يوميه عركه شكل على شي تافهه ولج انتي باوعي الحالج اصلا مامهتمتلي كل همج نضافت البيت واولادج اطب واطلع انتي خايره بهل بيت الاكشر وبجهالج اني منو اني شنو بس يلا تنطيني اكل وتخليلي ملابس بس هاذا شايفه منج اشايفف هااا مثل باقيي الزلم اني شوفي حالج شذر شوفي حالج شوفي شلون صايره عود وضعفانه اني هم رجال واريد ومن حقي اريد مرتي تكعد وياي وتسولف وتضحك تلبسلي تتمكيج هسه انتي قطره مكياج ماشايف بوجهج طبعا اروح اشوف الي تسني وتلبيلي طلباتي