قال الامام علي عليه السلام يكاد الفقر يكون كفرا وقول ثاني له لو كان الفقر رجلا لقتلته
Oops! This image does not follow our content guidelines. To continue publishing, please remove it or upload a different image.
الضياع الكاتبه امل مهدي ***********
داخل كل بيت حكايه منها من تزينها جدران البيت بالحب والاستقرار ومنها ما تنطبق على الانفاس لتجعل من البيت سجن ومأوي للتعذيب والحرمان
طيبه.... احنه ثلاث خوات اختي الكبيره ساره واني طيبه والزغيره دنيا يدلعوها دنوه شاء القدر ان تنولد معوقه تسمع بس ما تحجي وشلل باطرافه السفلى اخواني كريم الكبير فقير الي ابعد حد والثاني مالك جسر ووكح
اتوفه ابونه واحنه اطفال لا عدنه راتب ولا معيل ساكنين بيت تجاوز باطراف بغداد مناطق رخيصه وشعبيه من اتوفه ابويه ما تركنه اي شي نعيش منه لان هو كان يشتغل حمال بجميله عدنه گرايب بس بعيدين شويه وحالتهم ضعيفه ساعدونه مره مرتين وبعدين التهو بحالهم...
ولان امي ما كانت تعرف اي مهنه احتارت بعيشتنه وبظل العازه والجوع اضطرت تطلع للزباله اتلم قواطي وجيب باليوم ثلاث الاف ومرات الفين حتى تشترينه كيلو طماطه وكيلو بتيته توكلنه بيهن ابو الحصه استخطانه وتنازل عن الست الاف فلوس الحصه خلفله عليه وكل شهر ينطينه الحصه وفوكه فلوس قنينة الغاز حتى امي تخبزلنه بيها اول مره اخويه كريم جان يطلع ويه امي يساعدها بلم القواطي وبعدين مالك هم طلع اما اني وساره ما كانت امي تقبل نطلع من البيت ساره.... عمري ارباطعش جنت شايله البيت كله واعتني باختي المعوقه امي وخواني يجون المغرب الوصخ والريحه مالت الزباله بيهم ما تنطاق حتى لو يسبحون تظل تفوح وحنه تعلمنه عليها
