فاتت ايام واجت ايام ومر شهر وبقيت اكدر اتحرك براحتي ورجعت طبيعيه جنت فتاحه ثلاجه و واكفه ادور شي اكله
خزرج : شسوي فار المطابخ هنا
كحلاء : دشوف شنو اطبخ
خزرج : اليله العشه برى بدلي وكملي واخذج
كحلاء : صدوك خزرججج
خزرج : اي صدوك
ركضت صعدت فوك لكيت بوكس فتحته لكيت بي فستان ابيض طويل جان كولش نازكك ومرتب ردنه طويله وياه خال كعب ابيض فتت سبحت وطلعت وخليت مكياج خفيف وفتحت شعري ولبست الفستان شوي وفات عليه خزرج جان لابس طقم اسود وجان طالع يجنن
خزرج : اويلي على الصاك لك هاي شنوو
كحلاء : اويلي عليك انته
خزرج : تعالي يمي
كحلاء : قربت يمه وطلع لي ورده و وياها عقد جان العقد كولش حلو فرحت كولش بهل هديه
خزرج : ننزل ؟
كحلاء : يله
نزلنا وفتح لي باب سياره وصعدت وبقا يمشي بطريق وو وجان الوضع هادء بينا لحد ما وصلنا ل مطعم جان المطعم هدوء نزلنا لزمني من ايدي وكفي
خزرج : اوكفي لحضه
كحلاء : وكفت
طلع شريط احمر وكال نطيني ضهرج
كحلاء : ليش
خزرج : تثقين بيه ؟
كحلاء : اي
خزرج : فتري لعد
فتريت جان يخلي على عيوني ويربطه ولزمني من خصري وايدي ومشى بيه لحد ما تركني عدتت دقايق وسمعت صوته وهو يكولي فتحي فتحت وجان الكه المكان ضو مالته خفيف وجان منحني والضو موجه عليه وماحواليه ورد
خزرج : قربي عليه
كحلاء : قربت وجان يفتح علبه بتسم بوجهي
خزرج : تقبلي تكوني شريكتي مدا الحياه تكمليني وتكوني قطعه مني تكوني الي كلشي حلو بهل دنيه تصيرلي زوجه وسند بعد ربي
كحلاء : وجهي صار احمر هاي شنوو بقيت اتلكأ بالكلام ءء اي اقبل
قرب عليه وطلع خاتم ولبسني ياه وباسني من راسي واخذني كعدني على طاوله وشوي نفتحت الاضويه جان بيها كل الاكلات الي احبها دمعت عيوني من الفرح وبقيت ابجي
خزرج : بنيتي هاي شنو ليش تبجين شي مأذيج بيج شي
كحلاء : اول مره اعيش هيج شي
خزرج : تعودي على هيج شي منا ورايح
كعدنا ناكل ونزلنا جوه بقينا نفتر بب حديقه المطعم وجان الجو يجنن رجعنا على البيت واني جانت مبتسمه طول الطريق والخجل ماليني ثاني يوم
اجه خزرج و ويا رسل وصبا وو حجيه
ركضت عليهن واني ابجي حضنني وهنه يبجن
رسل : يمهه شكد خفت عليجج
صبا : ما متوقعه اشوفج هنا هاي احلا شي صار اليوم وياي شكرا خزرج لان جبتنا هناا
كحلاء : مشتاقتلجن مووت
خزرج : يله كافي صارت فاتحه معابلك وحده شايفه ثانيه كحلاء هاي خالتي ام رائد
كحلاء : سلام عليكم خاله تشرفت بيج سلمت عليها
ام رائد : وعليكم سلام يمه يبعد كلبي خزرج مريتك حلوه
خزرج : ايي
رسل : اي شنو المناسبه اليوم
خزرج : اليوم العقد مالتي اني وكحلاء وام رائد راح تكون بمثابه ل كبيره هنا
كحلاء : ها شنو حمريت خجل بقيت اريد شي اشغل نفسي بي كمت دجيب ضيافه الهن
صبا : هههههه اكو واحد بينا يخجل
رسل : هههههههههه ايي
خزرج : يله اني اخليجن براحتجن ام صالون تجي يمجن هنا ولفساتين توصل الجن
صبا : ياااي هاي شكد حلو عبالك بفلم
ام رائد : ههههه يمه هيه حياتنا عباره عن افلام يله يمه خزرج انت كمل شغلك وبنيت كلبك يمي أمن
خزرج : الله يديمج النا خاله
كحلاء : قدمت ضيافه وكعدت يمهن شوي و كومني ل بنات اجت ام صالون و ام رائد كالت اني انام لان ماكدر اكعد هوايه وبده تحضير وجنت كولش فرحانه
بس جنت مقهوره اهلي ماهم يمي ومحد من اقاربي
وصلت الفساتين وحضرنا انفسنا جان فستاني ناعم لون وردي خفيف وجان بينصل وبي فتحه من جنب وتسريحه شويه جانت مرفوعه ومكياج خفيف لان ماحب مكياج ثكيل شوي فاتن بنات ثنين بمعدات جهزن البيت وسون كوشه سمعت باب البيت نفتح وفاتو زلم و نسوان هوايه فاتت وبقن يباركن الي والبيت انملى ضيوف وحده من ضيوف تقدمت الي
سلام عليكم اني حور خاف ماتعرفينا احن اهل هاي المنطقه خزرج شاب كولها هنا تحبه ونعتبره ابنا ف اجينا
وعليكم السلام تشرفت خاله اي هلا بيكم تنورون البيت
بقن البنات يركصن وشوي كومني وياهن وشوي كعدني يم الباب وو خزرج جان بديوان وجنت اردد ورا الشيخ وبعد ثواني كال شيخ أعلنكم زوج و زوجه والله يديمكم للبعض ويحفظكم ويرزقكم ذريه صالحه وصارت اصوات تهلهل وخلص اليوم بفرح وضحك
YOU ARE READING
أخترتك خليلاً لقلبي بحكمه
Romanceعندما تسلب طمأنينه قلبك من اقربهم ويصبح كل شيء يرعبك حتى طرقُ البابِ .
