كعدت واني اشوف ماما تروح ورا المره (ام عمر ) وبداخلي الف فكره وفكره شدايصير وليش هيج كالت بس تعوذت شيطان وماهتميت اجه علينا عمو أحمد
عمو احمد : اليوم نطلع نتعشا برى
باوعت علينا رسل وغمزت
صبا : كولتي اله
رسل : اي وقبل
صعدنا فوك بدلنا وخلينا مكياج وكملنا لبست فستان شوي قصير ردن طويله وردي ورفعت شعري وخليت مكياج خفيف مرت ساعتين ونص
عمو أحمد : يله بنات نزلن دا نروح
نزلنا وصعدنا احنا البنات بسياره و الاهل بسياره وصلنا نزلنا بقينا نفتر بسوك
أميره : يمت ناويه تفاتحين بنتج ب الموضوع
ماما : مراح انكولها ومراح تتدري
أميره : بس شلون ومن تجي المره تاخذها وتسألكم شدكولون الها ؟
ماما : راح نكولها روحي يمها شكم يوم وتعالي بين ماتروح احنا نرجع للبيت
أميره : بس حرام هيجي تسون بيها
ماما : لا راح سامحنا ب المستقبل وميبقى حرام علينا
امشي وراهم واني لازمه فوني وافكر ماما شدا دكول وين تريد توديني بدتت تصير عندي شكوك وخوفه
رسل : يله امشو خلي نروح المدينه الالعاب
صبا : اي صدوك خلي نروح
كحلاء : رسل كولي ل عمو احمد خليني ياخذنا
ركضت رسل على ابوها وبقت تحجي ويا شويه فتر علينا وكال يله نروح صرنا نفس الاطفال نركض كدامهم ونضحك وصلنا وفتنا
صبا : ياااا بنات تعبت من ركض خلي نرتاح ونكمل
كحلاء : ههههه اي والله تعالن نكعد
رسل : شبيجن بنات عبالك عجايز خلنا نفتر
صبا : اشش يله كعدي هسه نكوم
رسل : اوووف اوك يله نكعد
مرت الدقايق واني الفضول أكلني أكل بس اريد اعرف شنو الموضوع وين يردون يودوني وليش
نزلو عشه وتعشينا وخلصنا وبقينا نفتر ونلعب صارت ساعه ب 11ونص
كحلاء : اني اروح اعدل مكياجي واجي بنات تعالن وياي
رسل : اخخ اني ماكدر رجليه يأذني تعبانه
صبا : حت اني متأذيه جسمي مكسر
كحلاء : اوفف منجن ديله اروح وحدي
رحت امشي دخلت على الحمامات بقيت اعدل بمكياجي وشعري خلصت طلعت شفت ماما ويمها مره عبالي عمتي أميره واكفات بعيد عنهم رحت عليهن دا انكزهن بس بالخطأ سمعت اطراف الكلام وياريت مارحت
...............................
أنت تقرأ
أخترتك خليلاً لقلبي بحكمه
Romanceعندما تسلب طمأنينه قلبك من اقربهم ويصبح كل شيء يرعبك حتى طرقُ البابِ .
