لست جيدة في الكلام المنمق ولا في التعبير عن شعوري بالكتابة وجذب انتباهكم، ولكن .... القصص رائعة وقد وقعت في غرامها وغرام أبطالها ،واردت ان أشارك اهتمامي واعجابي مع اشخاص يشاركوني نفس الاهتمام لذلك... قررت ان أنشئ هذه الاقتراحات متمنية أن تنال الرواي...
الواحد منزلش إقتراح عن رواية من سنين حقيقي مش مبالغة، بس الحمد لله بعد ما خلصت إعادة الروايات اللي بحبها بدأت الرواية دي بعد إقتراح على الصفحة بتاعتي من رنا.
باسم الله الواحد نسى كان مفروض يتكلم إزاي عن الرواية بس بما إني بتعامل كأني باقترح على اصحابي فاستحملوا لكّي(كلامي الكتير).
مبدأيا الرواية حقيقي لذيذة وجامعة الحاجات اللي الواحد بيحبها اللي هو شوية نكد حلوين وبعدين شوية ضحك محترمين ورغم إني مش من النوع المحب لالروايات اللي فيها كلام عن الدين بس حقيقي الكاتبة كانت مدخلة الدين بطريقة لطيفة أوي تحثك أنك تقوم تصلي وتقرأ قرآن من غير ما تحس كأنه إجبار كدا أو تباهي من الأبطال بدينهم زي معظم الروايات لما بيخش الدين فيها.
أما عن الأبطال فحقيقي ما شاء الله بطل توكسيك صغنون وبطلة معقدة، بس مع كدا مش أوفر خالص يعني طالعين زي البشر عادي: حالتها النفسية على مقدار اللي شافته وهو بيغلط وبيندم مش بيناحي(بيماطل)، غير عاجبني إنه الكاتبة مهتمية بكل الأبطال مش ماسكة الكوبل الرئيسي وناسية الباقي.
عمومًا القصة لسه مستمرية بتنزل شابترين كل نهاية أسبوع، الشابتر بيبقى طويل خالص ومليان أحداث والرواية ماشية برتم حلو أوي بصراحة عاجبني إنه مفيش مط، مفيش وصف أوفر لكل حاجة، مفيش ساعتين فلسفة من الأبطال.
الكاتبة تستحق الدعم على الجمال دا بصراحة، ومستغربة جدا إنه ازاي الرواية عندها ٢٠٠٠ بس لأنها تستحق أكثر من كدا بمراحل.
Ups! Ten obraz nie jest zgodny z naszymi wytycznymi. Aby kontynuować, spróbuj go usunąć lub użyć innego.
اتمنى على ما ييجي التحديث اللي جاي من الرواية يكون عدد القرّاء زاد شوية لانه الجمال دا يستحق أكتر من كدا.
التقييم(رأيي الشخصي): الرواية تستحق بصراحة ومتقدرش تسيبها من الفضول ومن غير ذنوب كدا مع شخصيات مختلفة تعليقي الوحيد في اللي معجبنيش إنها اتصالحت مع أهلها في نفس الليلة كدا بس حقيقي الباقي كله تحفة حتى مشهد المصالحة كان جميل أوي وفيه عظة وحاجة تربوية كدا لطيفة جدا.
سؤال خارج عن الرواية: فاهمين كلامي (بما إنه مش كل المتابعين مصريين ومع كدا اتكلمت بالعامية المصرية) ولا أرجع اتكلم شوية فصحى بدل العامي حتى لو فصحى ضعيفة بما إني بحب احكي بضمير مش بركز بطريقة الصياغة بس الكلام على الأقل هيتفهم احسن لو حد ملوش في العامية بتاعتنا مع إني حاسة مفيش عامية كتير بعيدة عن الفصحى الأساسية غير اللي واللي معناها الذي😂
