صمِد / عجبتج ؟
نڤيان / لا
عفته ورحت مشتهيت الاكل من الفرحه حشوف البنات لبست اسود كل ملابس اسود من يوم الفقدت بي اهلي لبست وخليت الاعطر الاحبه انا الابيض وطلعت ملگيتهم اخذت جنطتي وملابس قليله خليتهن بالشقه طلعت لكيتهم كاعدين بالسياره منتضريني صعدت بالكرسي الورا وادم بالصدر سكت هوه وحرك السياره الطريق كله صمت بس صوت كارتون مالت ادم متابع كلارينس فتحت الفون مالتي مبي اتصال ولا رساله من خدو بس من البنات رديت عليهم بس مكلت الهم احنه بالطريق جاين غلقت الفون وكسرت حاجز الصمت
نڤيان / ادم تعال تنوع وياك
مكال شي حسيته فرح اندار اليي من بين الكراسي وكعد يمي بيت اباوع ويا اندمجنه سوه منتبهت علئ شي شالي تخرب رفعت راسي داريد اسوي الشال لمحت نضره منه يتنوع النه اني وادم ومبتسم خزرته حط عينه علئ لطريق عاد مطول الطريق غير ساعتين ونص وصلنه ادم بالطريق نام واني هم نمت كعدني صمِد نزل صمِد الجنط شلت ادم ودخلت للبيت بعدني مادخلت للصااله سمعت صرخت البنات من الفرحه حته ادم فز كعد فرحان انتبهت خدو مكو بيناتهن سلمت عليهن وبقينه شوي نحجي بواضيع عامه سئلتهن علئ خدو سكتن جاوبتني نورس
نورس / خدو صار الها يومين حابسه روحه بالغرفه وبس صوت شهگاتها نسمعها نهديها ماكو وماتگول السبب شنوو
اني هنا عفتهم نزعت البشت والحجاب وركضت الغرفتها دگيت الباب بالاول عاندت ماتفتحه بس ورا ملحه مني فتحته شفتها عيونها حمرر وجها صاير اصفر واديها مخرمشه ركضت حضنتها وهيه هماتين ذبت نفسه بحضني بقت تبجي اسئلها ماترد صار وقت الغدا مگدرت اعوفها بهل حاله وانزل وهماتين محد يدري اجينه جابت نور الغدا بالاف ياعلي وبعد ملحه ونصائح وجر وعر يله اكلت خدو لگمه وبعدين ماقبلت سديت الباب وكعدت كدامها وگلت
نڤيان / خدو تنوعي بعيوني
رفعت اعيونها الذبلانه وتنوعت الي كسرت گلبي بهل نضره گلت الها بجديه اخاول اخليها تقوه
نڤيان / انتي اختي خدو معقوله متوكلين الختج شبيج ماتشكيلها اضمين حزنج بگلبج اني شنو فايدتي اذا انتي هيج حالج هااا
ردت عليه بشهكات وبصوت تحسر وندم
خدو / وگعت بالخطا نڤيان وگعت بي
نڤيان / شنو الشي الوگعتي بي احجي خلي نلحگه لا صدك يصير خطا
خدو / نڤيان حبيت واحد من النت صارلي ويا سنه كل هاي السنه يلح عليه ادز اله صوري دزيت اله وحده بحجاب گالي ماريد انزعي حجابج اريد اشوف شعر مرتي لح عليه هواي دزيت اله صوره بشعري حلفته مايحفضهن وهوه حلف الي بكل الانبياء والائمه بس
نڤيان / بسس شنووو
خدو / حفضهن راسلني البارحه الفجر يهددني بيهن يعرف صمِد ويويد ياخذ بثاره من صمِد
YOU ARE READING
سجينة بين يديه
General Fictionبِسۡمِ ٱللَّهِ ٱلرَّحۡمَٰنِ ٱلرَّحِيمِ بقلمي: Fatima Al Hassan المشهد الاول خدو: احلف بداعت امك وابوك واوعدني واحلف بالقرآن -هاي كلها لان ماتثقين خدو: طبعآ هسه شنو تحلف لو لا؟ - وداعت امو وداعت ابوي وعيوني وعد والقرآن اعوف اهلج بحالهم بس ماعليه اذا...
