" လူနာကို ကြပ်မတ်ဆောင်ထဲမှာ ထားထားလိုက်ပါ..သတိလည်လာမှ အခြေနေပြန်စစ်ကြမယ်.."
ဆရာဝန်ကပြောတော့ သူနာပြုနှစ်ယောက် ခေါင်းငြိမ့်ကာ..
" လူနာကို စောင့်ကြည့်ဖို့ မိသားစုဝင်တွေလိုက်လာခဲ့ပါနော်.."
ထယ်ယောင်းတို့လည်း ခေါင်းငြိမ့်ပြီး..နောက်ကနေလိုက်ဖို့ပြင်လိုက်တော့..
" လူနာ့ရဲ့ အမျိုးသား... ခဏနေပေးခဲ့ပါနော်..လူနာအကြောင်းပြောပြချင်လို့..*
ဆရာဝန်ကပြောတော့ ထယ်ယောင်းလည်း ကျန်နေခဲ့လိုက်၏။ကျန်တဲ့လူတွေက ကိုကို့ကို စောင့်ကြည့်ဖို့လိုက်သွားကြသည်။
~
~
~
" လူနာက Miscarriage (ကိုယ်ဝန်ပျက်ကျခြင်း ) ဖြစ်တာ "
" ဗျာ! "
ဒေါက်တာ့စကားကြောင့် ထယ်ယောင်း တုန်လှုပ်သွားသည်။
" ဒါပေမဲ့ သွေးရိုးသားရိုး ပျက်ကျတာမဟုတ်ဘဲ Abortion ( ကိုယ်ဝန်ဖျက်ချခြင်း) လက္ခဏာတွေတွေ့တယ်.."
" ဒေါက်တာ ပြောချင်တာက~.. "
" ဒီလိုပါ.. လူနာက သာမန် သားလျောကျတာမဟုတ်ဘဲ.. ကိုယ်ဝန်ရှိနေစဥ်မှာ တားဆေးသောက်လိုက်လို့ ပျက်ကျသွားတာပါ.. "
" တ .. တကယ်လား ဒေါက်တာ.."
" ဟုတ်ပါတယ်.. အခုလည်း ဆေးရုံ ကို အချိန်မှီရောက်လို့ လူနာရဲ့ အသက်ကိုကယ်နိုင်တာ..သန္ဓေသားကတော့မရှိတော့ဘူး ကိုယ်ဝန်က သုံးပတ်ဘဲရှိသေးတာမို့ သွေးခဲလေးအဖြစ်ဘဲရှိနေတုန်း တားဆေးကြောင့် အဖက်မတင်ခဲ့ဘူး... ပြီးတော့ လူနာကို အစစအရာရာဂရုစိုက်ပေးပါ... ကိုယ်ဝန်ပျက်ကျတာက ကလေးမွေးဖွားတာထက် နှစ်ဆနာကျင်ရတယ်.. အဲ့ကြားထဲ အားငယ်စိတ်တွေဝင်ရင် စိတ်ကျရောဂါပါရနိုင်တယ်..သေချာလေးဂရုစိုက်ပေးပါ..အခုတော့ ခင်ပွန်းကို သွားတွေ့လို့ရပါပြီ.."
ဆရာဝန်ထွက်သွားတော့ ထယ်ယောင်း နားနေခန်းထဲမှာဘဲကျန်ခဲ့သည်။ဘယ်သူမှမရှိမှ မျက်ရည်တွေကို ကျခွင့်ပေးလိုက်သည်။
YOU ARE READING
Dear Ko Ko ( Complete)
General Fictionမောင်သာ ကိုကို ကို သစ္စာဖောက်ခဲ့ရင်..ကိုကို နာကျင်အောင်လုပ်မိခဲ့ရင်..မောင့်တစ်ဘဝလုံး အထီးကျန်ဆန်ပြီး နာကျင်မှုတွေနဲ့ ရှင်သန်ရပါစေလို့..မောင်..ကျိန်ဆိုတယ်..ကိုကို...( ကင်မ်ထယ်ယောင်း ) ငါက..စွံ့အနားမကြားတစ်ယောက်မို့..ကြာရင် မောင် ငြီးငွေ့လာပြီး ငြိုငြ...
Part -24
Start from the beginning