Chapter 124
" ယဉ်ကျေးနေစရာမလိုပါဘူး ... အလုပ်ရှုပ်တဲ့ကိစ္စမှ မဟုတ်တာ ..."
စုန့်ထင်ရှန်းက ပြန်ဖြေလိုက်သည်။ ထို့နောက်ခဏရပ်တန့်နေပြီးမှ ပြောလိုက်သည်။
" ကိုယ်မင်းနဲ့ ဆွေးနွေးစရာကိစ္စတစ်ခုရှိတယ် ..."
ထိုစကားများကြားရသည့်အခါမှသာ သူမ စိတ်သက်သာရာရသွားသည်။ သူမ သူ့ကိုလာကြိုသည့်အချိန်မှစ၍ တစ်နေ့လုံးထူးဆန်းနေသည်ဟု သူမထင်ခဲ့သည်။ သူမ မိဘများအိမ်မှ ပြန်လာစဉ်အချိန်ကလည်း ဝမ်လေးနှင့်အတူ သူမအလှကို ချီးကျူးခဲ့သည်။ ယခုလည်း သူ့ဆန္ဒအလျောက် သူမအတွက် နွားနို့တစ်ခွက် ယူလာပေးခဲ့သည်။ အကယ်၍ သူအလိုရှိသည့်အရာကို မပြောပါက သူမ တစ်ညလုံးထိုကိစ္စကို စဉ်းစားနေမိတော့မည်ဖြစ်သည်။
အဘယ့်ကြောင့်ဆိုသော် သူက ပုံမှန်အကျင့်စရိုက်နှင့် မတူညီစွာ ပြုမူနေသောကြောင့်ပင်။ အကယ်၍ အခြားယောက်ျားတစ်ယောက်က သူမကို ထိုသို့ဆက်ဆံပါက သူမကိုသဘောကျ၍လိုက်နေသည်မှာ သိသာလှသည်။ သို့ရာတွင် စုန့်ထင်ရှန်းက ထိုသို့လုပ်မည့်လူမျိုး မဟုတ်ပေ။ ထို့ကြောင့် ဤအပြုအမူကို ရင်ဆိုင်ရသောအခါတွင် ယွမ်ရှ၏ ကနဦးတုံ့ပြန်မှုသမှာ ၎င်းကို သိမ်မွေ့သောရည်ရွယ်ချက်ဟု သံသယဖြစ်မိခြင်းပင်။
သူ ဘာလိုချင်လို့ပါလိမ့် ...
သူမ တွေးလိုက်သည်။" ဘာများလဲ ... ကျွန်မ တတ်နိုင်တာဆို ကူညီပါ့မယ် ..."
ယွမ်ရှက လေးနက်စွာပြောလိုက်သည်။" အမျိုးသားနေ့အတွက် အစီအစဉ်များရှိလား ..."
စုန့်ထင်ရှန်း မေးလိုက်သည်။ယွမ်ရှ ခေါင်းခါ၍ ပြန်ဖြေလိုက်သည်။
" မရှိသေးပါဘူး ..."ထိုမေးခွန်းကို ကြားသည့်အခါ စုန့်ထင်ရှန်းက အားလပ်ရက်အတွက် အစီအစဉ်များရှိ၍ ဝမ်လေးကို ဂရုစိုက်ပေးရန် သူမကို လာမေးသည်ဟု ထင်လိုက်မိသည်။ သူမက ဝမ်လေးကို စောင့်ရှောက်ပေးနေသူဖြစ်၍ ထိုကိစ္စက သူမအတွက် ရေးကြီးခွင်ကျယ်မဟုတ်ပေ။ ယခင်ကဆိုလျှင် မူလပိုင်ရှင်က အားလပ်ရက်တိုင်းကို သူမ၏ "ပလတ်စတစ်"သူငယ်ချင်းများနှင့်သာ နိုင်ငံခြားသို့ ခရီးထွက်ကာ ပျော်ပါးနေလေ့ရှိသည်။
![](https://img.wattpad.com/cover/346566373-288-k191928.jpg)
YOU ARE READING
ငါ့သားက လူဆိုးလေးဖြစ်နေတယ် (ယွမ်ရှ)
Romance#Villain's Mother - Description ရွမ်ရှ တစ်ယောက် အိပ်ယာထချိန်တွင် သူမ တစ်ညလုံးမအိပ်မနေဖတ်ခဲ့သော ဝတ္ထုတစ်ပုဒ်ထဲသို့ ကူးပြောင်းသွားပြီး ဗီလိန်ဇာတ်ကောင်၏ မိခင်ဖြစ်လာခဲ့သည်။ ဝထ္တုထဲတွင် သူမ၏ပထမခင်ပွန်းသေဆုံးသွားသည့်နောက် မူလပိုင်ရှင်သည် အလွန်လျင်မြန်လှသေ...