سبية مستباحة

بارت 19"

"جوة الكبر بعدك حلو لو غيرك بترابة. 

طولك ضحكتك كشختك شخبارهن ياا يابة "

-

بنيتههه

-خطار اجاني ياا هلا بجيته

-محلى الابو لو مر على بنيتة

-بس ماتطيح اعيونة بعيوني

-شلونة اسئلة ويسئل شلوني

بنتيهه "

*

-نمت وعيوني مفاركة اعزاز نمت وعيوني غركانة بدمع لحبابهة.

كعدت قبل الضهر ماطلعت ولاا نزلت بقيت كاعدة وانتضر اتصال مهڤ وايدي على كلبي

-انفتح الباب وفزيت باوعت طبت عبير رجعت نضري للتلفون وهية اجَت كعدَت يمي

-شبيج ليش مختفية وبدون اكل هم صاير شي

حرير: مهڤ بلواجب وماتصل

عبير: تلفوناتهم تنقفل وبلواجب يشوشون ع الشبكات يعني مستحيل يتحصل اذا ميخلص الواجب

حرير: الواجب ميخلص اعرف مرات يطول ايام عبير رجعلي خوف الواجبات جنت انتضر اتصال ابوية وهسة رجعلي نفس الموقف ونفس الخوف ثنينهم بنفس المكان عبير ابوية هَم جان يقاتل هناك

-اني لشوكت ابقة عايشة بهذا الخوف لييش ديصير هيج وياي شهلعيشة التاخذ كلشي اضحكلة

-جنت احجي وعيني على التلفون وايدي تضرب رجلية بحسرة وقهر

عبير: ياا عيني ميصير هيج ادعيلة ولج حرام تسوين وتحجين هيج هوة هسة محتاج بس دعائنة موبس هوة كلهم اخوانة محتاجين دعائنة

حرير: اليوم كَم ام راح تنفجع بابنهة كَم زوجة راح يروح سندهة وكَم طفل راح يصير يتيم كَم عريس راح يزفو بلعَلم

عبير: اسم الله الرحمن اذكري الله شجاج ياا عيني هوة يصير هيج ولج ميصير حرير شبيج مصدومة باوعيلي عوفي التلفون محمد هم راح ورة مهڤ دزو علي كومي يم امي هم خايفة كومي ندعيلهم يلاا حرير صيري قوية وين ايمانج بربج ليش هلضعف

حرير: خليت الحجية كدام عيوني وتخيلت شكلهة كمت من مكاني وكلت العبيبير روحي اني الحكج طبيت سبحت نشفت شعري ولبست شال واخذت تلفوني ونزلت

- الكل جان كاعد عدى جبل ماجان موجود الحجية كاعدة على صفحة وحيدهة رحت كعدت يمهة ولزمت ايايدهة ومدنكة راسي