سبية مستباحة

بارت 14

سبية مستباحة

-بقلم الكاتبة ميامين الدليم

-
صوتة اعاتبة وخلص خلي يعوفني

-بعدني بتفكيري وطبت شذى

شذى: حرير يريدونج بموضوع

حرير: حبابة مالي خلك

شذى: موضوع مهم كومي حرير لازم تكومين

حرير: شكوو شصايرر شبيج خايفة

شذى: كومي وتعرفين

حرير: كمت واني مستغربة من حالتهة طلعت طبيت للصالة واني لازمة الحايط وامشي مابقة بية حيلل حتة عيوني ماصرت اشوف بيهة زين

- مهڤ هذاا مهڤ كاعد كدامي، دخلت للصالة متلهفة اريد اروحلة بس تفاجئت بلعدد الجاي وياا

ضليت واكفة مصدومة حجة خالي محمود

- تعاي بنتي اكعدي يمي

- باوعتلة ونضراتي كلهة حقد كلت بكلبي البارحة تضرب بية وتهين وليوم صرت بنتك وتريد اكعد يمك

- عفتة ورحت كعدت يم خالو عادل مهمى يكون هوة لوحيد ماا اذاني

همة يحجون واني مانزلت عيني عن مهڤ عيوني صارن يحركني من كثر الدموع التجمعن بيهة دموع قهرر تحررك روحي حرك

-حجة مهڤ

- الله بلخير عليكم ،مثل ماتعرفون اني هنا اليوم لان شخص يخصني انتو ماخذي مني وهذا الشي مايصرف عدنة اذا متعرفون اهل الغربية شلون ياخذون مهرتهم اني اشوفكم تنطوني مرتي بلعيني واغاتي لو تصير غير سالفة

حرير: احس كبر بعيني حيل وهوة يحجي بكل فخر وياهم ودي اكوم احضنة

وكف تفكيري خالي محمود وهوة يحجي بصوت عالي وعرج جفلني

محمود: بنتنة ماا تايهة ومنعرف وين ماوين عاقد عليهة بنص الدواعش وتسمي هذا زواج انت لو تعرف العيب ولحرام ماا كعدتهة يمك

مهڤ: شوكت صارت بنتكم حرير بنتي اني وبسس حرير تعبي انييي اني الي اخذتهة ولميتهة وحطيتهة بنص عيني بلوكت الي جانت ضعيفة ومكسورة بلوكت الراحت بي سبية انيي الضحيتت بروحي موو انتووو حريرر تعبييي وماخلي تعبي يصير الكم ع طبق من ذهببب

محمود: انت شرايد هسة بلضبط

مهڤ: يخسة اذا اريد شي منكم انتو من الاساس حجيتلهة شراح يصيررر بس ماسمعتتت كلامي وعاندت الة تجيكم وهسة الاريدة تردولي حلاليي وماريد اشوف وجه واحد بيكم

- شمسوين بيهة مو حراام عليكم متعرفون الله متعرفون حوبة اليتيم شسويي ولكم ابوهةة شهيييد ياناااس شهييد تعرفون شنوو ماوكفت بعينكم اذكركم بشي واحد بسس

-فَأَمَّا الْيَتِيمَ فَلَا تَقْهَرْ

حرير: هنا بجيت من كلل كلبي بجيت بحركة كدام انضارهم كلهم اسمع مهڤ يستغفر