ထယ်ယောင်းက အဝင်ဝနဲ့ နည်းနည်းလှမ်းတဲ့နေရာမှာရှိတဲ့ ရေမြင်းတွေထားတဲ့နေရာကို အရင်ဝင်လိုက်သည်။ ကိုကိုကလည်း သူ့ရဲ့လက်မောင်းကိုကိုင်ကာ ထပ်ကြပ်မကွာလိုက်လာ၏။
" နူးနူးလေးရေ..ကြည့်ပါအုံး!.. ရေမြင်းကြီးတွေ.. သမီးသဘောကျလား..ပြောပါအုံးကွ.."
ရေမြင်းအကြီးကြီးတွေမြင်တော့ သမီးငယ်က လက်ကလေးတွေတထိုးထိုးနဲ့ ရေမြင်းကို ကြည့်နေသည်။ မျက်လုံးလေးတွေလည်း ဝိုင်းကာ နှုတ်ခမ်းပိစိလေးတွေလည်း ဟပြီး တအံ့တဩ..ကိုကို့ကိုကြည့်လိုက်တော့လည်း...သမီးလေးနည်းတူပင်...အမူအရာတွေချွတ်ဆွတ်တူနေတဲ့ သားအဖနှစ်ယောက်ကြောင့် ထယ်ယောင်းပြုံးပြီးကြည့်မိသည်။
" ဟုတ်ပါပြီ..ဒယ်ဒီ..ကြည့်နေပါတယ် သမီးရဲ့.."
ထယ်ယောင်းက ကိုကို့ကိုငေးနေတာတွေ့တဲ့သမီးငယ်က ထယ်ယောင်းရဲ့ပါးကို ပုတ်ကာ ရေမြင်းတွေကို လက်ညှိုးထိုးပြနေ၏။ပြီးတော့သူ့ပါးပါးကိုလဲ လှမ်းပြီး ပုတ်ကာ ရေမြင်းကိုပြနေသည်။ကိုကိုက သမီးလေးကိုပြုံးပြီး ပါးပြင်လေးကို အနမ်းချွေလိုက်၏။
" သမီး ရေမြင်းကြီးကို အစာကျွေးကြမယ်.."
ထယ်ယောင်းက ကန်စွန်းရွက်နှစ်စည်းဝယ်က ကိုကို့လက်ထဲတစ်စီးထည့်ပေးပြီး သူနဲ့ နူးနူးလေးက တစ်စီးယူလိုက်သည်။နူးနူးလေးလက်ပိစိလေးကို ထယ်ယောင်းက အပေါ်ကနေအုပ်ပြီး ကန်စွန်းရွက်ကိုကိုင်ကာ ရေမြင်းပါးစပ်ထဲပစ်ချလိုက်သည်။ ရေမြင်းကြီးက နှစ်ကောင်ရှိပြီး အရွယ်အစားက ဆင်တစ်ကောင်ထက်တောင်ကြီးသေးသည်။ပါးစပ်အကျယ်ကြီးဟကာ အစားတောင်းနေတာကြောင့် သူတို့လည်း ကန်စွန်းရွက်တွေကို ပစ်ပစ်ပြီးထည့်ပေးနေကြ၏။သမီးလေးက တိရိစ္ဆာန်လေးတွေကို ချစ်တတ်တဲ့သူမို့ မကြောက်ဘဲ သဘောတွေကျနေသည်။
ရေမြင်းကို အစာကျွေးလို့ပြီးတော့ မျောက်ကလေးတွေရှိတဲ့နေရာကိုသွးလိုက်ကြသည်။မျောက်တွေက လှောင်အိမ်ထဲက သစ်ပင်လေးတွေပေါ်မှာ..ခုန်လိုက်..ထိုင်လိုက်..အတက်အဆင်းပြုလိုက်နဲ့ဆော့နေကြသည်။ အငြိမ်မနေတဲ့အကောင်လေးတွေမို့ သမီးငယ်က အထူးအဆန်းကြည့်နေသည်။
YOU ARE READING
Dear Ko Ko ( Complete)
General Fictionမောင်သာ ကိုကို ကို သစ္စာဖောက်ခဲ့ရင်..ကိုကို နာကျင်အောင်လုပ်မိခဲ့ရင်..မောင့်တစ်ဘဝလုံး အထီးကျန်ဆန်ပြီး နာကျင်မှုတွေနဲ့ ရှင်သန်ရပါစေလို့..မောင်..ကျိန်ဆိုတယ်..ကိုကို...( ကင်မ်ထယ်ယောင်း ) ငါက..စွံ့အနားမကြားတစ်ယောက်မို့..ကြာရင် မောင် ငြီးငွေ့လာပြီး ငြိုငြ...
Part -21
Start from the beginning