''ဟန်ဆောင်ခြင်းအနုပညာ''***တစ်ချို့လူတွေက ဟန်ဆောင်မှု သိပ်ကောင်းကြတယ်။ ဒါပေမဲ့ သူတို့ဟန်ဆောင် နေတယ်ဆိုတာကို တစ်ဖက်လူကသိတယ် အကြောင်းတစ်စုံတစ်ရာကြောင့် မပြောဘဲဆက်လက် ပေါင်းသင်းတယ်။ သူတို့ကတော့ သူတို့ဟန်ဆောင်မှုကို တစ်ဖက်ကသိနေတယ်ဆိုတာကို သူတို့ကမသိကြဘူး။
***ယနေ့ခေတ်ကြီးမှာ ဟန်ဆောင်မျက်နှာဖုံးတွေက အရမ်းများပါတယ်။ ထိုက်သင့်သလောက်လည်း လိုအပ်ပါတယ်။ ဒါပေမဲ့ဟန်ဆောင်မှုတွေက အရမ်းများလာတော့ ပတ်ဝန်းကျင်ကြီးက ခြောက်ကပ် သွေ့ခြောက်လာတယ် မစိုပြည်တော့ဘူး။ အရာရာဟာ မလွတ်လပ်တော့ဘူး။
***အရှိကို အရှိတိုင်းလက်မခံနိုင်လို့၊အမြဲတမ်း လူတွေ သတ်မှတ်ထားတဲ့ အဆင့်အတန်းတွေ မမှီမှာစိုးလို့၊ ပတ်ဝန်းကျင်မှာ မသိမ်ငယ်ရအောင်လို့ စသည်ဖြင့် အကြောင်းအမျိုးမျိုးတို့ရန်မှ ကာကွယ်ကြရအောင် လူတွေဟာ ဟန်ဆောင်နေရတယ် ။
***အချို့တွေက သူတို့ရဲ့အလိုရမ္မက်တွေ ကြောင့် ဟန်ဆောင်ကြတယ်။ သူတို့ရဲ့အလိုဆန္ဒတွေကို မရရအောင်ရဖို့ ဟန်ဆောင်ကာ ပေါင်းသင်းကြတယ်။
***အချို့တွေက သူတို့ဟန်ဆောင်တာကို သူတို့ သိတယ် အခြားသူလည်းသိတယ်။ အခြားသူသိတာကိုလည်း သူတို့ ကိုယ်တိုင်သိတယ်။ ဒါတောင် ဆက်ဟန်ဆောင်ကြတယ်။ ပြောရလျှင်တော့ မျက်နှာပြောင်တိုက်တယ်ပေါ့။ အဲလိုလူတွေက အဆိုးဆုံးပါပဲ ။
***ဘာပဲဖြစ်ဖြစ် ဟန်ဆောင်မှုကင်းတာအကောင်းဆုံးပါပ။ ရိုးသားစွာဖြင့်ဆက်ဆံပါ ကြင်နာစွာ ပြောဆိုကြပါ။
*****စာဖတ်သူသူငယ်ချင်းများအားလုံး ဟန်ဆောင်မှုများ ကင်းရှင်းကြပါစေ။ ။
ရဲရင့်မာန်
( အမြင်မတူပါက လွတ်လပ်စွာဖြင့် သဘောထားကွဲလွဲမှုရှိသည်။ )
![](https://img.wattpad.com/cover/345972411-288-k593744.jpg)
YOU ARE READING
အတွေးစလေးများနှင့် ကခုန်ခြင်း
Non-Fictionခံစားရသမျှကို စာတိုလေးအဖြစ် ချရေးထားတာပါ။ ဝတ္ထုမဟုတ်သလို ကဗျာလည်း မဟုတ်ပါ။ အက်ဆေးလည်း မဟုတ်ပါဘူး။ ရိုးရိုးရှင်းရှင်း စာတိုလေးတွေပါ။