اذكر اني أبصرت الدنيا
لا اذكر
اذكر اني جئت إلى عينيك سفيرا
لا اذكر كيف بدئت
لا اذكر كيف اجتزت سبيل العمر
اعرف اني في عينيك
اضل صغيرايا ابي ......
تصويت + متابعه ... تعليق....لنستمر ....🤍
________________________
طلعت برا شفت مجد لازمه واحد ويضرب بي
بقت عيط وابجي وجرجر بي ولا عافه
كامشه من خوانيكه ويضرب بي كل قوته دماه دمييي
انتبهت عليه لابس عسكري مهمني
رحت ادور على اي شي بس كون يترك اخويه دنكت لكيت اكو طابوكه رحت جبتها وبدون تردد ضربته براسه
الدنيا دارت بيه ماعرف شسويت شصخمت كل همي يترك اخويه
شفته ترنح وكعد على ركبه ولازم رأسه يشوف دم بيده ويضغط عليه
رحت الأخويه سندته اريد ادخله جوا حتى يتعالج شفت ممرضه هستوها طالعه حجيت بصوت متقطع
ساساعدينيي فدوه تعالي
اول مشافت المنضر اجت تركض
اشرتلها على الولد دخلت تركض لجوه صاحت لدكتور
اجا الدكتور سنده على متنا ودخله جوا
لمار_دكتوره فدوه تعالي اخويه جاي ينزف مينقطع الدم من خشمه
الدكتوره_ لحظه بنتي بس اجيب مستلزماتي
راحت جابت متلزمات طبيه وأجت خلتله مغذي لان هواي نزف
_مالي نفس حتى اساله شنو صار سكتت وهو ميكدر يحجي
باوع عليه وكال روحي لأبويه لتبقين يمي سالي الدكتوره شلون حالته
بلعت ريكي حلكي ناشف لان صارلنه هواي حتى مي مشاربين رفعت راسي ادعي لربي
ياربي عيني يا اللهي ليس لي احد سواك
جان عندي كتاب وين ماروح أخذه وياي مخليته بجيب التراك طلعته وقريت زياره المناجين وادعيه
بقيت اباب الردها اباوع من بعيد بس مغوش من كد مابجيت اشوف الرؤيه مو واضحه مثل شي بعيني حاولت اركز
و اشوف اربع أشخاص جايين عليه كلهم عساكر مثل زي الولد لابس اسود ماعرف منو بس كلت جيش
درت وجهي بقيت اباوع للباب كبل دخلو الغرفه الولد
الي ضربته واسمع الصياح والعياط واحد يسب واحد يتوعد
اخير شي طلعو واحد جان على جتفه
نسر ونجمه ماعرف مركزت عليه زين درت وجهي صدفه شفت
واحد طويل كلش وبنيته عاليه على چتفه تلث نجمات هذاك اول شخص اتجه الي
ساري_ انتي الي ضربتي الضابط عباس؟
لمار_وكفت على حيلي كمت ابلع برچي ماكدر احجي اخاف يسجنوني وابويه واخويه وحدهم هنا اني شسويت ياربي كمت احجي ويا نفسي
ساري_دجاوبييي هيووو شكو صفنتي
لمار_ هاا اي اني بس هو ضرب اخويه وهسه حالته موزينه والله بس حاولت ادافع عنه والله العظيم.
आप पढ़ रहे हैं
سلاسل من نار
रहस्य / थ्रिलरمشهد 1...... فدوه كعدي خل نطلع منا والله اجه اجه راح يساعدنه هو وعدنه نطلع منا صرخت بصوت عالي بلاعيمي تكطعت شسوي ياربي اختي راح تموت نغمه عليها والدم يجري من حلكها و تون من الضربه البرأسها كلش قوي اسمع صوت طلق برا وصياح كلش قوي ممركزه اختي بيد...
