8:23-
قمت من النوم وانا في حضنه كالعاده .. كانت يده الاولى محاوطه بطني والثانيه تحت وجهه .. كنت حاسه بالحنان والدفئ الي متعوده عليه منه وما كنت ابي اقوم من مكاني .. قربت منه وانا اقارب انفي لانفه وجبهتي ملاصقه لجبينه .. حس بحركتي وفتح عينه وهو يشوفني على نفس الوضعيه قرب مني وطبع قبلته الصباحيه كالعاده
نواف : صباح الخير
لمار : صباح النور ههههه
صحيتك ؟
نواف : كل ذي الحركات والدلع وما تبيني اقوم؟ اقوم لو من عز نومتي
لمار : سامحني ههههه
يلا قوم الوقت تاخر .. تمرينك شوي ويبدء
بمجرد ما سمع كلمه " تمرينك " تنهد وهو يقرب مني ويشد على حضنه اكثر
نواف : تبين اروح عنك ؟
لمار : بسم الله .. مين قالك كذا !!
نواف : كل ما قمت ذكرتيني ب التمرين خليني اتهنى طيب
لمار : وانت مستعد كل صباح تتهزء بسببي؟ تجي وتاخذ كامل راحتك معي بعد التمرين!
نواف : جلسه الصباح معاك ذي احسن من شوفه وجه المدرب وسلمان المزعج
لمار : مافيها كلام .. تقارني فيهم؟
نواف : ولا تفكرين ههههههه
لمار : يلا قوم طيب عشان حتى انا بقوم اسوي لك فطور
نواف : تسلم هاليدين
قالها وماسك يديني ويبوسهم .. اتسعت ابتسامتي وانا اتأمل كل سانتي فيه ..
قام من مكانه ومنشفته على كتفه وداخل الحمام.. قمت من مكاني بعده وانا متجهه لخارج الغرفه وادخل المطبخ .. سويت له اول فطور جاء في بالي ومع قهوتي السوداء جمبي وقهوته حطيتها له بماق عشان ياخذها معه لما يتمرن .. قعدت على الطاوله وانا قاعده على جوالي وانتظره يجي .. دقايق وهو يطلع بشكله المعتاد كل صباح .. مجرد منشفه على الخصر وباقي جسمه كله عريان .. لا زلت استحي كل ما اشوفه بهذا الشكل واعصب على رغم كل شي صار بيننا ..
لمار : النقاش معك متعب .. تعال بس افطر
ضحك على كلمتي ونبرتي الي باين اني تعبت معاه
نواف : كل ذي الفتره وما تعودتي ؟
لمار : بس تعال افطر لا تتاخر زياده مافيني اتكلم
نواف : لا تعصبي بس ههههه ،، العصبيه ماتنفع للبيبي
لمار : صرت انت تعطيني نصايح! ههههههه
داخل قروبات الامهات؟
نواف : الابهات *
لمار : الابهات! ههههههه
استمرينا بالضحك والسوالف واحنا نفطر .. الى ما انتهيت من الاكل وانتظرته يخلص انشغلت على جوالي .. دقايق واحسه يشيل الي كان على الطاوله
لمار : وش قاعد تسوي ؟
نواف : اشيل المواعين .. فيها غلط؟
لمار : لا بس خلها انا اشيلها انت روح تجهز
نواف : حامل واخليك تشتغلين؟ ههههه
لمار : بلا اوفر زياده ترا ماكملت حتى 4 اشهر!
نواف : لو ماكملتي شهر واحد ان شاءالله اقعدي .. انتبهي على نفسك!
لمار : يوهه يعني بدء العرق الابوي؟ ههههه
نواف : اكيد هههههه
غسل المواعين وهو معطيني ظهره وانا اسولف معاه .. راح للغرفه عشان يتجهز لتمرينه وتوجهت انا للصاله الى ما يطلع .. دقايق وهو طالع ولابس تيشرت اسود وفي كلمات بالابيض وجينز ازرق فاتح .. وبيده الساعه الي اهديته اياه .. بمجرد ما لمحتها ارتسمت ابتسامه على وجهي .. اخذ جواله ومفتاحه وقرب مني وهو يبوس خدي ومتجهه للباب
نواف : انتبهي على نفسك حبيبتي
لمار : وانت بعد .. انتبه على نفسك زين!
نواف : ابشري
قالها وهو يبتسم ويقفل الباب معاه .. رجعت اسندت ظهري على الكنبه وانا اتحسس مكان البوسه .. اطلقت تنهيده واخذت جوالي وانا اتصل على لارا
لارا : هلا يا قلبي
لمار : هلابك والله ياحبي .. فاضيه؟
لارا : افضى لعيونك .. ليه؟
لمار : عندك وقت تجيني ؟
لارا : ابشري .. نص ساعه وانا عندك
لمار : انتظرك ياحياتي
قفلت الخط وانا اقوم من مكاني متجهه للغرفه .. لبست تيشرت عادي لونه ابيض وفيه كتابه سوداء على الجنب وبنطلون رياضي واسع اسود .. اخذت شنطتي وحطيت ميكب خفيف واخذت عبايتي وجزمتي وانا انتظر اتصال لارا .. كلها دقايق وانا اسمع هزه جوالي داخل شنطتي طلعت من البيت وانا اتجهه لسيارتها الي كانت واقفه قدامي
لمار : وحشتك؟
لارا : امس نايمه عندك وماطلعت الا اخر الليل حياتي امداك ؟ هههههه
لمار : لازم اتأكد من غلاي كل يوم عشان ماني معاك! هههههه
لارا : غلاك موجود لا تخافين عليه
اخذتني السوالف ونسيت موضوعنا الاساسي .. بمنتصف كلامنا وضحكنا تذكرت
لمار : لارا
لارا : هلا
لمار : اسمعي .. سويت كشف لجنس الجنين
لارا : من جدك!! وش جنسه؟؟
لمار : ما اعرف ولا شفت عشان كذا جايه اقولك!
خليت الدكتوره تكتبه لي في ورقه وابيك تجهزين الحفله .. ممكن؟
لارا : هذا طلب يا روحي ؟ لو تبي عيوني عطيتك!
هاتي الورقه
دمعت عيني في لحظتها .. قربت منها وانا احضنها من كل قلبي
لمار : الله يخليك لي
لارا : ويخليك ليا يا بعد كل هالدنيا كلها
اخذت شنطتي وانا افتحها وامد لها الورقه .. اخذت الورقه وفتحتها وصرخت بلحظتها وهي مو مصدقه!
لمار : خوفتيني!!! وش؟
لارا : ما اصدقق!! مابقولك مفاجاة
لمار : حمستيني!! اف
لارا : اصبري كلها بكرا ولا بعده وتعرفين
اخذتني لارا معاها واحنا نروح الف متجر عشان تتجهز حفلتي وبكل مره يسالها عن الجنين توريه الورقه وبكل مره توريه الورقه اتمنى اسحب الورقه واشوف وش الجنس لكن باخر لحظه امسك نفسي ..
خلصنا نص الاغراض .. حست لارا بتعبي من كثر المشي لاننا رحنا اكثر من مكان واغلبها مقاربه لبعض وتحتاج مشي .. اخذتني لارا للبيت وكملت باقي الاغراض لحالها بدون ما تعلمني وش اشترت ..
قعدت بالصاله وشغلت فلم اتابعه لما يجي نواف لاني كنت انتظره .. لكن غلبني النوم وانا اتابع الفلم ..
ما صحيت الا وانا حسيت بيدين تاخذني الى حضن احدهم .. فتحت عيني وانا انظر له لاجده وهو ياخذني لحضنه وياخذني للغرفه
لمار : نواف؟
نواف : هلا يا عمري؟
اكتفيت بكلمته الاخيره وابتسمت ورجعت كملت نومي ..
8:39..
صحيت من نومي ومالقيت نواف جمبي زي العاده .. قمت من مكاني وانا اخذ طريقي للحمام واتروش لان كان فيني خمول وتعب خفيف على امل يروحون بعد الشاور .. طلعت وانا اللبس شورت وبلوزه خفيفه واوفر سايز لان ماكنت ابي اي شيء ضيق علي ابدًا .. طلعت من الغرفه وانا اسمع صوت بالمطبخ.. توقعت انه نواف ونفس ما توقعت .. دخلت المطبخ وانا اشوفه بجانب الفرن ويطبخ شيء وريحه الاكل ملت المطبخ .. قربت منه وانا ماتوقعت انه يعرف يطبخ! كان يطبخ صدور دجاج
لمار : وش تسوي ؟
نواف : مساء الخير! ههههه
بعطيك نصيحه
لمار : وش هيا؟ ههههه
نواف : الشخص لما يصحى يقول مساء ولا صباح الخير .. مايسال وش قاعد اسوي هههههه
لمار : ماتوقعتك تعرف تطبخ!
نواف : كم سنه متغرب وبعيد عن اهلي اكيد بعرف اطبخ!
ولو ما اعرف بتعلم عشانك
قالها وهو يغمز بنهايتها ويضحك .. ضحكت على كلامه ولازلت الابتسامه شاقه وجهي وانا اتامله وهو يطبخ
لمار : وش ناوي تسوي ؟
نواف : للحين ما فكرت بس شفت صدور الدجاج بالثلاجه وحبيت اسويها وابهرك بطبخي
لمار : بشوف الموهبه المدفونه وش بيطلع منها ههههه
استمريت اتكلم معاه وبكل مره احاول اساعده كان يعصب وياخذ يدي ويرجعني على كرسي الطاوله ويكمل الي كان يسويه .. وبكل مره يرجعني ارجع لنفس مكاني وارجع واساعده وعلى هاذي الحاله الي كنت مستمتعه فيها ..
لمار : واه صح .. نواف
نواف : هلا
لمار : بسوي حفله كشف الجنين!
نواف : هذا الي كنت مخطط اسويه! ههههه
لمار : اعطيت لارا الورقه وراح تتكفل بكل شيء
نواف : حلو .. بس ليت تكون عائليه عشان نرتاح انا وانتي ومايكونون في معازيم كثار بعد
لمار : لا تخاف كنت مخططه لذا الشيء اصلًا .. ما راح اعزم الا اهلي واهلك و لارا بس!!
نواف : كويس .. بس ليتك تتركين السكين وتروحين تجلسين!!
لمار : ههههههه .. ما اعرف احب اساعدك
انتهينا من صدور الدجاج وسوا مكرونه وحط فوقها صدور الدجاج وبدينا ناكل .. والي ماتوقعته طلعت لذيذه مره ! ماتوقعت طبخه يكون حلو كذا ..
نواف : كم تقييمك؟
لمار : والله لذيذ مره ماشاءالله! ماتوقعتك طباخ هههههه
نواف : طلعت موهبه مدفونه ههههه
بنص كلامي معاه .. ارسلت لارا صوره وكاتبه " ايش رايك؟ "
فتحت الرساله وكانت الصوره تنسيق لحفله جنس جنين .. جميله!
لمار : مره حلو! راح تطلبيه؟
لارا : حلو؟ اطلبه؟
لمار : اكيد!
لارا : من عيوني
وريت نواف الصوره والي اعجبه .. اعطيتها الموافقه تطلبه .. وكانت طول الوقت تخييرني بين اشياء .. مثل لون البالون .. الوان الثيم .. الوان الكيك والي كنت اتجاوب معاها بكل حماس وشغف واخذ رأي نواف منها من حماسي ..
