2:30
كنت اتأمل الورد وانا عيوني كلها حب.. رفعت راسي وشفت نواف وهو يسوق.. تأملت وحللت كل شبر فيه كنت جد خايفه هذا يكون لقاء بينا.. كنت خايفه يضيع مني واضيع منه خاف نضيع من بعض..
كنت حاضنه الورد ونظري لنواف.. لف نواف علي وتلاقت عيني وعينه.. شلت عيني بسرعه وصرت اعدل شعري عشان مايلاحظ اني كنت انظر فيه
نواف : هههههه
لمار : ايش بك؟
نواف : لذي الدرجه معجبه فيني وفي الورد؟
لمار : لا ، ليش؟
نواف : اي لدرجه انك حاضنه الورد ولك ساعه تناظرين لي
لمار : الورد من زمان احبه وماكنت انظر لك يا محور الكون
نواف : متأكده؟ ههههه
لمار : اي بس وخر
رجع الصمت من جديد.. كنت ابي ابادر واسولف واتكلم بس ماقدرت معرف ليه كل ماجيت ابادر لساني ينربط!! اكتفيت بنظراتي الي كان ماليها كل الحب والشوق والخوف من الفراق.. كان الطريق طويل وممل مافي الا اصوات الاغاني.. حتى صوتها كان خافض مره كرهت ذا البرود والجمود بالسياره.. سندت رقبتي على الشباك وصرت اتأمل النجوم والشارع بصمت تام.. ومحد كان فيه الا صوت افكاري الي مستحيل يسكت
نمت بدون ماحس من تعب التفكير والارهاق.. حسيت بشخص وهو ماسك يدي ويبوسها.. كان اخر شيء اتذكره..
——————————————————————
6:30
قمت من النوم وصرت ادور جوالي.. دقيقه! انا فين؟
كان الديكور مو نفس ديكور غرفتي! كان اكبر واوسع وافضل!
كنت احاول استوعب الي يصير وليه انا هنا ومليونين سؤال براسي .. سمعت صوت باب وهو ينفتح طلع شخص مب لابس غير منشفه على خصره! نواف!!! ليه هو هنا وليش هو لابس كذا!
صرخت اول ماشفته وغطيت عيوني ولفيت وجهي
لمار : نواف!!!! اطلع برا خير داخل كذذاا
نواف : اخيرًا صحيتي
لمار : انقلع اللبس طيبب بعدين تفاهم
نواف : مشكلتك انتي صحيتي متاخره من اول انتظرك تصحين عشان اتروش وماقررتي غير تصحين الحين؟
لمار : اصبر دقيقه اصلًا وين احنا وليش انا هنا؟
نواف : اسالي نومك الثقيل ؟
لمار : ليش؟
نواف : انتي الي نمتي بالسياره وماخليتي لي مجال غير اخذك بيتي
لفيت وجهي عليه عشان عصبت وكنت ابي اهاوشه.. شفت شكله مره ثانيه واستحيت!! مسكت مخده وضربته فيها
لمار : نواافف يا زق انقلع برا!!!
نواف : حتى غرفتي بتطرديني منها😂
لمار : ايوا بس اطلع!! ولا انقلع اللبس
نواف : اطلعي طيب ملابسي كلها هنا ههههه!
قمت من السرير وانا معصبه بطلع من الغرفه .. فجاءه مسك يدي
نواف : امزح معك اقعدي انا بطلع اغير
انربط لساني ماقدرت اتكلم.. كان قربه مني يوتر.. حراره جسمه وعضلاته وانه مب لابس تيشرت..طلعت من الغرفه وانا اركض ماكنت عارفه وين اطلع و وين اروح بس ابي اوخر عنه.. فتحت اول باب طلع بوجهي وكان مطلع على الحديقه.. كانت كبيره وحلوه.. صرت امشي فيها وانا كل شوي انبهر اكثر من جمالها.. لمحت مسبح.. توقعت بيته كبير مب مو ل ذي الدرجه.. رحت له وكان عميق مره! كنت احاول اللمسه بس خايفه..
تجرأت وحطيت بس رجلي وكانت المويا بارده
جلست جمب المسبح وكنت احط رجلي وامشي رجلي بالمسبح وانا مستمتعه.. احب المسبح والبحر بس من كنت صغيره بس فيني فوبيا اغرق.. من سن صغير وانا ما اروح لشاليهات بس خوفي ان اغرق..
صرت اتأمل المسبح وافكر.. انشغلت بالتفكير بكلشيء.. وايش بيصير اليوم؟ ليه هو بالضبط؟ ليه هو من تخرجت من الثانوي يبون اتزوجه؟
كان بالي مشغول بالتفكير ماحسيت انا جوا المسبح..
كنت اغرق واحاول اطلع نفسي بس ماقدرت!
حسيت بشخص دخل للمسبح ومسك يدي وشدني له.. تمسكت فيه بكل قوتي وانا ابكي .. كنت ارجف من الخوف
نواف : كيف السباحه؟
لمار : نوافف مب وقت هبالاتك!!!
لاحظت رجفت يدينها.. توقعت كل شيء الا انها تخاف لذي الدرجه..مسكت يدينها ورفعت وجها كانت تبكي!ماتوقعت يوصل الموضوع لذي الدرجه..
نواف : لمار؟ اسف ماتوقعتك تخافين..
ماردت علي .. كنت ميت من تأنيب الضمير ماتوقعت انها تخاف زي كذا..
كانت بس تشد على الحضن اكثر واكثر وكنت عارف انه من خوفها بس كنت مستمتع احب تقربها لي بس خايف من الي بيصير..
لمار : رجعني
طلعتها لفوق وانا ماتكلمت ولا كلمه كنت خايفه من رده فعلها..
طلعت وكنت ارجف من الخوف ورجلي ماهي قادره تشيلني كان اتزاني ماهو متنزن.. دخلت جوا البيت لان ابي اتروش شعري وملابسي كلهم ينقطون مويا بسبب مزحه السخيف!
دخلت غرفه نواف ودخلت حمامه لان ذا الحمام الوحيد الي اعرف مكانه ومابي اتلقف ب بيته.. دخلت الحمام وبنص الشاور استوعبت! انا ببيت نواف مامعي لا ملابس ولا حتى منشفه!! كنت بموت من القهر ولا الزعل ولا الاحراج ولا ايش.. الله ياخذك يا نواف وياخذ مزحك معك
كملت الشاور وخلصت وكنت مستحيه حتى اكلم نواف..
ماتجرأت افتح الباب اكتفيت اني صرت اتكلم معاه من وراء الباب
لمار : نواف
نواف : ها
لمار : جيب لي منشفه
نواف : ههههههه تعالي خذيها بنفسك
لمار : منجدك انت؟ نواف جيب لي منشفه!
نواف : لا مامزح تعالي خذي لك منشفه
لمار : بتجيب ولا بقعد بالحمام للابد؟ ماعندي مشكله
نواف : انتبهي بس لا يتلبسك جني
لمار : طيب عشان مايتلبسني جيب لي منشفه وخلصني
نواف : طيب طيب
اخيرًا قرر يجيبب اوفف!! احرجني يالله بموتت ليه ذي المواقف ماتصير الا معه!! ليه بالذات ياربي..
دق باب الحمام وفتحته عشان اخذ المنشفه منه اخذتها ودخلت يدي وقفلت الباب بسرعه
لفيت المنشفه حول جسمي وكنت مستحيه اطلع لنواف بذا الشكل..
لمار : نواف اطلع برا
نواف : ليه؟
لمار : اطلع وبس
نواف : وان ماطلعت وش بتسوين لي
لمار : بتطلع ولا لا؟
نواف : لا
عصبب فيني يالله!! منجده يبيني اطلع له بذا المنظر؟
سمعت صوت باب الغرفه وهو ينفتح ويرجع يتقفل.. عرفت ان نواف طلع ارتحت وفتحت باب الحمام وطلعت
كنت ادور بدولاب نواف على امل اللقا شيء من تيشراته يضبط علي
ايش ذا قصير وكل تيشراته طويله!!
اخذت تيشرت اسود وفيها رسمه بالون البنفسجي و الازرق وكانت حلوه مره.. وعليها بنطلون اسود
كانو كلهم كبار علي بس ذول اقصر شيء لقيته عنده
نواف : ادخل؟
لمار : خلاص اي
دخل الغرفه وكنت قاعده على تسريحاته واحاول اعدل شعري لان مافيه ولا شيء اعدل فيها.. مافيه حتى مشط !
سمعت صوت ضحكته وعصبت فوق ان هو السبب..
نواف : سارقه من ملابسي؟ ههههه
لمار : لو ان لعبك الثقيل ذا ماكان سرقتها
كنت احاول اربط شعري بس مو راضي ينربط كله لان مامعي مشط
كنت معصبه واتأفف.. قرب مني نواف ومسك الربطه الي بيدي وصار يربط شعري.. كنت انظر له من مرايه التسريحه كان يحاول يربط شعري بس مب قادر ويعصب وكنت اضحك على ردات فعله كانت لطيفه وعفويه بشكل خلاني انسى اني كنت معصبه.. مسك شعري وربطه لي
نواف : شرايك بس؟
لمار : اوفف سو لك مشغل بدال البراند😂
نواف : منجد عجبك؟
لمار : ايوا تعرف تسويه حتى احسن مني بعد
نواف : اكيد انا نواف
لمار : لا تصدق نفسك بس
بوسط ضحكنا وسوالفنا سمعت جوال يدق.. كان نواف جواله بيده يعني جوالي الي يدق.. رحت ادوره ولقيته على التسريحه.. ( 🤍mamy )
شفت الاسم وتضايقت حسيت بضيقه كتمتني.. عرفت سبب اتصالها وماكنت ابي ارد.. بعد تردد كبير رديت عليها
لمار : هلا ماما
امك : وينك؟ ليه مانتي بالبيت وانتي عارفه انه مازن بيجي؟
كرهته وكرهت اسمه وكرهت بس التفكير فيه.. سكت ماقدرت اتكلم
ايش اقول؟ ابكي ولا انهار لها ولا اعاتب ولا اعصب ولا ايش؟
لمار : طيب ، انا بس طلعت شوي والحين اجي
امك : طيب لا تتاخرين
قفلت الخط و قعدت واقفه واشوف الجوال.. كنت اعيد واسترجع الي بيصير.. كرهت اليوم الي عرفته والي تجرأت اتعرف عليه..
جلست على السرير وانا منزله راسي .. ليه طيب؟
ماكان في اجابه ولا احد راح يجاوبني..
قرب مني نواف ونزل نفسه على الارض وصار وجهي مقابله لوجهه..
نواف : شفيك زعلتي فجاءه؟ ومين اتصل عليك عشان تقلبين كذا؟
لمار : ..
نواف : لمار؟ مين الي اتصل عليك؟
لمار : امي..
نواف : و وش قالت لك عشان وجهك يصير بذا الشكل؟
لمار : ..
نواف : لي ساعه اسالك ايش بك؟
لمار : عادي تطلع؟
نواف : ماني طالع لما تعلميني ايش صار لك
لمار : ..
نواف : لمار ردي علي !!
ماستحملت صرخته تكفي انها تنزل دموعي.. كنت احاول احبسها بس ماقدرت.. كانت دموعي تنزل بدون ماتكلم او اطلع اي رده فعل
نواف : لمار لمتى بتقعدين كل يوم تبكين؟
ماتعبتي؟ ليه كل شيء يبيك؟ انا عندك! قولي فضفضي!! لا تكتمين الحزن بس لنفسك..
كلماتها كل وحده كانت احن من الثانيه.. كنت احس بمشاعري المتلخبطه.. بس الحزن كان اقواهم وكان مسيطر على تفكيري كله
لمار : نواف..
نواف : هلا
لمار : نواف تذكر الي قلت لك اياه امس؟
تذكرت الموضوع كله.. عرفت سبب زعلها وليه قاعده تبكي.. كرهته من قلبي ..
نواف : اي اتذكره.. ليش؟
لمار : اليوم يوم خطبتنا..
حسيت كانه مويا بارده انكبت علي.. ماستوعبت الصدمه
كل الي قلته.. والي قدر يقوله ويستوعبه مخي..
نواف : كيف؟
لمار : ..
ماقدرت استوعب كانت الف فكره وموضوع بمخي.. ماستوعبت ماقدرت
لمار؟ بتضيع مني؟ كيف!!
نواف : لمار.. لا تخافين ماراح ياخذك..
لمار : كيف ماراح ياخذني! واليوم خطبتنا! تستهبل نواف؟
نواف : ما استهبل ، قلت لك ماراح ياخذك يعني ماراح ياخذك!
كنت انهار اكثر كل ماسمع كلمه منه.. الشخص الي كنت اخاف يضيع مني
اليوم بيضيع مني وبصير لغيره..
مسكت يد نواف وصرت اشد عليها.. كنت مابي يروح مني بدون ماودعه ..
لمار : نواف.. تبي تعرف ليه كنت رافضه ذا الشخص من قبل لا اعرفك؟
نواف : كنت ابي اسالك ذا السوال من زمان.. كنت ابي اسالك بس كنت متردد
لمار : زمان ايام ماكنت مراهقه ب المتوسط.. كنت احب عبدالرحمن الي بيخطبني لانه كان صديقي من ايام الطفوله وكانت شخصته مميزه ومحبوبه والكل كان يحبه.. كنت اللعب معاه من كنت طفله عمري 7 سنوات وكان شخص لطيف وعوضوني عن نسيان ابوي وانشغال امي.. كنت كل مازعل اطلع برا للشارع وكنت اللقاه يلعب كوره وكان يعطيني عشان اللعب معاه كان حب اشبه مايكون طفُلي.. ماكنت متوقعه الي ممكن يصير.. والي خلف ذا الشخص شخص اخر تمامًا..
————————————————————————-
حبيت اوقف هنا عشان تتحمسون شوي😂😂
بنزل البارت الجاي اذا قدرت اليوم بعد شوي
اعطوني رايكم ف الكومنت واعطوني افكار بعد افكاركم تجنن بليز احلى من افكاري هههههه!!
وان شاءالله عجبكم البارت💙💙
