لكل شيء قدر

البارت الثالث "

غشمه
ومشكلتنه كلوبنه انضاف
وغيشمه تصير الكلوب النظيفه

ومانحمل حقد وكلوبنه البيض
تضل بيضه مثل ثوب الشريفه

ومانحمل لواكه ونمسح اجتاف
ماي اوجوهن يشرف الخليفه

ومن جيب الوطن مابكنه شدات
وسمعنه العاهر تكل لعفيفه

ممكن عاهر يسويج دينار
بس مليار ميردج شريفه

حمزه حسين مطر

____________
فتون //

سمعنه صوت الصريخ وكلنا ركضنه
عليه جان نشوف سهى طايحه والمي
تارسها ترس صاار عدها طلوق بدون
سين وجيم اتصلت على سلام عشر
دقايق واجه سلام اخذناها المستشفى
وصلنه المستشفى دخلوها الصالت
العمليات نص ساعه واجو اهل
سهى الي همه بيت عمي اجت امها
واختها واخوها واني اجيت وياهم
اني وامي وسلام مرت دقايق واجتنه
الدكتورا

الدكتورا::-عفوا منو وي سهى كاضم؟

سلام::-اني زوجها!!
الدكتوره::-منو الدكتوره الي جانت تراجع
عدها؟
سلام::-دكتورا سناء
الدكتوره::-وعدها علم بخبر طلوقها؟
سلام::-اي قبل دقايق اتصلت عليها
وكالت رح اجي بشريني شلونها سهى؟

الدكتوره::-مع الاسف سهى طلع عدها قلب وهاذا الشي صعب حيلل صعب
ولازم نسويلها عمليه واني ب السنبه الي
ما اكدر اتقرب منها واسوي الها عمليه

سلام::-ليش؟ انتي مو دكتوره؟

الدكتوره::-صح اني دكتورا بس الحالت
الي تمر عليه ادزها الغير دكتوره لان اني
ما اكدر وما مسأوله عن الي يصير

فتون::-هياهة اجت الدكتوره

اجت الدكتوره ودخلت سوت عمليه
لسهى لاكن ضلو اكثر من ساعه
والقلق اكلنه اكل وسلام وامها
كاعدين على نار شوي ودكو
صفارة الانذار من اتجاه الصاله الولادة
والغرفه الي بيها سهى
الوجوه صارت صفرا كمنه منعرف
شنو نسوي بس نباوع بعيونه
نريد احد يفهمنة ماكو اخر شي
سلام عاط ب السسترات

سلام:::-غييررر تفهمونههه شكوووو؟؟؟
تراااا زوجتييي جوااابشرر بشرر مو جماد

طلعت الدكتوره واجت النه وجها اصفر

الدكتوره::-البقيه بحياتكم فقدنه الام

سلام بخوف::-شش.. شنو؟ منو؟

الدكتوره بدموع::-مكدرنه نسيطر عليها
حاولت كلشي اسوي علمود تعيش
بس مكدرت هواي مكدرت هاذا يومها

فتون::-والطفله؟

الدكتوره::- الحمدلله الطفله بخير وسلام

فتون::-الحمدلله على كل شيء

كعدت بعيده عنهم بس دموعي تجري
اباوع ؏ الهوسه والصريخ والبجي
ربع ساعة والمستشفى انترست
ناس كرايبنه اخوانها.. واخواتها.. اخواتي...
كرايبنه... صغار... كبارر.. زلم... نسوان
كلها تبجي هنيالها مأذت احد مخلت
احد يشكي منها هنيالها كلها تبجي عليها
احنه ع الي مسوينه منو الي يبجي علينه؟ غير بزرنه؟ ويوم يومين وكلها تنسانه!!! الله يرحمها برحمته الواسعه