" အဲ့တာက စပ်တယ်လေ..ကိုကိုရဲ့ မစားရဘူး..နို့ကိတ်မုန့်လေးဘဲစား.. "
စားချင်တာမစားရတော့ ဂျောင်ဂုက နှုတ်ခမ်းလေးဆူသွားသည်။
" ထယ်ယောင်း မင်းဘယ်လို ဖြစ်နေတာလဲ..ကိုယ်ဝန်လနုသေးတယ် ဘာမှ မဖြစ်ဘူး ပြီးတော့ အဲ့လောက်စပ်တာလဲမဟုတ်ဘူး.. "
" ဒယ်ဒီ ဘာသိလို့လဲ အပူအစပ်ဆိုတာ အခုတည်းက ရှောင်ရတယ် တော်ကြာ ကလေးက ဆံပင်မပေါက်ရင် ဘယ်လိုလုပ်မလဲ.. ဒယ်ဒီတို့ မြေးလေး ရုပ်ဆိုးဖြစ်မှာ လာမပြောနဲ့.. "
" ဟ!..ငါက မင်းကို မွေးလာတဲ့ ဖအေပါကွ..ဒီလောက်ဝော့ာသိတယ်..တန်ဆေးလွန်ဘေးတဲ့...အစပ်စားတိုင်း ဆံပင်မပေါက်ဘူးဆို မင်း ကတုန်း ဖြစ်နေပြီ.. "
သားအဖနှစ်ယောက် စကားနိုင်လုတာကိုကြည့်ပြီး ချယ်ယောင်းက ပြုံးစိစိဖြစ်နေပြီး ဂျောင်ဂုကတော့ တအံ့တဩကြည့်နေသည်။အိမ်အကူတွေလည်း မျက်နှာက ရယ်ချင်တာကို ထိန်းထားရ၏။သူတို့ အစ်ကိုလေးနဲ့ သူဌေးက အမြဲလိုလို တကျတ်ကျတ်ပေမဲ့..သူတို့သားအဖရန်ဖြစ်တာက ကလေးတွေစကားနိုင်လုနေသလိုပင်..
" ဘာမှလဲမဆိုင်ဘူး..ဒယ်ဒီ.. "
" ဆိုင်တာမှ သိပ်သိပ်ဆိုင်.. မင်း မာမီတုန်းက အစပ်ကို လရင်တဲ့ အထိစားတုန်း ငါပြောတာတောင်မရဘူး...မေးကြည့်ပါလား မင်းမာမီကို.. "
" ဟုတ်လား မာမီ.. "
သားက မယုံသလိုမေးလာတာကြောင့်..ချယ်ယောင်းပြုံးပြီး ခေါင်းငြိမ့်ပြလိုက်၏။
" အဲ့ဒါကြောင့် သား အစပ်မစားနိုင်တာ..မာမီက သားကိုယ်ဝန်နဲ့တုန်းက အစပ်အရမ်းစားတော့ သားက အစပ်ကိုကြောက်သွားတာ သားကလေးလေးကို အဲ့လိုတော့ အဖြစ်မခံဘူး... "
" ဟုတ်ပါပြီ..မင်းဘဲသိ မင်းဘဲ တတ်.. မပြောတော့ဘူး..လုပ်ချင်သလိုလုပ်..တစ်ခုတော့ကြည့်...သမက်လေးမျက်နှာကို မင်း စားခိုင်းထားတာတွေကို မစားချင်စားချင်နဲ့စားနေရတာ...ကိုယ်ဝန်ဆောင်တွေကို စိတ်ချမ်းသာအောင် ထားရမယ်ဆိုတာ မသိဘူးလား .. "
ဒယ်ဒီပြောမှ ကိုကို့ကို ကြည့်တော့ နို့ကိတ်ကို မျက်နှာမသာမယာနဲ့စားနေ၏။
YOU ARE READING
Dear Ko Ko ( Complete)
General Fictionမောင်သာ ကိုကို ကို သစ္စာဖောက်ခဲ့ရင်..ကိုကို နာကျင်အောင်လုပ်မိခဲ့ရင်..မောင့်တစ်ဘဝလုံး အထီးကျန်ဆန်ပြီး နာကျင်မှုတွေနဲ့ ရှင်သန်ရပါစေလို့..မောင်..ကျိန်ဆိုတယ်..ကိုကို...( ကင်မ်ထယ်ယောင်း ) ငါက..စွံ့အနားမကြားတစ်ယောက်မို့..ကြာရင် မောင် ငြီးငွေ့လာပြီး ငြိုငြ...
Part -12
Start from the beginning