***هذا غي ون شوت كتدريب للمتعة***
عند حمزة للي تعصب وهبط كان ناوي على خزيت حتى كيتصدم .. الدراري مدابزين على شي وحدة طاحت عينيه عليها... نفسو تهزات هبط بدروج تيجري وعينيه حمارو وشاد على يديه تيغوت : اش تديري هناااااا؟؟؟؟؟؟؟؟
وتيدور عينيه بصحابو مخنزر ومصدوم
علات سارة عينيها فيه وطلقات واحد الشهقة نترات من علي للي كانت معنقاه من لور وتمات غادة تتجري جيهة حمزة عنقاتو وبدات تتبكي وتنخصص وخاشية راسها في صدرو
دراري كلهم دارو شافو فيها مصدومين وحمزة باقي مستوعبش علاش كتبتكي علاش جات علاش كانت وسط ربعة دراري علاش كان شادها علي هادشي كامل ملقا ليه تاتفسير
علا عينو في صحابو للي تيتسناوه ينطق اما واحد ختنا باقا خاشية راسها لصدرو مخننة
علي: انا بعدا ملقيت منقول ولكن باينا شي حاجة تم
التوأم شافو في بعضياتهم وصغرو عينيهم وبقاو كيحركو راسهم بايجاب ورجعو شافو فللي معنق البنت وقالو بصوت واحد : هياااا هادي
حمزة شد سارة من كتافها وبعدها عليه شوي علات راسها تتنخصص عينيها حمرين ونيفها تيسيل كتمسحو بطراف كمها
حمزة: اش جاب جدكمك لهنا؟؟؟
بدات تتغوت وتبكي بصوت مجهود :واااااععععهههعع هء حمزة هعهعهعه انا هءء ءء با ءباء
بقات ليه تما تتهجا تاحاجة مخرجات ليها تنهد وشاف فصحابو للي بدورهم حاضينو باهتمام ومتحمسين لأي لقطة جايا
مخضها بيديه من كتافها وباقي تسول فيها نو واقع واش جابها وهي غاتتزيد تغوت بلا بكا غا تهرنيط
غمض عينيه بعصبية وجرها معاه وخرجها رجع شاف فعلي وفي صحابو
حمزة: غانكون في دار مي نعيمة تاحد ميجي
وتم خارج بيها تاشوية هدآت ووقفات ليه فوسط طريق
ضار عندها ومعلي حاجب كيتسناها تعطيه تفسير لهادشي كامل حينت عقلو غايطرطق غي مكالمي لايخرج فيها شي دقة
علات عينيها فيه ورجعاتهم لرض وشبكات دراعها لصدرها
حمزة بهدوء: تنتسناك
بدات تتحرك فيدها بلامتهضر تتستجمع شجاعتها ووتتربط الاحداث منين تعاود ليه عاد نطقات: وامعرت معرتت.معرت
حمزة: كيفاش معرت واش باغا تجهلي ديمي اناا؟؟!!!!!!!
سارة: صافي احمزة هانا غانعاودليك مالك على هاد الغوات دب!!
شدها تاني من كتفها وقربها ليه: اش جابك لهنااااا اش جابك لهاد القنت اش جابك لدار القصارة كتقلبي على لليي يحو*يك؟؟
علات فيه الشوفة مشمئزة معصبة وبتاسمت ليه باستفزاز: لاءح عندي اصلا ...معرت علاش كنت بغيت نبرر ليك وانا ممدطراش
