နေရာလွတ်နှင့်အတူသားရဲကမ္ဘာဆီသို့ [COMPLETE]✓

Chapter 85

"အင်း ငါအရင်အနားယူလိုက်ဦးမယ်" ခဲယ်လ်တစ်ကပြောပြီး အိပ်ခန်းထဲပြန်ဝင်သွားတယ်။ သူ့ရဲ့ အပေါ်အဝတ်အစားတွေကို ချွတ်လိုက်ပြီး ပိုင်မုအနားမှာ လှဲလျောင်းကာ စောင်ထူထူခြုံပြီး မျက်လုံးကိုမှိတ်လိုက်တယ်။ပိုင်မုက နက်နက်ရှိုင်းရှိုင်း အိပ်မောကျနေပြီး သူ့ပတ်ဝန်းကျင်တဝိုက်က မည်သည့်ပြောင်းလဲမှုကိုမျှ သတိမထားမိခဲ့ဘူး။

အန်းချီလော့နဲ့တပေါတို့ကလည်း အနားယူဖို့ ဆုံးဖြတ်ခဲ့ကြပြီး ဒီလိုဆို တစ်ခုခုဖြစ်ခဲ့ရင် တိုက်ပွဲမှာ သူတို့အချိန်မရွေးပါဝင်နိုင်ပါတယ်။ နောက်ပိုင်းကျရင် အစ်ကိုကြီးနဲ့လိန်းကျယ်အတွက် အစားအသောက်တွေ သူတို့ပြင်ဆင်ပေးရလိမ့်မယ်။

ထိုအချိန် မြို့ဂိတ်တံခါးမှာတော့ တိုက်ပွဲတွေ ဆက်လက်ဖြစ်ပွားနေတယ်။ ကံကောင်းထောက်မစွာနဲ့ သူတို့က မြှားတွေပိုမိုပြင်ဆင်ထားပြီး အဲ့ဒီမြှားတွေကိုလည်း ပြန်လည်အသုံးပြုနိုင်ပါတယ်။ အဲ့လိုမဟုတ်ရင် သူတို့မှာ အသုံးပြုဖို့ မြှားများစွာရှိမှာမဟုတ်ပါဘူး။ မြှားမိုးတခါရွာရင် မြို့ရိုးအောက်ခြေမှာရှိတဲ့ သားရဲအုပ်ထဲက သားရဲတွေအများကြီး လဲကျကြလိမ့်မယ်။

မြင့်မားပြီး ထူထဲတဲ့မြို့ရိုးက သားရဲတွေရဲ့ တိုက်ခိုက်မှုအောက်မှာ အနည်းငယ်မျှတောင် လှုပ်ခါခြင်းမရှိပေမယ့်လည်း မြို့ရိုးရဲ့မျက်နှာပြင်ကတော့ သားရဲနောက်လိုက်တွေကြောင့် အစက်အပြောက်တွေဖြစ်လာပြီး အရင်ကလိုမျိုး ချောမွေ့ခြင်းမရှိတော့ပါဘူး။

မျိုးနွယ်စုခေါင်းဆောင်ပုကျီက မြို့ရိုးပေါ်ရပ်နေကာ ချိုင့်ဝှမ်းထဲကလမ်းတွေမှာ ပြည့်ကျပ်နေတဲ့ သားရဲတွေကို ကြည့်လိုက်ပြီး ဧကရာဇ်သားရဲ အထဲပြေးဝင်လာရင် မြို့ရိုးရဲ့ ခံစစ်နေရာ ဘယ်လောက်ထိ ချိုးဖြတ်လာနိုင်မလဲဆိုတာကို အကဲဖြတ်ကြည့်နေခဲ့တယ်။

မျိုးနွယ်စုခေါင်းဆောင်Er က ယခုအခါ အနားယူဖို့ အိမ်ကိုပြန်လည်ရောက်ရှိသွားပြီဖြစ်ပြီး မျိုးနွယ်စုခေါင်းဆောင်နှစ်ဦးကလည်း အဆိုင်းစနစ်အတွက် ပြင်ဆင်နေပါတယ်။ အခု မြို့ရိုးအတွင်းဘက်မှာရှိတဲ့ ဆီပူကျိုတာကတော့ ရပ်တန့်လိုက်ပါပြီ။ သူတို့အပြင်ထွက်သွားတုန်းက Orcs တွေ စုဆောင်းထားတဲ့အခြေအနေအရ သားရဲအုပ်အရေအတွက်က များပြားနေသေးပြီး ဥမင်လိုဏ်ခေါင်းအတွင်းမှာရှိနေတဲ့ ၎င်းတို့က သေးငယ်တဲ့ အစိတ်အပိုင်းတစ်ခုသာ။